امبارح كنت نازل الساعه 10 مساءاً بالعربيه 128 ولسه بدورهه وأسمع صوات وناس بتنادي قلت يمكن خناقه بعديهه بثواني لقيت النار محوطاني من كل الجوانب وبالأخص من الكبوت أحاول اخرج ألاقي السنتر معلق تقريبا كانت الدفيره بتتحرق وكل ما احاول افتح يقفل تاني لحد ما النار دخلت عليا من الدواسات ومن الشباك اللي جنبي الناس جريوا وكسروا الشباك وطلعت والحمد لله وحوالي 300 واحد بيطفوا العربيه لمدة 5 دقايق لحد ما واحد جاب 3 طفايات كبار وكسرنا الكبوت وطفيناهه.

الخسائر:
بالنسبه للخسائر الشخصية حرق في ايدي الشمال اما بالنسبه للعربيه فالنص الأمامي كله اتحرق بالكامل ده غير الفردتين الكاوتش اللي قدام انفجروا وحاجات طبعا لسه معرفتهاش لحد دلوقتي

المكاسب:
الحمد لله لسه حي أرزق واتكتبلي عمر جديد ومن هنا بقول لأي حد زعلان مني متزعلش والمسامح كريم وأهوه كان ممكن أبقا ميت دلوقتي