الموضوع: ................* قسم ديهاتسو في المنتدي في ازمة ....................*

اصدقائي الاعزاء وزملائي الكرام

انا شايف ان قسمنا في ازمة حادة ومشكلة كبيرة

مشكلة منتدي ديهاتسو بالذات ان معظم المشاركات مواضيع شخصية
مشكلة مثلا وصاحبها بيطلب حل .... او طلب مساعدة .... او راي في سيارة
وطبعا ده مش عيب ومش ضار انما المشكلة ان بعد العضو ما يوصل للي هو عايزه حتي ما بيكلفش نفسه يرد بالنتيجة او اخر التطورات وده بيكسر حلقة نقل الخبرات

وحتي معظم المواضيع دي مكررة .. شوفو حضراتكم كام موضوع بيقول "اشتري تريوس 99 ولا لأ" وكام موضوع "ايه رايكم في السريون" .. وكام موضوع "عايز اسعر عربية ديهاتسو"
والحكاية دي بتصيب الاعضاء القدامي بالملل والاحباط وبتنفر اعضاء جدد من المشاركة
خلونا نعترف بان منتدي ديهاتسو من اقل اقسام نايل موتورز في مناقشات المواضيع الفنية .. واقلهم في معدل المشاركات اليومي رغم ان عدد المتابعين والزوار مش قليل وان في ناس ممتازة معانا وافاضل
اعتقد ان الحل هو التركيز علي المواضيع الجادة وطرح ساحات نقاش وزيادة جرعة نقل الخبرات
ومش عيب اننا نوجه دعوات لاعضاء اخرين في منتديات تانية للمشاركة زي سبعاوي ومحمد ممدوح ...الخ
اعتقد اني لخصت المشكلة وفي انتظار مشاركاتكم الجادة

فعلا انا شخصيا بتضايق لما اجد كل اسبوع نفس السؤال

ايه اخبار الشاريد التسعينات

التريوس 99 اخبارها ايه وبتتقلب ولا لاء

ونرد و كل اسبوع نفس الموضوعين

ومحدش من اللي بيسأل بيكلف نفسه ويدور في المشاركات القديمة

فعلا الوضع ممل