عرض للطباعة
السلام عليكم يا اخوانى الاعزاء
سؤال لالاخوة مالكى السيارة الجميلة بروتون
هل قطع غيار العربية دى معمرة ؟
و هل صحيح ان الاوتوماتيك بيستهلك الكبالن و تيل الفرامل و الطنابير اسرع من المانيوال ؟
اصل اسعار قطع الغيار بتاعة البروتون موش رخيصة فهل هى معمرة ام لا ؟
انا الى اقدر افيدك فية ان اى عربية اوتوماتيك معدل التأكل بتاع التيل بيبقى اكتر من المانيوال و دة لأن الأوتوماتيك مفيهوش Engine break و بالتالى الحمل كلة بيبقى على الفرامل علشان توقف العربيةاقتباس:
و هل صحيح ان الاوتوماتيك بيستهلك الكبالن و تيل الفرامل و الطنابير اسرع من المانيوال ؟
و شوف اللينك دة
http://www.nilemotors.net/Nile/showthread.php?t=16303
اقتباس:
المشاركة الأصلية كتبت بواسطة fahd_628
ازاى مفيهوش Engine Break أمال ال 2 و 1 اللى فالفتيس اعتقد دول ينفعوا بردوا
مشكور يا اخ فهد على ردك
بس انا برضه ما وصلتش لحاجة
يعنى مثلا قطع غيار الهوندا غالية جدا بس معمرة جدا فى نفس الوقت
انما البروتون هلى هى نفس القصة و لا غالية و معمرة و لا غالية فى التوكيل بس
بص ياباشا
قطع غيارها أولا معمرة و بتعيش جدا
لأن أنا معايا واحد صحبي معاه العربية من سنة 2006 و عامل بيها فوق ال 75 ألف كيلو متر و مغيرش فيها حاجات جوهرية
يعني كل اللي بيتغير تيل الفرامل لأنه مجنون سرعة
و حتى الكاوتش لسه مغيروش و حالته معقولة مش وحشة على كل المسافة دي و الفرامل و السرعة الجنونية
بالنسبة لقطع الغيار موجودة في التوكيل و موجودة خارج التوكيل في شارع دمشق و في الجيزة
الله يا توت باشا و الله كل يوم بتخلي الخوف الي عندي من الجين 2 يروح :Dاقتباس:
المشاركة الأصلية كتبت بواسطة tutankhamoun
اصلي اول مره اشوف حد عامل بالجين 2 75000 :) ما شاء الله
طب ممكن تبقي تخليه يعملنا تقييم عنها عملت معاه ايه خلال ال 75 دول
و شكرا يا باشا :)
اخى توت
مشكور على ردك طبعا و انا متوقع خير فى العربية دى ان شاء الله
و يارت لو تقولنا تقييم صاحبك اللى عمل الـ 75000 دول
اقتباس:
المشاركة الأصلية كتبت بواسطة Anti_virus_abdo
اقتباس:
أرسل أصلا بواسطة ahmedsiyam
اخى توت
مشكور على ردك طبعا و انا متوقع خير فى العربية دى ان شاء الله
و يارت لو تقولنا تقييم صاحبك اللى عمل الـ 75000 دول
أستاذ عبده يا مكافح الفيروسات , و يا أستاذ أحمد صيام
و الله يا رجالة العربية كمحرك و كأداء ......... و الله العظيم لا تقل بأي حال من الأحوال عن أي سيارة ياباني أو أوروبي و كصناعة أيضا
هو العيب الوحيد في الجين2 بس و أقصد موديل الجين 2 من بروتون
إن الخامات الداخلية للمقصورة مصنوعة على أنها رياضية و شكلها بالمقارنة مثلا بالواجا أختها الكبيرة ......... الواجا أحلى في الخامات الداخلية للمقصورة
غير كدا
العربية دي هايبان أصلها بعد أربع أو خمس سنين
لما الناس تشوفها مستحمله و جامدة و عفية زيها زي الأوروبي و الياباني
و إليك هذ الرابط لأخ معنا في المنتدى هو الأستاذ محمد الحسيني و يحكي تجربته مع السيارة .......... ووقت عمله للموضوع كان عامل بيها 45 ألف كم
http://www.nilemotors.net/Nile/showthread.php?t=10722
بالنسبة لصاحبي ده
هو بيسافر بيها على طول ......... يمكن مرتين ثلاثة في الأسبوع ..... أسكندرية و شرم و الغردقة و ده كان سبب الكيلومتر العالي
و سواقته هنا في القاهرة سريعة جدا و دائما أصنحه على أن السرعة سيئة و لكن مفيش فايدة
المهم نرجع للعربية
صاحبي مغيرش في العربية أي حاجة داخل المحرك
يعني المحرك لم يتم تغيير أي شئ فيه بتاتا
و كل اللي بيتم تغييره هو الزيت و تيل الفرامل فقط
اخى توت
و الله انا موش عارف اقولك ايه و تعبناك باستفساراتنا
انا متاكد من ان الجين2 عربية محترمة جدا و ان شاء الله هاتكسر الدنيا
هو الفكرة كلها ان الواحد عايز يتاكد ان كله تمام بالنسبة لقطع الغيار و التكلفة العامة للعربية بس موش اكتر
دعواتك بقى لانى كل ده مستنى موديل 2008 ينزل و ربنا يكرم وننفذ فيها ان شاء الله
شكرا يا توت باشا علي ردك :)
و حلوه عبده مكافح الفيروسات ديه :d:d