الموضوع: هل توكيل رينو فى مصر سحب جميع الفلوانس للإصلاح ؟

المشاركة الأصلية كتبت بواسطة sharky

إشاعة جدبدة من إشاعات المصرية للسيارات
لسه متكلم من شوية مع مدير صيانة العبور و احد مسئولى المبيعات فى فرع رينو العبور اكد لى انه لم يتم سحب اى سيارات رينو فلوانس فى مصر
و لم يظهر اى عيوب فى العفشة و الفتيس فى الفلوانس

و السيارات اللى تم سحبها فى الخليج فقط لسيارات sm3 القادمة من كوريا بينما الفلوانس اللى بتجى مصر من تركيا
و العيب كان مشكلة فى دورة البنزين

يا ريت لو تقدر تجيب لينا انهى فرع للمصرية و واسم البائع
و لو العميل دا لسه عايز فلوانس ممكن يروح توكيل رينو فرع العبور و يتأكد من الكلام دا

الفتيين بيشجعوا و إحنا بنشجع معاهم....

نفس الكلام ده سمعته قبل كده لما إشتريت الميجان سنة 2006...بعد لما إشترتها رحت المصرية فرع جرين بلازا فى الإسكندرية و سألت البياع إنما إيه أخبار الميجان....طلع فيها كل القطط الفاطسة و الغير الفاطسة....و لما سألته ليه...ملقتش عنده أى جواب مقنع....الفتيين.....

و بعدين عرفت إن التاجر طارق إسماعيل و اخد كمية ضخمة جدا من الميجان و متحكم فى السوق و حارق سعرها...علشان كده المصرية بيضرب فيه تحت الحزام.....

سوق مفهوش أى أخلاق و لا مبادىء....البقاء للأخبث......

المشاركة الأصلية كتبت بواسطة mostafashokry

معلش أنا فعلا سمعت أن فى مشكلة فى الميجان ال2005 فى حين ما نزلت و كانت المشكلة فى بيت الدوارة كانت السبارة نع صديق ليه تدور 25 ثانيه و تبطل و التوكيل نفسة ما كانش عارف يشخص العيب و ظلت السيارة أكثر من أسبوعيين لغاية ما أكتشفوا العيب و أبيتدوا يغيروه فى فى ال2005 كلها

حضرتك سمعت لكن إحنا راكبين العربيات....مشكلة صديق حضرتك مشكلة فردية و ليست فى كل ال2005...المشكلة الفعلية اللى فى 2005 هى نتشة الفتيس اللى عالجوها بتغيير السوفت ويير....لكن أنا شارى فى يوليو 2006 يعنى كانت المشكلة إنتهت.....


بالمثل...التويوتا موديل 2008 و 2009 فتيس MMT كله مشاكل...سنة 2010 تويوتا غيرت الفتيس و العربية أصبحت رائعة بشهادة ملاكها...هل هنفضل نقول على التويوتا عربيات وحشة كلها مشاكل أوعه تركبها....بالتأكيد لأ....وارد إنه يكون فيه مشكله فى موديل معين أو سنه معينه لكن مش معنى كده إن كل إنتاج الشركة دى للسنوات القادمة معيب....هى دى الإشاعات دون وعى اللى هتودينا ورا الشمس....

خد بال حضرتك...البائع فى معارض السيارات بياخد bonus على البيع من شركات السيارات و كمان بياخد أوامر من صاحب المعرض بالتركيز على نوع على حساب أخر و ذلك لأسباب عديدة منها ...عمولة أخر السنة على إجمالى المبيعات لصاحب المعرض أو نزول موديل أجدد و يجب التخلص من الموديل القديم و التركيز عليه أو عرض خاص على نوع معين لو أخد كمية معينه أو أو....إذا البائع لكى يحقق هذا الغرض لازم يقول حاجة تخوف حضرتك من الموديل اللى إنت جاى علشانه...علشان يحولك على الموديل اللى هو عايز يبيعه...اللى أنا بقوله هو الغالبية العظمى من تجار السيارات.....