الموضوع: زيت الفتيس الاوتوماتيك

المشاركة الأصلية كتبت بواسطة ahmed-moga

1-محطة موبيل المعادى: شارع 9

2-محطة موبيل خلف مساكن شيراتون

والصوره دية فيها ارقام التليفونات الخدمه السريعه

يا باشا الكلام ده لو انا عربيتى فى الضمان..
ده غير انا انا كمان من المنصورة
انا مقضيها مع الميكانيكية والعفشجية اللى برة والدنيا ماشية معايا والحمد لله
انا قصدى يعنى مين اللى يكشف عليه الميكانيكى ولا اللى بغير عنده زيت ولا فى اى بنزينة ولا فين بالضبط ؟؟

لا يمكن الحكم على سائل نقل الحركة غير بالتحليل و أى كشف بالنظر أو الرائحة هو كشف حلوانى و تقدر تعمله بنفسك
أولا الكشف على مستوى الزيت على عصا الكشف
ثانيا رائحة الزيت يجب الا تكون رائحة شياط أو تقترب من رائحة المواد المحترقة
ثالثا لون السائل على منديل ورق يجب ان يكون بمبى دون الميل الى اللون البنى
لكن لايضمن كفائة السائل الا بتغييره بصفة دورية (كما بالكتالوج) مع استعمال المواصفات المطلوبة أو أعلى
ممكن استعمال سائل عادى لفترات قصيرة عند عدم توفر السلئل الاصلى أو ما يماثلة لكن الاستمرار لمدد طويلة يقصر عمر الفتيس بشدة

المشاركة الأصلية كتبت بواسطة ahmed-moga

معلش يافندم مأخدتش بالي ان حضرتك من المنصوره أحسن ناس عشت هناك فتره
بس مش شرط عربيتك تبقي في الضمان

ممكن تعمل عندهم صيانه عادي وممكن حضرتك الميكانيكي او اللي حضرتك بتغير عنده الزيت

ويستحسن ده هو اللي يكشفلك عليه لأن اكيد عند خبره في حكمه علي الزيت من خلال لزوجته ولونه

تسلم يا باشا ربنا يسهل ان شاء الله
انت كت فى المنصورة بتعمل ايه بقى ؟؟

المشاركة الأصلية كتبت بواسطة ahmed-moga

الله يسلمك ياباشا كنت في حقوق المنصوره وايامها كان السيد عبد العظيم مرسي وزير اللي هو محافظ القاهره

دلوقتي كان عميد كلية الحقوق وكان بيدرسلنا القانون الجنائي وعشت 3 سنين من احلي سنين عمري عندكم

وبعد كده حولت لحقوق طنطا كانت ايام جميله واماكن اجمل زي جزيرة الورد والمشايه والعباسي وحتت كتير جميله عندكم

دا انت حافظ بقى :)
عموماً يا باشا احنا تحت امرك فى اى حاجة فى المنصورة