وانا في الانتظار يا باش مهندس
:36_1_1[1]:
أنا شايف ملاك الدايهاتسو ذوي طبيعه هادئه بعيدة عن الأضواء
ونعم الناس والله
بس الكلام ده مينفعش في منتدي علي الانترنت
شوف كده منتدي رينو لوجان !!
هــــــــــــيـــــــــــ ـــــــــــصـــــــــــــ ــــــــــــــة
المداخلة بتجري ورا المداخلة عيزة تطولها
أخي الكريم ..
أسمحوا لي بأن أشارك معكم في هذا الموضوع الهام و ذلك لأن تلك المشكلة ليست في قسم الدايهاتسو فقط و لكن معظم الاقسام بأستثناء بعض الاقسام التي تكثر المشاكل بسياراتها
حضرتك لمست وتر هام جدا و حساس يخص المنتدي كله و ليس قسم من أقسامه و أقتربت كثيرا من التعرف علي داء اصابنا و هو ..
- تكرار المواضيع
- سطحية بعض المواضيع و خلوها من المضمون الجاد و المفيد مما يصعب من مهمة البحث و القراءة فيضطر العضو الي كتابة موضوع جديد
لذا .. لي أقتراح و هو ..
- أعادة فهرسة المواضيع المهمة التي تحتوي علي مشكلات متكررة و حلولها كي تكون مرجع لكافة الاعضاء
- تثبيت هذه المواضيع في مقدمة الصفحة مع غلق المشاركة فيها كي تسهل عملية القراءة و البحث
- عند وجود أي موضوع جديد يحتوي علي أستفسار او سؤال و يكون مكررا يتم تحويله الي الموضوع الاصلي
- ألتزام الاعضاء السائلين بالرد و الابلاغ عن نتيجة ماتوصلوا له feed back كي تكتمل الحلقة و نصل الي الهدف المنشود من المشاركة
مع خالص تحياتي
م/ سمير الشهاوي
اولا الف شكر لاهتمامك يا باش مهندس
ومفيش خلاف علي كلامك ده وانا سبق وشرحت الحكاية دي بالتفصيل
لكن انا ليا لوم شديد علي العضو الفاضل مشرف المنتدي (رغم اني معرفوش - ويكون لي الشرف طبعا)
عندي احساس بعدم الاهتمام من جانبه بالقسم
غربلة الموضوعات وفهرستها مسئولية المشرف
ضم الموضوعات المشابههة مسئولية المشرف
استبعاد ونقل المواضيع الغير جادة مسئولية المشرف
ترقية الموضوعات المفيدة والفاعلة وتثبيتها وضمها لقائمة اهم الموضوعات مسئوليته ايضا
كل هذا ليس للاعضاء دخل فيه
ولو نظرنا بحيادية وموضوعية حنلاقي في شغل كتير اوي في القسم متراكم ولم يتم النظر اليه من قبل المشرف
وبدون ذكر علشان منحرجش حد في اخطاء في المداخلات صارخة وتخالف قواعد المنتدي زي الكتابة بالاحمر او تكرار الموضوعات او تكرار المداخلات ولا يتم تنبيه صاحبها الا عند ابلاغ عنها
وده معناه ان الحجات دي مبتتقريش
وبعد كل ده انا شايف اننا محتاجين من مشرف القسم نشاط اكبر واعادة نظر في مهامه وتواجده بالقسم
وللجميع منا كل حب وتقدير
انا باتفق جداً مع راي أبو عبد الله
والرأي ده كمان عاجبني
وياريت يا جماعة نراعي إن أصحاب الدايهاتسو كعدد لا يمكن مقارنتهم بأصحاب موديلات كوري أو أوروبي تانية، إحنا هنا بنتكلم على 5 موديلات تقريباً تيريوس وسيريون وماتيريا وشاريد وميرا (إعذروني لو ناسي حاجة).
والحاجة التانية اللي لازم نراعيها إن مش كل الناس ظروفها زي بعضها
لو فيه قسم عدد الناس اللي ظروفها تسمح تشارك وترد وتتفاعل كبير فده مش مبرر إننا نفضل كل شوية نلوم اللي ظروفهم لا تسمح بده بالشكل اللي الواحد كل شوية بيشوفه في موضوعات الدايهاتسو بالشكل ده
ده رأيي واعذروني إن كان يخالفكم الرأي
وفي راي اخر كمان
الا وهو ان اغلب اذا مكنش كل الأقسام اللي ماركاتها مالهاش موديلات حديثة هتلاقيها كده
يعني دايهاتسو كل موديلاتها دلوقتي في 2010 تعتبر بقالها اكتر من 3 او 4 سنين
ومفيش موديلات جديده دلوقتي
غير مثلا اقسام اخرى الموديلات لسه بتقول يا فتاح فهتلاقي الناس كتير بتسال وبتعمل شغل
اول ما تلاقي موديل جديد لدايهاتسو هتلاقي المنتدى طلع لفوق زي الأول
وان شاء الله يفضل منتدى نايل موتورز دائما للامام