السلام عليكم
بقالي كام يوم دماغي بتلف في موضوع بعينه
بإختصار
الفترة إلي فاتت
وكأن فيه شئ مُتعمد بالتضييق على الناس....بخلاف أي وقت تاني
يعني
الحاجات الأساسية بتغلى ..الفترة دي بتغلى أكتر وأكتر
القوانين الجديدة...إلي زادت على الدستور وإلي خنقت الناس أكتر ماهي مخنوقة
قانون المرور مثلا...إلي زود على الناس هم فوق همها
قانون الضرايب العقارية..وضريبة الدخل....زودت هم الناس أكتر وأكتر
غلاء السلع الأساسية والغير أساسية ..زيادة غير مسبوقة وبشكل خيالي
زيادة أسعار بعض المحروقات
تجاوزات الداخلية إلي فاقت أي حدود لدرجة سحل الناس في الشوارع..وإغتصاب النساء على قارعة الطريق
وحاجات كتير أنا في غنى إني أحكي عنها
الحاجات دي زادت بشكل مخيف الشهور إلي فاتت
وكلهم ورا بعض...طااااخ
طااااخ
طااااخ
إلي محيرني بقا
إن ده كله..حصل وإحنا داخلين على إنتخابات مصيرية في تاريخ مصر
يعني المفروض الحزب والحكومة يرسم وش الدلع والحنية
لكن الوش إلي الناس شايفاه
غير المفروض يكون في الفترة دي
أنا مش فاهم فيه إيه..لو حد فاهم يفهمني؟؟