السؤال ده لفت انتباهي . . .
ليه الاوتوماتيك 4 غيار لما المانيوال 5 ؟؟؟!!!
يعني اكيد الخمس غيارات للعربية احسن وتريح الموتور وتوفر بنزين و .....
يبقى ليه لما ييجوا يعملوا عربية اوتوماتيك ينقصوا الغيار واحد؟؟!! :confused::confused::confused:
عرض للطباعة
السؤال ده لفت انتباهي . . .
ليه الاوتوماتيك 4 غيار لما المانيوال 5 ؟؟؟!!!
يعني اكيد الخمس غيارات للعربية احسن وتريح الموتور وتوفر بنزين و .....
يبقى ليه لما ييجوا يعملوا عربية اوتوماتيك ينقصوا الغيار واحد؟؟!! :confused::confused::confused:
لأكثر من سبب
اولا رابع الأوتوماتيك نسب تخفيضه بتكون زى خامس المانيوال، العبرة فى فى ترييح الموتور وتوفير النبزين هى بنسبة تخفيض الغيار وليس بإسم الغيار، يعنى الموتور مش هتفرق معاه الغيار اسمه رابع ولللا خامس لكن تفرق معاه الموتور على كام Rpm على سرعة 120 مثلا على الغيار دة
يعنى مثلا انا كان عندى فى الشاهين الموتور بيكون 4000 Rpm على الخامس على 120 فى حين ان عندى الصنى بتكون على 120 على 3000rpm على رابع الأوتوماتيك ، يبقى الرابع بتاع النيسان اريح لمحركها من خامس الشاهين
هتقوللى طب يبقى فى الحالة دى ايه لازمة خامس المانيوال، ما نعمل 4 والعالى فيهم تكون نسبة تخفيضه عالية وخلاص، لكن الواقع بيقول ان الأوتوماتيك مبرمج على اختيار المواعيد الصحيحة للنقلات بشكل دقيق طبقا لبروفيل السواقة وتسارع العربية وبالتالى مش محتاج انى اكتر له الإختيارات، لكن وجود 4 غيارات بس بفروق واسعة فى نسب التخفيض فى المانيوال هيربك السائق لأنه هيكون محتاج ينقل فى مواعيد محددة جدا ويكبس اوى علىالغيارات (تخيل مثلا انك بتسوق اول تالت خامس بدون استعمال التانى والرابع وشوف العملية دى هتكون مرهقة قد إيه)
العنصر التالت هو وجود الهيدروليك كلاتش فى الأوتوماتيك بديلا عن الدبرياج ، وهو يسمح بنسبة تفاوت بين سرعة دوران الجير بوكس وتلك الخاصة بالمحرك بالزيادة والنقصان من الطرفين، وهو ما يحقق نسبة مرونة اخرى فى نسب التخفيض تقلل الحاجة الى وجود عدد كبير من النقلات
انا عايز اقول لك ان الأربعة غيار اوتوماتيك دى حاجة نسبيا حديثة لأن زمان كان الاوتوماتيك 3 بس، ولا يزال الأوتوماتيك 3 بس فى العربيات الصغيرة مثل البرودوا كيلسا
شكرا جزيلا يا أخ سامح على سؤالك :)
شكرا جزيلا يا سبعاوى على المعلومات المفيدة :)
طيب سؤال حول الموضوع , أيهما أطول عمرا الجير العادى أم الأتوماتيك ؟ فى ظل ظروف قيادة عادية و أستخدام أدمى :) للجير؟
اعتدنا اننا نسمع ان الجير العادى عمره اطول من الجير الأوتوماتيك
بس انا اللى شفته ان مع القيادة المتزنة ده بيعيش وده بيعيش لفترات لا بأس بها
ومع القيادة المتعسفة الجير المانيوال بيحتاج شغل زيه زى الأوتوماتيك
الفكرة ان عادة تكاليف صيانة الجير المانيوال بتكون اقل نظرا لأنه مش بتعقيد الأوتوماتيك
متوسط عمر الجير الاوتوماتيك لو استخدام معقول .. بيعيش 200 الف كم .. عشان كده مانصحش بيه في المستعمل .. و كما تم الذكر ان صيانه اجير العادي قال تكلفه ده غير لو الجير العادي جراله حاجه .. حتي و لو فيه بلي و غوايش و خربان خالص هاتعرف تمشي عليه .. انما الاوتوماتيك لو فصل .. نام دنبيه بقي :d
بس انا الفتيس بتاعى اوتوماتك و 5 غيار
اوبل فكترا موديل 2000 CDX 2000cc
شكرا جزيلا يا سبعاوى على الرد و التوضيح :)
شكرا جزيلا يا أكسبرت على الرد و التوضيح :)
el-fiat punto 7 3'yar
automatic
w kman kol modilat m-benz el-sport bta3t amg el-gdeda 7 3'yar