إيه الأرقام الغريبه ديه؟؟؟
الإستهلاك كده عالي قوي!
عرض للطباعة
إيه الأرقام الغريبه ديه؟؟؟
الإستهلاك كده عالي قوي!
امبارح وانا جاى المقابلة
فولت وصفرت العدادات
والتانك خلص اول مدخلت بورسعيد
لقيت مكتوب الإستهلاك 8.3 لتر
وعملت 520 كيلو :))
طبعا عشان سفر وكده
انما جوه البلد الإستهلاك بيبقى اعلى من كده طبعا وبشوفه 11 و 12 وحاجات عجيبة :)
يا جماعة الاستهلاكات دى عالية جدا جدا
انا بدون مبالغة والله الحمد لله الانسر بتعمل معايا عالطريق 300 كيلو فى الصفيحة
يعنى 6.6 لتر لكل 100 كيلو
اولا حمدا لله على سلامتك وسعدنا بك فى مقابله امس :satelite:
انا استهلاكى نفس استهلاكك بالضبط
والعربيه عملت معايا نفس الارقام وانا مسافر اسكندريه رايح جاى متضمن اللف فى البلد حوالى 525 كيلو فى ال 42 لتر - سرعه من 120 : 170 مع التكييف 100% من الوقت والمتوسط حسب كمبيوتر العربيه 8.2
فى البلد المتوسط حسب كمبيوتر العربيه 10.4 : 11.4 تكييف 90% من الوقت و80% زحام واشارات
42 لتر بيعملو حوالى 420 جوه البلد مع الزحام والتكييف
يا جماعه ماتنسوش ان الجو حر واستخدام التكييف بياثر
انا ملاحظ ان الاستهلاك بقى شكوى عامة للسيراتو تستحق الدراسة ولازم نوصل لحل او اما نعترف انة احد عيوبها
السلام عليكم جميعا .....
انا مريت بكل الحاجات ديه من بدرى , زى استهلاك البنزين اعدت الخبط و ادوور هى المشكله فين لقيت فى الاخر ان فعلا استهلاك البنزين زيادة بطريقه ملحوظه . و هقولكم تجربتى :
1 - التجربة كانت على 7 عربيات سيراتو 2010 اربعه خليجى و الباقى وكيل .
2 - العربيات الخليجى هتاكل بنزين بغباء مع العلم ان اول متجيب العربية بيبقى معدل استهلاك البنزين كويس جدا مع انك مشغل التكييف 24 ساعه و انت ماشى .
3 - الوكيل بتبقى زى ماهى تقريبا مع العلم ان نفس مستوى الحرق و ظروف القيادة و التكييف .
السبب بسيط اوى للاسف ان السيارات الخليجى بتيجى من بلادها الموتور مظبوط كحرق و كهرباء للموتور على التكييف و ظروف استخدامه للخليج بيبقى فارق كتير صدقونى لان الاجهزة اللى بتقوم بظبط اداء المحركات مختلفه تماما عن اللى بنستخدمها هنا فى مصر , و لذلك هتلاقى كل الشكوى من الخليجى انه بعد ما عمل صيانه فى مصر زاد المعدل اوى و برده قل السحب للسيارة وده طبعا لان السيارة اتظبطت على الجهاز اللى فى مصر اللى كله فى جميع التوكيلات بيستخدمه ولو حد معاه سياره خليجى و كان جوه مركز الصيانة مع الفنيين هتلاقى بعد ما يستخدم الجهاز للكشف عليها هيقولك ان السلانسيه بتاعها زيادة و طبعا بيظبطه على الجهاز بتاعه وهو ده اللى بيزود استهلاك البنزين و بيقلل السحب و تعيش فى حيرة ونكد بعد ما تتطلع من الوكيل .
و شكرااا لحسن استماعكم
:3_3_102[1]: Mocs