سمعت فى المنتدى أنه فى نوعين من المساعدين (هواء & وزيت ) فياريت الساده الأفاضل يدلونى عن الأفضل والفرق بين النوعين (العربيه أوبل فكترا 97 اتوماتيك 2000 سى سى ) ولكم جزيل الشكر :satelite:
عرض للطباعة
سمعت فى المنتدى أنه فى نوعين من المساعدين (هواء & وزيت ) فياريت الساده الأفاضل يدلونى عن الأفضل والفرق بين النوعين (العربيه أوبل فكترا 97 اتوماتيك 2000 سى سى ) ولكم جزيل الشكر :satelite:
فين الخبراء !!!!! 32 مشاهده ولا رد واحد
كل سنه وانتم بخييييير
من وجهة النظر الهندسيه
المساعد الزيت أفضل من المساعد الهواء
لأعتبارات هندسيه خاصه بميكانيكا الموائع
على أساس أن
1- الزيت مائع غير قابل للأنضغاط incopressable fluid
2- الهواء مائع قابل للأنضغاط compressable fluid
ولكل خصائصه الهندسيه فى هندسة الموائع
وبالتالى تركيب المساعد الذى يعمل بالزيت بيشعر سائق السياره
بأنه يركب سياره وليس مرجيحه
عفوا م/ سمير اختلف معك
المساعدين الغاز بيبقوا اكثر قساوة من مساعدين الزيت (عن تجربة عملية و ليس نظريات هندسية)
عربيتي بينزل لها مساعدين غاز و مساعدين زيت
الغاز بيبقوا هارد (ناشفين) و الزيت بيبقوا سوفت, انا شايل الهارد في الجراج تحت و اشتريت اتنين سوفت مؤخرا (زيت) ماشي بيهم مريحنني بس ثبات الغاز احسن في السرعات لأنهم انشف
و الغاز و هما مفكوكين بيفتحوا للأخر و ماتقدرش تقفلهم الا بالعافية, و هما جداد بيبقوا متربطين بحزام قافلهم لنص مشوار المساعد علشان التخزين, و لما تركبهم و تاخد مطب تسمع صوتهم من المساعدين فسسسسسس
و فية مساعدين بتبقى غاز على زيت يعني فيها الاتنين
دي انا مش فاهمها قوي ياريت لو حضرتك تشرحهم و ياسلام لو عندك رسوم توضيحيه
ودى لم تصادفنى فنيااقتباس:
و فية مساعدين بتبقى غاز على زيت يعني فيها الاتنين
وهو تداخل مائعين مختلفى الخصائص فى منظومه هندسيه زى المساعدين
بس لو أنت عندك درايه بميكانيكا الموائع
حتعرف أن كلامى صح
وأن المساعد الزيت أفضل فعلا من المساعد الغاز
بغض النظر عن الطراوه والخشونه
أو النعومه والنشوفيه
بص عاللينك دي Shock absorber - Wikipedia, the free encyclopedia
الرسم اللي عاليمين بيوضح ازاي ان فية غرفتين فوق بعض واحده للزيت و السفلى للغاز
واقرا المقال حايوصللك قصدي
عمنا الكبير الأستاذ / سمير عياد... شكرا لردك الهندسى والوافىاقتباس:
من وجهة النظر الهندسيه
المساعد الزيت أفضل من المساعد الهواء
لأعتبارات هندسيه خاصه بميكانيكا الموائع
ومعلش أنت عودتنا نطمع فى كرمك ... ياريت نفتح باب النقاش فى الموضوع بشكل تفصيلى أكتر ومميزات وعيوب الأثنين
شكرا أستاذ أدهم لردك وأنا فعلا عايز أعرف الفرق فى الإستخدام بيبقى عامل أيهاقتباس:
عفوا م/ سمير اختلف معك
المساعدين الغاز بيبقوا اكثر قساوة من مساعدين الزيت (عن تجربة عملية و ليس نظريات هندسية)
ألمساعد اللى بيبقى غاز على زيت بيبقى مشحون نيتروجين عشان يمنع ظاهرة تكون فقافيع هوا فى الزيت مع الحركة المتكررة للمساعد و الفقاقيع دى بتقلل من كفاءة عمل المساعد
بالتالى المساعد الغاز على زيت يتفوق فى الاداء على المساعد الزيت فقط
MMamdouh
بس هو الراجل ده عضويته الاصلية كانت مين؟!!
شكرا امحمد ممدوح و سمير عياد
فية حاجة احاول اني اشرحها
ان المساعد الزيت لما بينزل مطب جامد و يجيب اخر مشوارة و يتكبس للأخر فجأة و جامد في مطب جامد بيجيب اويلسيل و يضرب زيت او من كثرة العنف في المطبات بيهلك بسرعه و يجيب زيت
ان المساعد الغاز لما الجزء اللي بيعمل بالزيت ينضغط و يجيب اخر مشوارة بيبتدي عمل الغرفة الثانية اللي بتضغط الغاز
و طبعا الغاز لما بينضغط بيبقى عامل زي السستة بيمتص الصدمة و ينشف جامد نتيجه انضغاط الغاز كل ما ينضغط اكتر بتزيد مقاومتة
و بالتالي بيحمي ان اويلسيل مساعد الزيت يضرب و الجزئية دي علشان تتفهم لازم تشوف الرسم التوضيحي اللي في حركة مساد الغاز و الزيت في اللينك اللي في تعليقي السابق