الموضوع: مطلوب المشورة بخصوص الدينامو

السلام عليكم إخوانى الأعزاء
كنت خارج مع مراتى و بنتى و حصل معايا موقف مش ولابد
العربية بطلت وكنت محتاس آخر حوسة و بعدين ولاد الحلال زقوا العربية و دارت الحمد لله بس لما روحت للكهربائى قالى ان شحن الدينامو ضعيف و محتاج كتاوت cutout و قالى الالمانى أحسن من الفرنساوى و بحوالى 90 جنيه.
ولما سألت واحد تانى قالى الجديد ده بيبقى صينى و هات مستعمل أحسن.
ودلوقتى أنا محتار حدا جدا لأنى جديد في موضوع العربيات ده و مش عارف أعمل ايه؟
و لو هجيب كتاوت أجيبها منين و سعرها حوالى كام؟وهل الجديد صيني بس؟
و بالنسبة للتركيب بياخد وقت أد ايه؟ و هل في مشكلة لو مشيت بالعربية وهى كده لحد لما أجيب الكتاوت؟
و شكرا