احلا صباح ليك يا غالي
على فكرة يا ابو حميد انا قلتلك عن تجربتي في عربيتي
انا فكيت الرادياتير و الدوافر اللي حضرتك بتقول عليها بتتقطم والله ولا اي حاجة خالص و مافيش اي مشاكل
خلينا متفقين انا و انت ان بعد 5 مرات يا سيدي الرادياتير هيبوظ خالص و مش هينفع
بس شوف بقا انت لو كل مثلاً 70 او 80 الف هتعمل القصة دي يعني الرادياتير هيبوظ خالص بعد 400000 الف كيلوا .... يديني و يديك العمر في خراب الرادياتير.
سيبك من موضوع النت و البحث عن الايثلين و الكلام ده ..ده هنبقا نقراه لينا احنا نثقف بيه نفسنا . خلينا بس الاول في مصيبة الصدأ و ده له ماده تضاف الي مياه الرادياتير منفصله خالص عن الميه الخضرا .
يا جماعه انا بحس اني بدخل افتي و امشي و بحس من الناس اني هضرهم او هما متعودين على نمط معين مصر كلها ماشية عليه فا كلامي مش هينفع و كلامي غلط
على كل حال يا شباب انا قلت الكلام الصح بإذن الله تعالى و في الاول و في الاخر انا طرحت الموضوع و كله يرجعلكوا انتوا بردوا
انا عملت مره مداخله طويلة عريضة في نفس الموضوع و كنت بردوا بحس ان الناس مكذبه صحة كلامي
انا معنديش مشاكل بردوا ان الناس متعملش الكلام اللي قلته و كل واحد حر في عربيته
رمضان كريم