هل توكيل رينو فى مصر سحب جميع الفلوانس للإصلاح ؟

**pioneerahmed** · 06-08-2010 07:14 PM

اولا سورى للتاخير
ثانيا :

الفتيين بيشجعوا و إحنا بنشجع معاهم....

نفس الكلام ده سمعته قبل كده لما إشتريت الميجان سنة 2006...بعد لما إشترتها رحت المصرية فرع جرين بلازا فى الإسكندرية و سألت البياع إنما إيه أخبار الميجان....طلع فيها كل القطط الفاطسة و الغير الفاطسة....و لما سألته ليه...ملقتش عنده أى جواب مقنع....الفتيين.....

و بعدين عرفت إن التاجر طارق إسماعيل و اخد كمية ضخمة جدا من الميجان و متحكم فى السوق و حارق سعرها...علشان كده المصرية بيضرب فيه تحت الحزام.....

سوق مفهوش أى أخلاق و لا مبادىء....البقاء للأخبث......

ممكن يكون كلامك دة صح و ممكن يكون غلط بردو لان الكلام الى اتقالى منطقى جدا ان الوكيل سحب كل العربيات الى لسة متباعتش عشان يصلع عيوب العفشة و الفتيس و منطقى جدا انة يكتم على الخبر زي دة بالظبط الى شركة تويوتا عملتة و بعد كدة اتسرب الموضوع و بعدين يا باشا متنكرش ان الميجان الى موديل 2004 و 2005 و 2006 كان فيها فعلا نتشة فى الفتيس

كنت بأعمل صيانة 55 لف فى فرع العبور من من أسبوع
كمية العربيات اللوجان و الفلوانس إللى واقفة تسد عين الشمس
و المغسلة مش ملاحقة غسيل فى العربيات الفلوانس الجديدة إللى هتتسلم...

الفلوانس يبدو إنها هتتحمل ولو بنسبة الإرث العائلى الثقيل زى الميجان...و أنا هناك شفت واحد معاه فلوانس أعلى فئة على ما يبدو....و مش عارف شكوته إيه...بس مهندس الاستقبال طلع معاه يجربوا العربية و بعدين رجعوا بيها و قعدوا يطلعوا بيها فوق الرضيف و ينزلوا و يحطوا حجارة و يطلعوا فوقها و ينزلوا...
يبدوا إن صاحب العربية حاسس بصوت من العجلة اليمين أمامية عند المطبات مثلا
أنا كنت عايز أقول لصاحب العربية...أرجوك كفاية طلوع و نزول ....قلبى وجعنى من المشهد الدامى المتكرر..إنت كده هتخربها بجد...

هى العربية فعلا اتباع منها كتير زيها زى الكورولا بالظبط بس مش عشان المهندس اعد يطلع و ينزل من فوق الرصيف يبقى كدة تمام انا معرفش و الله اعلم بس كذا واحد من اللى اشتروا الفلوينس الى هما عملاء البنك عندى قالوا ان العفشة بتاعتها ناشفة شوية بس بصراحة مقابلتش حد واجه فيها اى عيوب تانية

أستاذ pioneer ahmed

مازالت فى انتظار معرفة منك انهى فرع للمصرية للسيارات
و ياريت كمان اسم العميل و نمرة تليفونه لإن لسه جايلى مكالمة من المدير التجارى فى رينو مصر
ومحتاج المعلومات دى ضروى لإن المفروض المصرية للسيارات موزع معتمد لرينو فى مصر !!
و الموضوع دا مش حيعدوا بالساهل

و فى نفس الوقت قالولى عندهم استعداد يسلموا العميل دا السيارة الى كان حاجزها فى المصرية و يعوضوا على التاخير و الكلام الغلط اللى قالوه المصرية للسيارات

مش هتفرق يا استاذ احمد مين موظف المصرية ولا انهى فرع للمصرية لان بالمنطق لو الكلام دة فعلا حصل اكيد هيكتموا علية و مش هيعلنوة ابدا اهم حاجة ان كل الى عايز يشترى فلوينس يصبر شوية لحد لما نشوف الكلام دة صح و لا فعلا حركة من المصرية عشان معندهاش ستوك

اخر حاجة : انا مش عارف انا بتهاجم قوى كدة لية انا سمعت حاجة ممكن تفيد ناس لو عرفوها و تضر ناس لو معرفوهاش قلت انقلها زى ما هية
يا جماعة براحة شوية و بلاش تعصب للرينو , انا بردو معايا ميجان زيكوا بس بردو المفروض اننا نتاكد من الكلام دة الاول.

**refattosa** · 06-08-2010 07:34 PM

حضرتك بتقول ان التوكيل اعلن عن سحب الفلوينس من السوق و بعدين بتقول ان المعرض هو اللي قال و بعدين بتقول انك سمعت ان عفشتها

ناشفة ز يا ريت لو عند حضرتك معلومة محددة من مصدر معلووووووووم يا ريت تفيدنا بيها لان كدة حضرتك بتقلق اللي استلم العربية

و اللي حاجزها و اللي بيفكر يشتريها....... و ارجو ان حضرتك ما تعتبرش ده هحوم علي شخصك الكريم

و تقبل تحياتي

**neversighs** · 06-08-2010 07:52 PM

يعني ايه سحبوا كل السيارات .. انا احد مالكي الفلوينس ولم يتصل بيا احد لحد الان ... ثم أعلنوا فين فالجرايد ولا التلفزيون ولا الراديو لا ايه شكل الاعلان ده بالضبط ؟

**Sharky** · 06-08-2010 08:20 PM

المشاركة الأصلية كتبت بواسطة pioneerahmed

مش هتفرق يا استاذ احمد مين موظف المصرية ولا انهى فرع للمصرية لان بالمنطق لو الكلام دة فعلا حصل اكيد هيكتموا علية و مش هيعلنوة ابدا اهم حاجة ان كل الى عايز يشترى فلوينس يصبر شوية لحد لما نشوف الكلام دة صح و لا فعلا حركة من المصرية عشان معندهاش ستوك

يا باشا ممكن ماتفرقش معاك انت
لكن فارقه مع توكيل رينو فى مصر لإن اللى قال الكلام الغلط دا موزع معتمد لرينو فى مصر و احتمال كبير انه يكون فيه جزاء رادع ليهم من التوكيل على الإشاعات اللى بيطلوعها

على فكرة انا مابهاجمكش
بالعكس احنا بنحاول نوضح المعلومة الصحيحة للأعضاء و لعملائك فى البنك
و أكيد انت كمان عايز توصل للمعلومة الحقيقة بعيدا عن الإشاعات

من فضلك مازالت فى انتظار معرفة انهى فرع للمصرية للسيارات
و نمرة تليفون العميل

**Waleed_Fathy** · 06-08-2010 08:24 PM

المشاركة الأصلية كتبت بواسطة pioneerahmed

النهاردة توكيل رينو اعلن عن سحب كل عربيات الرينو الفلوينس من السوق بسبب عيوب فى العفشة و الفتيس و الكلام دة موثوق منة عشان انا موظف فى بنك و عندى عميل كان المفروض يستلم فلوينس النهاردة و لما راح يستلم المعرض قالو الكلام دة

انا راية لكل الى عايز فلوينس يصبر شوية لما نعرف الحقيقة

حضرتك وجعتلى بطنى و فى الاخر جاى تقول مش مهم انهم فرع و لا اسم الولد ايه
الله يسامحك

**Sharky** · 06-08-2010 08:24 PM

المشاركة الأصلية كتبت بواسطة m.elsheikh

بارك الله فيك
مجهود تشكر عليه

شكرا لذوقك

يا باشا لا شكر على واجب

احنا هنا كلنا فى المنتدى اخوات و اللى بيقدر يساعد فى حاجة بيعملها عالطول
و همنا كلنا هنا ان نايل موتورز يبقى مصدر للمعلومات الصحيحة مش الإشاعات

**Waleed_Fathy** · 06-08-2010 08:26 PM

المشاركة الأصلية كتبت بواسطة sharky

يا باشا ممكن ماتفرقش معاك انت
لكن فارقه مع توكيل رينو فى مصر لإن اللى قال الكلام الغلط دا موزع معتمد لرينو فى مصر و احتمال كبير انه يكون فيه جزاء رادع ليهم من التوكيل على الإشاعات اللى بيطلوعها

على فكرة انا مابهاجمكش
بالعكس احنا بنحاول نوضح المعلومة الصحيحة للأعضاء
و أكيد انت كمان عايز توصل للمعلومة الحقيقة بعيدا عن الإشاعات

من فضلك مازالت فى انتظار معرفة انهى فرع للمصرية للسيارات
و نمرة تليفون العميل

شاركى باشا انا احييك على المجهود الرائع ده
بارك الله فيك

**wawoo** · 06-08-2010 09:11 PM

المشاركة الأصلية كتبت بواسطة pioneerahmed

اخر حاجة : انا مش عارف انا بتهاجم قوى كدة لية انا سمعت حاجة ممكن تفيد ناس لو عرفوها و تضر ناس لو معرفوهاش قلت انقلها زى ما هية
يا جماعة براحة شوية و بلاش تعصب للرينو , انا بردو معايا ميجان زيكوا بس بردو المفروض اننا نتاكد من الكلام دة الاول.

لو ترجع للمشاركة الاصلة اللى انت كتبها حتلاقى انك كاتب "النهاردة توكيل رينو اعلن عن سحب كل عربيات الرينو الفلوينس من السوق بسبب عيوب فى العفشة و الفتيس و الكلام دة موثوق منة عشان انا موظف فى بنك و عندى عميل كان المفروض يستلم فلوينس النهاردة و لما راح يستلم المعرض قالو الكلام دة

يعنى انت كاتب الكلام على انة خبر و واقع و بتأكد كلامك و تقول انة كلام "موثوق منة "
طيب اية اللى خلى الكلام موثوق منة "لمجرد ان فى معرض قالو الكلام دة" ..

و لما شاركى طلب منك اسم العميل و اسم المعرض بتقول مش حتفرق ..ازى مش حتفرق و انت عوزنا نتاكد من كلامك ونتاكد من معلوماتك ...

بصراحة كلامك متناقض و متضارب و حولت تدخل تويوتا فى الموضوع "مش عارف اية علاقة تويوتا بالقصة دى كلها "..و تلمح كمان لمشاكل فى الميجان السابقة "بردو اية علاقة دة بالفلوينس"
و لا دة على اساسا ان لو فى مشكلة فى موديل يبقى كل انتاج الشركة معيوب مثلا ...

الخلاصة انك لو فعلا عاوز تفيد فى الموضوع اللى انت طرحتة دة يبقى تقول على " اسم العميل" و "اسم المعرض" اللى اطلق الكلام دة و اعتقد المعلومة دى مش حترضك ولا تضر العميل بتاعك فى حاجة بالعكس دة العميل بتاعك حيستلم العربية الى حجزها فعلا و تتحل المشكلة..

انما كلام فى المطلق كدة ..يبقى اسمحلى مش حيفيد فى شى ...

**wawoo** · 06-08-2010 09:20 PM

المشاركة الأصلية كتبت بواسطة chato_eg

الفلوانس يبدو إنها هتتحمل ولو بنسبة الإرث العائلى الثقيل زى الميجان...و أنا هناك شفت واحد معاه فلوانس أعلى فئة على ما يبدو....و مش عارف شكوته إيه...بس مهندس الاستقبال طلع معاه يجربوا العربية و بعدين رجعوا بيها و قعدوا يطلعوا بيها فوق الرضيف و ينزلوا و يحطوا حجارة و يطلعوا فوقها و ينزلوا...
.

ههههه بيطلعو و ينزلو من على الرصيف وحجارة ...هو صاحب العربية كان فاكر انة بيشترى عربية دفع رباعى ولا اية ...

**Hany Saad** · 06-08-2010 11:37 PM

[QUOTE=pioneerahmed;3872920222]اولا سورى للتاخير
ثانيا :

ممكن يكون كلامك دة صح و ممكن يكون غلط بردو لان الكلام الى اتقالى منطقى جدا ان الوكيل سحب كل العربيات الى لسة متباعتش عشان يصلع عيوب العفشة و الفتيس و منطقى جدا انة يكتم على الخبر زي دة بالظبط الى شركة تويوتا عملتة و بعد كدة اتسرب الموضوع و بعدين يا باشا متنكرش ان الميجان الى موديل 2004 و 2005 و 2006 كان فيها فعلا نتشة فى الفتيس

أحب أوضح إنى مش بهاجم شخصك الكريم و لا بشكك فى كلامك....

القاعدة بتقول...كلما زاد الطلب على السلعة كلما زادت الإشاعات عليها من المنافسين لتحطيم هذا النجاح.....

من الملاحظ إن الفلوانس هو الحصان الأسود الرابح خاصة فى السيارات الأوروبية و عامله مبيعات متفوقه جدا و حجوزات لفترات طويله...توكيل محترم و مزج جيد بين الشكل و المواصفات......

من الطبيعى جدا أن تهاجم سيارة بمثل هذا النجاح و لو على سبيل الحقد ليس إلا....العربية رائعة بشهادة ملاكها...يوجد بعض الشكاوى من العفشة و بعض القليل من الفتيس و لكن ليس بالقدر الذى يوقف مسيرة نجاحها......

لو أنا كنت توكيل فى مصر....و عرفت إن فيه مشكله....مش ممكن أسحب الموجود فى السوق مهما كانت الظروف إلا لو مشكلة هتودى بحياة السائق و ذلك لعدم تعود الشعب المصرى على عملية السحب....سحب يعنى عربيات بايظة يعنى سمعة راحت فى الأرض يعنى فقدان مكاسب بالملايين يعنى مبيعات اللوجان كمان هتقف و و و.....

لكن ممكن أصلح اللى عندى فى المخازن قبل نزولهم السوق و أتعامل مع السيارات المسلمة على إنها شكاوى فردية.....

من المستغرب برده إن التوكيل يرد على زبون رد زى كده....ممكن بمنتهى البساطة يقوله الشحنة هتتأخر و التسليم هيتأجل... أنا واثق إن الزبون هياخدها بصدر رحب لأنه عايز العربية.....

طبعا ممكن كلام حضرتك يكون صحيح و مشكور على النصيحه للأعضاء...لكن من خبرات سابقة مع المصرية و إشاعتها نتوقع دائما منهم الأسوء.....