1000 مبروك يا جون وعقبال صيانة الــ 100 ألف وعلي فكره الأسعار مش غالبه أوي مقارنه بباقي التوكيلات لو إنت متابع هتلاقيعا معقوله
وربنا يباركلك فيها .. وعقبال صيانة الـ :colsmil:M5 يا سيدي بس ساعتها هتزود صفر ع الفاتوره
عرض للطباعة
1000 مبروك يا جون وعقبال صيانة الــ 100 ألف وعلي فكره الأسعار مش غالبه أوي مقارنه بباقي التوكيلات لو إنت متابع هتلاقيعا معقوله
وربنا يباركلك فيها .. وعقبال صيانة الـ :colsmil:M5 يا سيدي بس ساعتها هتزود صفر ع الفاتوره
الله يبارك فيك يا باشمهندس و ربنا يباركلك في العربية ( حضرتك مدلعها الصراحة ).
هو فعلا حضرتك عندك حق. الصيانة نفسها مفيهاش مشكلة, بس البنود الباقية معرض أي حد تحصله في أي وقت أنا كنت بس محتاج تعليق الاعضاء عليهم وحبيت انقل لهم التجربة.
وفعلا زي ماحضرتك قلت صيانة ال10,000 هتعمل في حدود 800 جنيه
البند رقم 11 لما سألت عليه قاللي ديه حاجة تبع الانجيكشن بتاع العربية بيتم تنضيفها بالاسبراي ده.
المياه بتاعت البطارية ديه مية مقطرة وبيزودوا بيها مية الردياتير في حالة إن النقصان غير ملحوظ. بتتكتب في الفاتورة مية بطارية.
هو موضوع الزويا ده أنا طلعت ورجعت وقلتله مش مظبوطة فـطلع معيا وعشان الطريق نفسه مش مظبوط فأنا حسيت إنه كان بيتهيألي ( بس هي فعلا مكنتش مظبوطة بس مش بإين بسبب الطريق ) فرجعت وقلتله كده تمام. أنا كده خلاص قلتله الشغل مظبوط وبما أن مفيش ضمان على الزوايا فـمينفعش اجيله تاني يوم اقوله لأ اظبطها تاني ( معتقدش فيه بنزينة أو توكيل هيرضى بكده ). بس هو قاللي اطلع بيها ولو لسة حاسس فيها حاجة ارجعلي تاني النهارده أو بكرة واحنا اهم حاجة عندنا إنك تكون مبسوط وده اللي حصل فعلا رحت الشغل وعملت مشوار ورجعتله الساعة 4 مساء وظبط تاني وطلع جرب معية تاني في الشارع اللي يريحني :36_1_1[1]:. أنا شايف إن حتى لو ده مش تصرف استثنائي بس هو كان يهمه رضائي وده يستحق التحية.
وفعلا أنا لمست انهم محترمين وبيستخدموا اسلوب متحضر في خدمة العملاء.
حضرتك نورتلي الموضوع, متشكر جدا على مرورك.
ألف مبرووووك يا استاذ جون, و عقبال صيانة الـ100,000 كم...
انا زي ما قلتلك قبل كده, بعد ما اتعاملت مع smg (بس مش صيانه)
عرفت انهم نـاس قمه في الاحترام و الالتزام, و عارفين انهم وكيل لبراند
عريق جداا و محترم زي سيات, و لازم يكونوا قد اسم و تاريخ سيات
لكن بصراحه انا حاسس ان المصنعيات غاليه شويه (لكن مش مبالغ فيها)
و كمان قطع الغيار غاليه شويه بردو, لكن السؤال اللي هيفرق بقى....
ما هي بلد منشأ او صنع قطع الغيار, و ما مدى جودتها..؟؟؟؟
بردو العربيه اوروبي, و دي طبيعة الاوروبي نظراً لجودته العاليه و يستاهل
و انا شخصياً ماعنديش اي مانع ادفع المبلغ ده في مقابل الاهتمام و الجوده
عموماً يا باشا ألف مبرووووووك, و فعلا التوكيل محترم...
و في انتظار المزيد من الآراء, و التجــارب من باقي الأعضاء...
تقبل تحياتي...
حمد الله علي السلامة يا باشمهندس غازي, أنا يشرفني إن حضرتك تنورلي الموضوع.
وفعلا زي ماحضرتك قلت أنا اخدت معاملة وجودة بس اللي يشتري أروبي لازم يكون حط في حسابه النقطة ديه. غالي بس أنت واخد قطعة غيار فيها تكنولوجيا وبحث علمي عشان تكون اعتمادية و تستحمل ظروف تشغيل, مش حاجة يادوب شغاله.
علي سبيل المثال أنا اتبسطت لما لقيت الجنط الحديد مكتوب عليه علامة فولكس و اودي و سيات و سكودا و صناعة الماني.
و كل سنة وحضرتك طيب وكل الاعضاء بخير. حضرتك كان ليك وحشة والمنتدي نور.
انا برضه واحد من الناس شايف انه كتير 880 على صيانه 10000 يعنى الاوبل استرا كانت اقل من كده و الميجان برضه اقل من كده ودول المفروض اعلى من الابيزا و لو بالمنطق ده المفروض ليون هتبقى اعلى من كده ولا انا بتكلم غلط؟
الله يسلم يا استاذ ايهاب, و انت والله ليك وحشه...
معلش هي كانت غيبه فعلا, بس غصب عني بسبب شوية مشاكل كده, و الحمد لله
شكراا جزيلاً على اهتمامك و ذوقك يا باشا...
كل سنه و انت طيب و بخير و صحه, و رمضــان كريم...
الله يسلمك يا استاذ جون, الشرف ليا, و الموضوع منور بيك و بكل الاعضاء...
شوف يا باشا, انا عموماً عندي الجوده في المقام الأول, و الاوروبي يستاهل طبعاً...
فعلا موضوع الجنط ده حاجه كويسه جداا, و لو مكانك كنت هتبسط بردو لأنك
خدت حاجه محترمه و الألماني غااااني عن التعريف طبعاً في الجوده و الاعتماديه...
لكن انا هتقل عليك معلش و هسألك, هي قطع الغيار صناعتها ايه؟؟؟
يعني اسباني بردو, ولا ألماني, و لا صيني بس بجوده عاليه, و لا صيني من اياهم..!!؟؟
و المفروض انها تكون هي هي زي فولكس, و اودي, و سكودا.... ده اللي كلنا نعرفه
كل عام و انت بخير, و شكراا يا استاذ جون على ذوقك, و ده العادي من شخص محترم زيك
تقبل خالص تحياتي...
معلش يا فندم أنا ماخدتش باللي من السؤال.
أنا استغربت فعلا إن كله الماني, فلتر الزيت والبنزين الماني ( هي المانيا سايبة الماواتير والالكترونيات وقاعدة تمضي على أطباق :36_1_1[1]:) واستغربت لما شفت الecu بتاع العربية Bosch مجري مش الماني. مياه التبريد Mobil 1 حمرا معمولة لفولكس جروب ( فولكس, اودي, سيات, سكودا ) و ده مكتوب عليها.
هو ده اللي شفته.