| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 30

  1. #1

    الصورة الرمزية John_Samy_1

    رقم العضوية : 61933

    تاريخ التسجيل : 13Feb2010

    المشاركات : 578

    النوع : ذكر

    الاقامة : الهرم, الجيزة

    السيارة: LADA 2105 1994

    السيارة[2]: SEAT IBIZA AT 2010

    دراجة بخارية: لا يوجد

    الحالة : John_Samy_1 غير متواجد حالياً

    Lightbulb توكيل سيات smg و صيانة ال10,000 - Facebook Twitter whatsapp انشر الموضوع فى :

    hasad">

    مساء الفل عليكم كلكم وعلى أحلى قسم في أحلى منتدي,
    أنا الناهردة عملت صيانة ال10,000 و حبيت احكيلكم تجربتي و تقيمي للتوكيل. نبتدي الحكاية
    قلت أعمل الصيانة النهرده خصوصا إني لقيت العداد عمل 9,700 كم وانا عارف إني هكسر ال10,000 لو استنيت كمان اسبوع. قلت اروح الجمعة ديه لاتشغل اللي بعدها. طبعا مفيش حجز فأنا قمت من النجمة ورحتلهم الساعة 9 صباحا وبرده كان فيه عربيتين سابقني . المهم الإستقبال كالعادة قمة في الاحترام. استقبلني المهندس عادل وهو راجل ذوق جدا وحسسني إني عميل في بلد اوربي محترم أو بالبلدي كده كأني راكب بورش ( في أي بلد محترم أي عميل بيتعامل بإحترام بغض النظر عن نوع عربيته ). المهم قلتله على اللي مضايقني وهو زودلي كام حاجة وقاللي بالظبط على تفاصيل الصيانة وقاللي حتتكلف تقريبا كام. كل ده ولعربية بيتتكيس عشان تخش الصيانة

    • أنا قلتله عندي مرية اليمين خدهالي واحد بتاع نص نقل بالصندوق بتاعه فـكسر المرية من جسم العربية عشان المريا بتقفل لفوق مش بتقفل لجوا وبترد ل برة بسوستة ( مش عملية بس شكلها حلو لما بتقفل ) قاللي مادام المرية سليمة وشغالة كويس يبقى هنربطها ونغير أي كلبس مكسور من جسم العربية
    • قلتله عندي الدركسيون بعد ماوقعت في نقرة على مطلع الدائري ( كنت ماشي 120 في الضلمة ) مبقاش عدلته فالنص بالضبط بقيت لازم اكسروا شمال شوية, فقاللي هندخلها زويا
    • وراح قاللي هنجيب غطا بلاستيك لمسمار المساحة اللي ورا عشان كان مكسور
    • قلتله كمان إني ساعات باسمع تزيق من الأبواب مع المطبات بعد مغسلة العربية في بنزينة, قاللي ده عشان بيكون في شحم في المفصلة وهما غسلوه وطبعا مش بيشحمه تاني.
    • وقاللي هنعمل صيانة ال10,000 وديه فيها عفشه وزيت وفلتر تكيف وبنزين وزيت ونتشك على الكهربا والفوانيس والفرامل ونحطها على الجهاز ونشوف لو فيه أي errors
    • قاللي التكلفة المبدئية حوالي 1000 جنيه. أنا حسيت إنهم كتير بس مستخسرتش عشان شغلهم نضيف
    كان معيا اللابتوب بتاعي وخطبتي عشان كانت عايزة تيجي معيا تشوف إيه التوكيل ده. دخلنا الاستراحة , أنا حافظها طبعا هي نضيفة و واسعة إلى حد ما. قعدنا وطلعت اللابتوب ودخلت على الWiFi وكان سريع الحق يتقال وطلبت من البوفيه مية وقهوة مظبوط. القاعدة جميلة والمكان مكيف وبعد شوية قلت احاسب ونروح نبص على العربية. الحساب كان 3 جنيه وراجل مرضاش ياخد بقي الخمسة, قلت اشمعنا ده اللي رخيص بس يلا متبقاش من كل نحية. وديه كانت آخر حاجة رخيصة في الموضوع. الصراحة لما اتفرجنا على المكان كانت حاجة تشرح. وكان فيه كام عربية بورش بتعمل صيانة اتفرجنا عليهم ( كلهم كايين ) وروحنا للسروجي نسأله لو كنت عايز أعمل فرش للعربية ونصحني اروح مكان وقاللي ناس محترمة جدا ومتقلقش منهم ( مش هاعمل عنه دعاية اللي عايز يعرفه يبعتلي عالخاص ). وبعد ما اطمنت على العربية رجعنا تاني الاستراحة. جالي مهندس عادل الساعة 12:30 وقاللي خلاص كله خلص وكان جايبلي الفاتورة ب1030 جنيه ( هاكتبها بالتفصيل تحت ). قلتله أنا بس كنت عيز اجيب جنط حديد عشان أنا عربيتي منزلتش بستبن ( كل الجديد بينزل فيه ) قاللي خلاص اجيبهولك هو هايكلفة 290 جنيه. أنا كنت سائل عليه بره بـ250 بس اندونيسي. قلتله ماشي هاته فـراح جابه وزودلي تمنه في الفاتورة . بقيت بعد الضرايب 1346 جنيه .
    قلت أشوف بقي إيه الفاتورة بصوا معيا عشان أنا عرفت ليه بيقولوا الأروبي غالي

    1. تربيط مرية يمين 48 جنيه ( لو كان سمكري كنت كرمشتله 10 جنيه )
    2. تغير كفر مساحة خارجية 12 جنيه ( بتاعة بلاستيك أنا بحطها وباشيلها بإدي يعني لو كان الدهني في ادي كنت حطيتها في 2.5 ثانيا )
    3. مصنعية سيرفيس 10,000 216 جنيه
    4. تنظيف وحدة حقن 36 جنيه ( طب وال216 دول بتوع إيه )
    5. ظبط زويا 120 جنيه ( البند ده فقع مرارتي وحاولت اضبطها بره التوكيل قاللي في البنزينة عايزة جهاز كمبيوتر عليه مقاسات العربية, احسنلك التوكيل )
    6. حشو فلتر زيت 70 جنيه
    7. غطاء مسمار المساحة الخلفية 17 جنيه
    8. فلتر بنزين 170 جنيه
    9. جنط عجل 287 جنيه
    10. زيت محرك موبيل 1 227.52 جنيه
    11. سبراي 18 جنيه
    12. مياه بطارية 3 جنيه (تزويد مياه التبريد)
    رحت دفعت وطلعت استلم العربية لقيتها لسة هتتغسل. استنيت الغسيل, الصراحة غسلة تمام بره وجوه وخدت باللي إنهم مرشوش مية على المفصلات من جوه مجرد مية والعربية مقفولة. نشفوها كويس , بسيط على العربية لقيت الجنط محطوط في الكنبة اللي ورا وطلع الماني فا انبسطت, أنا كنت خدت على معاملة البهوات فـبسيط بقرف فـواحد من اللي بيغسلوا العربية جالي و اتاسف وقاللي تحب احطه في الشنطة قلتله يا ريت قام نقله علي طول. وبعدين قلت اطلع اجرب العربية. وهنا المفاجأة, العربية كل حاجة فيها كأنها فبريكة والمراية المكسورة ولا حتى كان فيها هذة وكأنها كانت جية كده زي ماجت من المصنع بس ياخسارة الحلو بقي مايكملش. الدركسيون بدل ماكنت لازم اكسرو شمال بقيت لازم اكسرو يمين. رجعت تاني ومهندس عادل طلع معيا أسطي صبحي اللي ماسك العفشه والزوايا والشاسيه. قلت نلحق نجرب قبل ميعاد صلاة الضهر. الطريق اللي بره التوكيل مبهدل وانا اقتنعت إني كان بيتهيألي وقلتله لأ خلاص ديه مظبوطة. رجعت تاني ومهندس عادل قاللي بص اهم حاجة إنك تكون مبسوط, امشي بيها ولو حسيت باي حاجة ارجعلي تاني أو تعالي بكرة بس بكرة نص يوم. رغم إن الزوايا معليهاش ضمان بس اهم حاجة راحتك. شكرته جدا وطلعت. رحت كام مشوار وحسيت بالموضوع جدا في شارع السودان وجامعة الدول. رجعت تاني واستقبلني بقمة الباششه وقلتله على اد إيه لازم أكون كاسر الدركسيون فـجاب أسطي صبحي تاني وظبطها (تاريط على مسمار في البارات) وقال لي اطلع جرب وماترجعهوش إلا وإنت مبسوط المهم حتى أسطي صبحي عصر اطلع معاه لغاية شارع السودان وجربت والدنيا كانت مظبوطة المرة دي زي الساعة. رجعنا وشكرتهم.

    انطباعي عن التوكيل,
    الشغل كان قمة في الحرفية. أسطي صبحي كان بيدرس كمبيوتر وبياخد ICDL فـناس كلها على مستوى علي سواء مهندسين أو صنايعية. الناس كلهم قمة في الاخلاق.
    المصنعية غالية وقطع الغير غالية بس الشغل نضيف وحتى التزيق اللي كنت باسمعه اختفي والعربية رجعت زيرو ( هي اصلا مكنش فيها حاجة تذكر بس أنا حسيت إنها كأنها لسة طالعة من المصنع تاني )
    لو هتجرب زوايا أو حاجة معتمدة على طريق نضيف اطلع لحد شارع السودان. الطريق اللي قدام التوكيل مبهدل ويتجرب فيه دبدبت مطبات أو تزيق مش زوايا.

    أرجو التعليق من الاعضاء على الفاتورة وإيه اللي أنتم شايفنو مبالغ فيه عشان رايكم يهمني جدا.
    بس أنا أكتر حاجة بسطتني هي خدمة العملاء و رضاءهم العربية كانت بتبرق بعد الصيانة ومتأخرتش في الصيانة خالص بس كانت على حساب السعر .

    أنا آسف على الاطالة بس أنا حبيت أشارك معاكم تجربتي. وقريب هاعمل تقيم للعربية بعد ال10,000 كم
    تقبلوا تحياتي



    شكرا للعضو على نقلة لتجربة الصيانة ونرجوا من باقى الملاك عمل تقرير مشابة حتى تعم الفائدة
    تم التثبية للاهمية 15 ب


  2. #2

    الصورة الرمزية Gabrial

    رقم العضوية : 58905

    تاريخ التسجيل : 14Jan2010

    المشاركات : 1,081

    النوع : ذكر

    الاقامة : Earth:((

    السيارة: لا يوجد

    السيارة[2]: لا يوجد

    دراجة بخارية: no

    الحالة : Gabrial غير متواجد حالياً

    افتراضي -

    مبروك يا جون باشا ،عقبال ماتعمل صيانة البورش عندهم .واضح انهم محترمين و عندهم ضمير و فاهمين بس غاليين في المصنعية شوية و ليه ظبط زوايا 120 جنيه ، بس من ناحية تانية مدام بيحترموا العميل و شغالين كويس يبقى خلاص أحسن من ناس تانية تدفعك و برضه تطلع من عندهم ولا في أي فرق .و أعتقد الصيانة في الاروبي عموماً غالية .عقبال 100 ألف .
    ابعتلي إسم السروجي إلي قالولك عليه بعد إذنك و شكراً .


  3. #3

    الصورة الرمزية John_Samy_1

    رقم العضوية : 61933

    تاريخ التسجيل : 13Feb2010

    المشاركات : 578

    النوع : ذكر

    الاقامة : الهرم, الجيزة

    السيارة: LADA 2105 1994

    السيارة[2]: SEAT IBIZA AT 2010

    دراجة بخارية: لا يوجد

    الحالة : John_Samy_1 غير متواجد حالياً

    افتراضي -

    اقتباس المشاركة الأصلية كتبت بواسطة Gabrial مشاهدة المشاركة
    مبروك يا جون باشا ،عقبال ماتعمل صيانة البورش عندهم .واضح انهم محترمين و عندهم ضمير و فاهمين بس غاليين في المصنعية شوية و ليه ظبط زوايا 120 جنيه ، بس من ناحية تانية مدام بيحترموا العميل و شغالين كويس يبقى خلاص أحسن من ناس تانية تدفعك و برضه تطلع من عندهم ولا في أي فرق .و أعتقد الصيانة في الاروبي عموماً غالية .عقبال 100 ألف .
    ابعتلي إسم السروجي إلي قالولك عليه بعد إذنك و شكراً .
    شكرا جدا علي مرورك نورتلي الموضوع, أنا بعتلك على الخاص. أنا راضي بالIbiza ونحمده ده أنا شكلي مش هاقدر عليها اصلا.
    بس أنا نايفسي في M5 مش بورش


  4. #4

    الصورة الرمزية Gabrial

    رقم العضوية : 58905

    تاريخ التسجيل : 14Jan2010

    المشاركات : 1,081

    النوع : ذكر

    الاقامة : Earth:((

    السيارة: لا يوجد

    السيارة[2]: لا يوجد

    دراجة بخارية: no

    الحالة : Gabrial غير متواجد حالياً

    افتراضي -

    اقتباس المشاركة الأصلية كتبت بواسطة john_samy_1 مشاهدة المشاركة
    شكرا جدا علي مرورك نورتلي الموضوع, أنا بعتلك على الخاص. أنا راضي بالibiza ونحمده ده أنا شكلي مش هاقدر عليها اصلا.
    بس أنا نايفسي في m5 مش بورش
    إن شاء الله ربنا يكرمك و تجيبها .


  5. #5

    الصورة الرمزية snakeson2

    رقم العضوية : 11413

    تاريخ التسجيل : 24May2008

    المشاركات : 534

    النوع : ذكر

    الاقامة : مدينه نصر

    السيارة: Audi a3

    السيارة[2]: SEAT LEON

    دراجة بخارية: no

    الحالة : snakeson2 غير متواجد حالياً

    افتراضي -

    علي فكرة الاسعار مش غالية خالص وبعدين الناس فعلا محترمة انا المراية عندي كانت بتتهز وربطتها بنفس التمن الحمد لله مرحتش لواحد برة كان عملي حوار @!
    واحد قالي الباب كلة لازم يتفك عشان نربط المرايا وهلم الجرة
    خلي بالك العربية لسة مش منتشرة عند الصنايعية واوعي حد يقولك ياباشا دانا اشتغلت في 20 واحدة منها قبل كدة انا حافظ الاأبيزه دي ويعملك البحر طحينة واققل كلبس او كسر او خلافة هيقلك معلش يابية انا هلصمهالك !
    الموضوع رائع وخليك مع التوكبل في الحاجات الي محدش ممكن يلعب فيها

    EYE HVE U


  6. #6

    الصورة الرمزية Mohamed.Ramah

    رقم العضوية : 40298

    تاريخ التسجيل : 14May2009

    المشاركات : 5,965

    النوع : ذكر

    الاقامة : Heliopolis- Masr El Gedida

    السيارة: I do not have

    السيارة[2]: لا

    دراجة بخارية: I do not have

    الحالة : Mohamed.Ramah غير متواجد حالياً

    افتراضي -

    الف مبرووووووووووك الصيانة وعقبال ال1000.000 باذن الله وبعدين البورش احلى من الm5 هههههههههههههههه ربنا يرزقنا جميعا شكرا على نقل تجربتك وياريت كل الاعضاء عند عمل الصيانة يعملوا تقرير زى حضرتك

    [img3]http://s11.postimg.org/5u651o4eb/bsmlhe41104899dnj0zx5.gif[/img3]


  7. #7

    الصورة الرمزية ehab_mansour

    رقم العضوية : 16065

    تاريخ التسجيل : 09Aug2008

    المشاركات : 3,929

    النوع : ذكر

    الاقامة : 6 اكتوبر - الحي الثامن

    السيارة: Grand Terios 2012

    السيارة[2]: Seat Cordoba 2002

    دراجة بخارية: لا يوجد

    الحالة : ehab_mansour غير متواجد حالياً

    افتراضي -

    الف مبروك عليك صيانة ال 10000 وربنا يباركلك فيها ومنتظرين التقرير الكامل ان شاء الله
    وصدقني المصنعية كده مش غالية طالما هستلم العربية اكنها لسه زيرو مش اروح اصلح حاجه يعطلي ميت حاجه تانيه الباشا دمرها ولازم تكون عارف ان كله حاليا كده روح توكيل اسبرانزا الصيني وانت تعرف انك في نعمه واحترام وذوق واحترافيه نادرة في مصر وبنفس السعر تقريبا
    ربنا يرحمنا من فتي الصنايعية في مصر ويصحي الضمير عندهم

    م / إيهاب منصور
    SEAT CORDOBA 2002 1.0 16V AVZ


  8. #8

    الصورة الرمزية mr_shims_49

    رقم العضوية : 21567

    تاريخ التسجيل : 09Oct2008

    المشاركات : 909

    النوع : ذكر

    الاقامة : 6th of october

    السيارة: IBIZA 2009

    السيارة[2]: NUBIRA II

    دراجة بخارية: no

    الحالة : mr_shims_49 غير متواجد حالياً

    افتراضي -

    الف مبروك يا جون علي الصيانة و عقبال ال 100000 ان شاء الله
    بالنسبة للاسعر انا شايف انها مش غالية طالما اللي بيشتغلك في العربية حد فاهم شغله و عارف هو بيعمل خصوصا ان العربية جديدة فا اي صنايعي هاتروحله من الاخر هايكون بيجرب فيك و في النهاية اهم حاجة ان انت مبسوط و مش حاسس ان فلوسك راحت علي الارض زي بعض التوكيلات التانية
    وانا عارف المهندس عادل اللي هو عينه ملونة ده :) هو انسان ذوق جدا و تحس انه هادي دايما كده و في كمان المهندس مينا برده محترم جدا جدا و فاهم اوي في شغله بصراحة التوكيل كويس جدا جدا
    وربنا يباركلك في العربية :) و خلي بالك من الدائري ده بقي حاجة زفت انا بقيت بامشي عليه 80 و 90 مابزدش عن كده اتاخر عشر دقايق احسن ما البس نقرة ولا فردة كاوتش مرمية في نص الطريق ربنا يسترها معانا جميعا

    SEAT - IBIZA 6L- 1600 CC 105 HP 16V - BTS


  9. #9

    الصورة الرمزية John_Samy_1

    رقم العضوية : 61933

    تاريخ التسجيل : 13Feb2010

    المشاركات : 578

    النوع : ذكر

    الاقامة : الهرم, الجيزة

    السيارة: LADA 2105 1994

    السيارة[2]: SEAT IBIZA AT 2010

    دراجة بخارية: لا يوجد

    الحالة : John_Samy_1 غير متواجد حالياً

    افتراضي -

    اقتباس المشاركة الأصلية كتبت بواسطة snakeson2 مشاهدة المشاركة
    علي فكرة الاسعار مش غالية خالص وبعدين الناس فعلا محترمة انا المراية عندي كانت بتتهز وربطتها بنفس التمن الحمد لله مرحتش لواحد برة كان عملي حوار @!
    واحد قالي الباب كلة لازم يتفك عشان نربط المرايا وهلم الجرة
    خلي بالك العربية لسة مش منتشرة عند الصنايعية واوعي حد يقولك ياباشا دانا اشتغلت في 20 واحدة منها قبل كدة انا حافظ الاأبيزه دي ويعملك البحر طحينة واققل كلبس او كسر او خلافة هيقلك معلش يابية انا هلصمهالك !
    الموضوع رائع وخليك مع التوكبل في الحاجات الي محدش ممكن يلعب فيها
    عندك حق أنا مش بثق في أي حد يلعب فيها, وحسيت بكده لما قلت أحاول اظبط زوايا بره. فعلا مش أي حد بيفهم في الSeat الجديد عامةً. بس أنا انبسطت جدا وهافضل معاهم علي طول.

    اقتباس المشاركة الأصلية كتبت بواسطة Mohamed.Ramah مشاهدة المشاركة
    الف مبرووووووووووك الصيانة وعقبال ال1000.000 باذن الله وبعدين البورش احلى من الm5 هههههههههههههههه ربنا يرزقنا جميعا شكرا على نقل تجربتك وياريت كل الاعضاء عند عمل الصيانة يعملوا تقرير زى حضرتك
    الله يبارك فيك. ربنا يخليك. احلي احلي بس أنا برده بحب الM5 هههههههههه

    اقتباس المشاركة الأصلية كتبت بواسطة ehab_mansour مشاهدة المشاركة
    الف مبروك عليك صيانة ال 10000 وربنا يباركلك فيها ومنتظرين التقرير الكامل ان شاء الله
    وصدقني المصنعية كده مش غالية طالما هستلم العربية اكنها لسه زيرو مش اروح اصلح حاجه يعطلي ميت حاجه تانيه الباشا دمرها ولازم تكون عارف ان كله حاليا كده روح توكيل اسبرانزا الصيني وانت تعرف انك في نعمه واحترام وذوق واحترافيه نادرة في مصر وبنفس السعر تقريبا
    ربنا يرحمنا من فتي الصنايعية في مصر ويصحي الضمير عندهم
    ربنا يخليك يا باشمهندس. هو أنا مش مستغلي المصنعية بس فيه كام حاجة كده مش بالعهم ( هما هايفين بس معلش أنا حسيت إن فيهم مبالغة ) نقطة 4 ديه مش فاهم ليه لوحدها. و نقطة 2 ال12 جنيه بتوع تركيب البلاستيكه اللي فوق مسمار المساحة. بس فعلا زي ماحضرتك قلت أنا اتبسطت إنه في المقابل الشغل نضيف وانا كنت مطمن على العربية.
    وأكتر حاجة عجبتني إن فيه مهندسين وصانيعية كده في مصر. بجد أنا حسيت بحرفية عالية في الشغل وثقافة حلوة في معاملة العميل مشفتهاش في حتة في مصر. وإن شاء الله في اقرب فرصة هاعمل تقرير.

    اقتباس المشاركة الأصلية كتبت بواسطة mr_shims_49 مشاهدة المشاركة
    الف مبروك يا جون علي الصيانة و عقبال ال 100000 ان شاء الله
    بالنسبة للاسعر انا شايف انها مش غالية طالما اللي بيشتغلك في العربية حد فاهم شغله و عارف هو بيعمل خصوصا ان العربية جديدة فا اي صنايعي هاتروحله من الاخر هايكون بيجرب فيك و في النهاية اهم حاجة ان انت مبسوط و مش حاسس ان فلوسك راحت علي الارض زي بعض التوكيلات التانية
    وانا عارف المهندس عادل اللي هو عينه ملونة ده :) هو انسان ذوق جدا و تحس انه هادي دايما كده و في كمان المهندس مينا برده محترم جدا جدا و فاهم اوي في شغله بصراحة التوكيل كويس جدا جدا
    وربنا يباركلك في العربية :) و خلي بالك من الدائري ده بقي حاجة زفت انا بقيت بامشي عليه 80 و 90 مابزدش عن كده اتاخر عشر دقايق احسن ما البس نقرة ولا فردة كاوتش مرمية في نص الطريق ربنا يسترها معانا جميعا
    الله يبارك فيك متشكر جدا. وفعلا أنا ماحستيش إني برمي فلوس في الهوا. مهندس مينا أنا اتعملت معاه أيام حملة الصيانة اللي فاتت والراجل رغم ضغط الشغل كان صبور جدا وبيسمع كل كلمة أي عميل بيقولها. المهندسين هناك الصراحة قمة في النشاط ويستاهلوا كل تحية. واللي اتبسطت منه أكتر المعاملة, أنا امبارح شفت مدير فرع دالي درس في سيتي ستارز مش عارف يمتص غضب عميلة زي مامهندس عادل عمل معيا ( هو اصلا ماخلنييش اضايق من اساسه ) وفضل معيا لحد منا ارتحت. بجد تحية كبيرة لكل العاملين هناك.
    أنا بقيت ماشي عنيا في وسط راسي في الطرق السريعة ديه, أنا مش فاهم مين الانسان اللي فكره يسمحله يحفر حفرة على طريق العربية بتمشي فيه على 90 علي الاقل في الحارة الشمال. مش فاهم بيكون مخه راكب إزّي. ده فيه حفرتين أنا سمعت فيهم رزعة مسمعتهاش في حياتي قبل كده وواحدة منهم الجنط اتني فيها. ربنا يسترها علينا ويهدي الناس اللي بتحفر ديه.


  10. #10

    الصورة الرمزية hatemahmed75

    رقم العضوية : 22908

    تاريخ التسجيل : 22Oct2008

    المشاركات : 591

    النوع : ذكر

    الاقامة : Egypt

    السيارة: RENAULT SYMBOL 2010 - Auto

    السيارة[2]: Seat-Ibiza 2010 - DSG

    دراجة بخارية: لا يوجد

    الحالة : hatemahmed75 غير متواجد حالياً

    افتراضي -

    hasad">

    استاذ جون

    الف مبروك على الصيانة وعقبال 100 الف ان شاء الله

    على فكرة انا ناوى يوم الثلاثاء القادم 10/8/2010 اروح اعمل صيانة ال 10000 باذن الله

    على فكرة انا شايف ان اسعار الصيانه تعتبر معقولة ومقبولة الى حد كبير خصوصاً وانك عملت حاجات زيادة عن الصيانة الدورية
    (تربيط المرايا وتركيب كفر للمساحات و ضبط زوايا وغطاء مسمار المساحة و جنط عجل ....) يعنى شوية حاجات زيادة بحوالى 505 جنية

    وعلى فكرة انا حسبت الصيانة لوحدها وطلعت تقريباً حوالى 720 جنية قبل الضرائب يعنى حوالى 800 جنية بعد الضريبة
    (سرفيس 10000 -216 و تنظيف وحدة حقن -36 وفلتر زيت 70 وفلتر بنزين 170 وزيت 227.5)

    بس انا كان عندى سؤال نفسى اعرف الرد عليهم من سيادتك
    ياريت توضحلى البند رقم 11 (الاسبراى دة بتاع اية) ورقم 12 مياة البطارية واية علاقتها بمياة التبريد؟

    وكان لية تعليق واحد واسف للاطالة عليك
    بالنسبة لموضوع الزوايا مفيش حاجة اسمها ضمان بس فى حاجة اسمها انى استلم الشغل مضبوط وتمام و 100100 يعنى انت ما طلبتش حاجة اكتر من حقك وهما ما عملوش اكتر من الى عليهم

    بس ارجع واقول ان التوكيل محترم وبيتعملوا مع العملاء باسلوب متحضر ومحترم

    اسف للاطالة

    Original Brands .. For You
    https://www.facebook.com/allnewall4u



 
صفحة 1 من 3 1 2 3 الأخيرةالأخيرة

المواضيع المتشابهه

  1. صيانة ال10 الاف كيلو fsv
    بواسطة daridy في المنتدى بريليانس
    مشاركات: 1
    آخر مشاركة: 13-09-2012, 03:39 PM
  2. تكاليف صيانة ال10,000 للايفو
    بواسطة aser_007 في المنتدى فــــيات
    مشاركات: 10
    آخر مشاركة: 05-12-2011, 07:10 PM
  3. وقفة مع توكيل سيات ومحبى سيات الكل يدخل يشارك
    بواسطة Mohamed.Ramah في المنتدى ســـيات
    مشاركات: 24
    آخر مشاركة: 16-02-2010, 01:15 AM
  4. حكايتي مع صيانة ال10 تلاف....
    بواسطة All_New_Cerato في المنتدى كـــــيا
    مشاركات: 3
    آخر مشاركة: 10-10-2009, 01:42 AM
  5. صيانة ال10 الاف
    بواسطة Eng_aly في المنتدى دايــهاتســو
    مشاركات: 11
    آخر مشاركة: 07-06-2008, 01:27 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2