الف سلامة عليك الحمدلله ان ربنا طلعك منها بالسلامة ومعلش باذن الله هتتعوض بعربية احسن
عرض للطباعة
الف سلامة عليك الحمدلله ان ربنا طلعك منها بالسلامة ومعلش باذن الله هتتعوض بعربية احسن
لا حول ولا قوة الا بالله
الف سلامة عليك يا خالد وربنا يطمنا عليك
وفداك مليون عربية المهم انك بخير
الف الف الف شكر يا جماعه والله العظيم انا عاجز عن الشكر ...
انا دلوقتى وصلت بنسبه 80% لانى هبيع العربيه ..تصليحها مش هيقل عن 75 الف جنيه و عمرى ما هعرف اركبها اكتر من شهرين تلاته ...ده غير انها هتتصلح فى شهرين تلاته .., مش هترجع زى ما كانت ...
انا جيلى فيها 56 الف على وضعها ده ...
هنفكر تانى و نقرر قرار نهائى ...
وانا الحمد لله روحت للدكتور ..
عندى كدمه شديده فى دراعى اليمين ...
جسمى فيه كدمات كتير بردو بس مش شديده ...
الدكتور قالى لازم ارتاح و متحركش كتير ...
عشسان لسه فى حاجات هتظهر ...
الحمد لله على كل شىء ..
وانا سعيد انى وسط اخواتى هنا ...
انا عندى صور العربيه بس مش بعرف ارفعها ..لو حد هنا يقولى اميله و انا اضيفه و يرفعها هو ...يا ريت
الف حمد الله على السلامه و ربنا يكفينا شر القضاء و القدر
الف شكر يا رامى باشا ...
حمد لله علي السلامة يا خالد وفداااك مليون عربيه . اهم حاجا انت الحديد ما يتزعلش عيه.وربنا بيحبك انك سليم دا الصور شنيعة ربنا يرحمنا ويعفيناا جميعاا .
لا حول ولا قوة الا بالله
العربية راحت
انا من رايى يا خالد انك تبيعها احسن
لانك لو صلحتها حتى هاتبقى ذكرى مؤلمة بالنسبالك واستخير ربنا كدة وشوف
وربنا يرزقك باحسن منها
الف حمدالله على سلامتك يا خالد
سورى مشوفتش الموضوع غير دلوقتى
الحمدلله انك بخير
ربنا يحفظك دائما ان شاء الله
وفداك 1000000000 عربية
الحمد لله على سلامتك ونجاتك
العربية ضايعة خالص .. أنا رأي تبيع ، العربية صعب ترجع زي ما كانت
والخبطة مسمعة في جسم العربية كله
لا حول ولا قوة الا بالله
الصور فضيعة قال و انا اللي كنت فاكرة ان حادثتي جامدة طلعت بسيطة جدا بالنسبة لدي
ربنا يعوض عليك و الافضل فعلا تبيعها و تجيب حاجة تانية و ربنا يعوض عليك
و الف الف حمدالله على سلامتك و انك خرجت منها سليم دي بالدنيا و ما فيها اصلا
الف سلامة عليك يا خالد وان شاء الله الكدمات تنتهى بسرعة.
الف سلامة عليك يا استاذ خالد وربنا يعوضك خير بإذن الله. المهم انك بخير والحمد لله واي حاجة تانية في 60 داهية.
قدر الله وما شاء فعل
حمد الله على سلامة حضرتك و فداك عربيات الدنيا كلها ..........
نص المساعد "مكسور" بالعجلة جهة السائق :-
http://s4.tinypic.com/118iwyr_th.jpg http://s4.tinypic.com/2evq8wo_th.jpg
المساعد بالعجلة جهة الراكب مخلوع و المقص مكسور و متلعق على الشمعدان :-
http://s4.tinypic.com/234gaq_th.jpg
عتبة الجنب الشمال جهة السائق :-
http://s4.tinypic.com/qp019x_th.jpg
عتبة الجنب الشمال خلف السائق :-
http://s4.tinypic.com/ici79t_th.jpg
و طالع على الدوران تحت القايم الخلفي شمال :-
http://s4.tinypic.com/33nkb6c_th.jpg
الحمد لله على كل شيء و سبحان المنجّي . :ask:
حمد لله على السلامة يا خالد
حمدلله عالسلامه يخالد... تقوم بالسلامه ان شاء الله.. واتوكل علي الله وبيع
توكل على الله و بيع يا خالد و ربنا يكفيك شر الطريق
أنا لسة شايف الموضوع حالا, قدر الله ماشاء فعل و ربنا يعوضك خيرا ان شاء الله
رأيى تبيعها لأن المنظر اللى فى الصور دة شكلها مش هاترجع زى الأول و حتى لو رجعت مش عايز أقولك على الشك و انك تفضل مقلق منها نفسيا
أنا عملت حادثة ماتجيش ربع الحادثة دى و مش مرتاح نفسيا مع العربية فى الجرى و كدة
والله يا خالد انت تحمد ربنا على كدة الحمد لله انها جت فى الصاج و الحمد لله انك ماشى على رجليك وانا رائ العربية تتباع احسن لان هتصرف كتير و النتيجة مش مضمونة فا انت بيع افضل
لا الاه الا الله محمد رسول الله
وفداك مليون عربيه وطمنا عليك
ينهار ابيض يا خالد اية دة انا قلبى وجعنى وانا بتفرج علي الصور ,, وان شاء الله لو اخت القرار انك تبيع وهاتيجى القاهرة عرفنى
سلامتك يا خالد باشاااااا وربنا يعوضك خيير ان شاء الله
الف حمد لله علي سلامتك يا باشا و فداك العربية مش مشكلة....
انا من رايي طبعا انك تبيعها لانها فعلا ..... اتبهدلت
سلامتك سلامتك سلامتك للأبد ياخللود
اولا بيع العربية دي وانت الكسبان
وثانيا انت كنت بتشوف غلاوتك عند اسرتك ولا ايه وطبعا احنا هنا في
المنتدي من ضمن الاسرة
وثالثا ربنا يهدينا جميعا لما فيه الصواب هنا النصيحة الاخوية واجبة لوتعبان ما تسوقش العربية وريح
ولا تتغر بامكانيات العربية اللي انت راكبها وتكون انت اللي سايقها مش هي اللي مطمعاك بقوتها اويجيلك خاطر وتقول اما استفيد بكل قرش دفعته فيها الطريق في اي حتة ملوش كبير وربنا هو الحافظ
والستار والمنجي من المهالك وفي انتظارك لما تشد حيلك تيجي تعمل عمرة وتزور بيت الله الحرام بإذن الله
معلش انا عارف ان كلامي تقيل بس كدة العلام مكلف قوي والحمد لله انه تنبيه من عند ربنا وجت سليمة الحمد لله اولا واخيرا
اللهم أجرك فى مصيبتك وأخلفك خيرا منها ان شاء الله.
يا نهار ابيض يا خالد
انا مكنتش مصدق انها ممكن توصل لكده
مافيش حل غير انها تتباع ماتزعلش مني العربية مش هترجع تاني
اساسياتها كلها ضاعت و كمان الخبطه مسمعه فى قوايم العربيه كلها
و الحمد الله بعد فضل ربنا هى عملت اللى عليها و الحمد الله انك طلعت منها
ان شاء الله هكلمك برضه انهارده اطمن دكتور العظام قالك ايه ؟
لا إله الا الله .. إحمد ربنا و صلى له ليل نهار على رحمته التى وسعتك و انقذتك من هذا الهلاك المحقق .. بصراحه الحادثه جامده جدا
حمدلله عالسلامه و خللى بالك بعد كده و ربنا يعوضك خير يا خالد
الف شكر يا جماعه ...
وشكر خاص لسياده العقيد خالد ...والله انا بعتبره اخويه الكبير و يكفى فقط استقباله لينا كان عامل ازاى ..فعلا مبقاش فى ناس كده ..
انا كل ده ناسى احكى تفاصيل الحادثه معلش ..
المهم ...
المكان : طريق المنصوره ..وانت داخل على كوبرى دمياط و بندخل من تحت الكوبرى على المنصوره ..
انا قبلها بشويه ..
الوقت: الساعه على ما اذكر 9ونص
التفاصيل:
داخل على ملف يمين قاسى ..بصيت فى العداد لقيته 80 ..العربيه على النقله السادسه و لسه بتسحب بس سحب ضعيف جدا لانها على السادس ...
خدت الملف بشكل هادى و طبيعى و من اليمين ...
بعد الملف مباشره و انا فى اليمين بردو
لقيت وش العربيه نزل لتحت ..جامد ...
ورايحه "بوشها على السور الى فى منتصف الطريق...
و لمن لا يعرف شكل الصور ..هو عباره عن بلوكات خرسانه كبيره جدااااا بيكون طولها حوالى 2 متر و ارتفاعها متر و نص تقريبا ..
المهم لما لقيتها رايحه بوشها ..
كسرت علجلى يمين على الاخر ..
لقيت وشها رايحه ناحيه الاراضى الزراعيه و هتقع فيها ...
كسرت شمال تانى ..
بدات افقد السيطره تماما على العربيه ..قامت زاحفه بجمبها الشمال و داخله بجمبها فى السور "وانا كاسر شمال" ..دخلت بجمبا طبعا صدمه كبيره جدا جدا جداااااااوانا خدت ما فيه الكفايه من الخبطات فى اللحظه دى ...الشرار طالع من احتكاك العربيه بالسور ..ودخان..المرايه على ما اذكر انها شايطه !!وفى اثناء ما هى بتحك فى السور ..العجله الشمال طارت من العربيه خالص ....
بعد كده لفت 360 درجه فى نص الطريق و راجت على السور بوشها ...من قوتها ..دخلت فى بلوك من السور "طيرته" الناحيه التانيه فى نص الطريق ...وطالعت بوشها فوق السور ...
ونزلت لفت تانى فى الطريق ...
ونزلت بضهرها فى الاراضى الزراعيه...
اول ما العربيه وقفت انا نزلت منها ..لقيت دخان كثيف جدا من الموتور و كل انواع الزيوت بتنزل من العربيه ...و الطريق غرقان ازاز و زيت و قطع من العربيه ..الناس اتلمت علينا ..وفصلو كابل البطاريه والاسعاف جه ...
ملحوظات:سرعه العربيه قبل التصادم كانت على اقصى تقدير 100 كم ..
سبب الحادث والله اعلم ..وجود قطع فى العجله الشمال حوالى 25 سم ...
الحمد لله
الحمد لله علي كل شيء ..سلامتك بالدنيا .
انا من رايى انها تتباع ...بعيدا عن انها هترجع زى الاول ولا لا ..
فرضا رجعت زى الاول طيب هصرف كام ؟؟مش هتقل عن 85 الف ...لان لسه فى مليون حاجه هتقابلنا ...
صرفت 85 على العربيه و رجعت حلوه ..نفسيسا هعرف اركبها ؟؟ اكيد لا ..هنقوم بايعييينها ...تجيب كام ؟؟ولا حاجه كبيرها اووووووى 90 الف وانا هقول انها عامله حادصثه ..
الحسبه خسرانه خسرانه
الدكتور قالى كدمات فى الجسم كله ..
وكدمه شديده فى دراعى اليمين وكتبلى على دوا ..
وقالى لازم ارتاح عشان فى حاجات لسه هتظهر ..
وفعلا ..تخيل ان سنانى بتوجعنى !!! و عضم وشى واجعنى !! ده غير ان كل عضله فى جسمى واجعانى وبيكون نهارى اسود لو جيت اعمل حاجه اشيل مصثلا او ...
الحمد لله على كل شىء ...
الحمد الله على كل شئ
و توكل على الله خلاص و بيع
و الكادامات حاجه مش قليله ماتستاهنش بيها ابدا
دى الامها بيكون كبير اوى ساعات لازم تريح نفسك عشان الكدامات دى تروح بسرعه
الف سلامه عليك تانى يا خالد
دلوقتى خلاص سيب العربيه مكانها ومتفكرش فى اى قرار غير لما تتحسن...... خد فتره راحه عشان الكدمات دى ما تتعبكش مع الحركه
صحتك الاهم
أحسن حل للعربيه بس تعمله في السر
اطلع على بورسعيد ودور على عربيه منطقة حره تكون نفس الموديل وحط بتاعتك فيها عند سمكري والنمر ورقم الشاسيه كدا هتوفر تمن عربيه جديده لان عربيتك مش هتجيب فلوس لما تتباع والف سلامه عليك :)
حمد لله عهلى سلامتك يا خالد باشا و ربنا يعوضك و قضاء اخف من قضاء و ربنا يحميك
و يصبرك و ياريت ندعيلوه كلنا بالشفاء العاجل و كلنا هنا فى المنتدى اكتر من اخوات و عائله واحده
ولو احتجت اى مساعده اى مساعده بجد هتلاقى الناس كلها وقفت جمبك