سؤال لأستاذ سبعاوي على تانك البنزين

**abdelaziz-waleed** · 03-03-2008 08:16 AM

بمناسبة ان حضرتك صاحي دلوقتي يا استاذ سبعاوي كنت عاوز اسألك
هل في طريقة افرغ بيها تانك البنزين وانضفه من جوة بحيث اشيل الرواسب والاوساخ اللي تحت وافول على نضيف
الف شكر على مساعدتك ومعلش وجعين دماغك

**Xpert** · 03-03-2008 02:46 PM

فك التنك و حله و حل عوامه البنزين عشان "لامؤاخذه" الوساخه تعرف تطلع :d علشان الخراطين الباقيه صغيره علي ان الرواسب تطلع منها ;)

**sab3aawy** · 03-03-2008 03:29 PM

بيشو جابلك المفيد

هى عربيتك اوبل 1997، تبقى حقن الكترونى، وفى هذة الحالة الطرمبة موجودة فى خزان البنزين

هتحتاج تفك الكنبة وتفك خزان البنزين وتفك منه الطرمبة وتغسل التانك ومدخل الطرمبة

بس اعتقد انك فى هذة الحالة ممكن تحتاج جوان للطرمبة علشان متركبهاش بالجوان القديم

**abdelaziz-waleed** · 03-03-2008 09:50 PM

الف الف شكر يا بيشوي ويا استاذنا سبعاوي باشا وجزاكم الله خيراً
بس دا طلع فيلم هندي. كل ده انا كنت فاكر اني ممكن اشفط اخر 5 لتر بنزين مثلاً ومعاهم الاوساخ عن طريق مكنة الشفط زي بتاعة زيت الموتور. انا شايف اني اخليها كدة احسن وافول قبل ربع التانك كما العادة وخلاص

الف شكر مرة تانية يا جماعة

**Xpert** · 03-03-2008 09:56 PM

ولا فيلم هندي و لا بتاع .. هوه الموضوع كله نص يوم (جمعه كده ولا حاجه) .. و تشتري دماغك .. انا كده كده هاعمل كده عندي .. بس انا عربيتي واقفه عشان باسقط مكنه .. (انا اللي هاوصل الانجكشن بنفسي ... ادعوولي عشان ابويا شكله مستغني عني هعهعهعهع ).. هافك التنك و اغسله و احط عدد 2 فلتر بنزين مع الفلتر الاصلي لزوم النضافه بقي ... (شغل بدماغ عاليه )... ترجع تفول علي نضافه ;)