الموضوع: محتاج المشورة بخصوص فورد اسكورت

بص فيه اكتر من موضوع بنفس السؤال دور شوية في القسم و هاتلاقي اجوبة و نصايح شوف الي يناسبك منها

اعادة بيع سيئ ماشي
موضوع الوكيل مش هاتكلم عنه علشان العربية قدمت على المرواح لوكيل
قطع الغيار متوفرة و في اكتر من مكان و كلهم معلن عنهم في القسم و مش اي حد بيعرف يصلحها
بس لو ناوي على الاسكورت الـ 1300 ديه قطع غيارها متوفرة و رخيصة ( نسبيا طبعا )
بس عموما العربيات الفورد افضل بكتير من الياباني و الكوري و فرق قطع الغيار مش كبير لو قارنت قطع غيار اصلية

المشاركة الأصلية كتبت بواسطة aYaBooY

بس عموما العربيات الفورد افضل بكتير من الياباني

اعذرنى يا ayabooy الاسكورت عربيه خشنه جدا وموتورها ضعيف عليها...وال 1600 مظبوط بالظبط عليها...اليابانى افضل بكتير من حيث النعومه والرشاقه والاعتماديه....يعنى كرولا 98 احسن من 1000 اسكورت 98....هوندا......نيسان...افضل من الاسكورت بمراحل....

انما الفورد ليه ناسه برضه وفى ناس بتفضل الفورد....والاسكورت متتركبش غير 1800 زد تك...ياما بلاش...وانا شايف ان الفيستا والكا انعم بمراحل واخف من الاسكورت

مع احترامي لكل الاراء الفورد قطع غيارها موجودة في كل حتة جديدة واستيراد عكس اليباني القديم الي مش موجود وتقعد تلف لجد متلاقي حاجة تعبانة وبسعر خرافي خالي كان معان ديهاتسو ولمل كانت حاجة بتبوظ كان بيكرة نفسو.
الياباني والكوري طبعا انعم وتكيف افضل بس مفيش سفتي خالص بعد ال100 تحس ان العربية هتطر من علي الارض ولو في ملف جامد بتهدي وتكلبش في الدركسيون عكس الفورد ثبات واهمي.
وعموما دي وجهات نظر.
والله الموفق

الهوندا عربية جميلة وثابتة عن كل الياباني بس مش هتبقي المقياس شوف النيسان والمتسوبيشي والديهاتسو وحتي التيوتا ثبتهم بعد 120 سيء جدا عكس السوبارو والهوندا.
واغلب الياباني القديم ملهاش قطع غيار زي النيسان مثلا مش هقولك السوبارو علشان مش منتشرة اصلا ومش الخوندا علشان دي اكتر ياباني الشباب بيحبوها وانا واحد منهم بس شوف في العموم.
وانا والحمد لله ركبت ياباني كتر من الماذدا لحد السوبارو وهي عربيات كويسة واعتمادية وانا بحبها جدا بس الصراحة الاوربي حاجة مختلفة.
والله اعلم

اولا العربية الاسكورت 1300 كاتينة جنزير و ده الي بيخلي الموتور خشن شوية ( و زيها زي الفيستا الـ 1300 نفس الموتور تقريبا )
و طبعا امام موضوع الخشونة بتكون انك تفضل ماشي بالعربية من غير ما تشغل بالك باي صيانة و تعمل الي انت عاوزة
و الاسكورت 1600 زيتيك او كاربراتير بيكون كويس قوي على العربية و 1800 قوي زيادة عن الاحتياج العادي
اي فورد سحبها الاول و التاني بطيء عن الياباني ( و طبعا انا مش هاتكلم على مقارنة بكوري علشان ديه مش عربيات اصلا )
لكن في السرعات العالية سحب الفورد افضل و ثباتها اعلى بكتير حتى من الهوندا و خصوصا ان باور الهوندا او اي عربية ياباني بيفضل خفيف مع السرعة على عكسها في الفورد كل ما تزود سرعة الباور يتقل
الصاج طبعا محدش يقدر يقول ان فيه عربية ياباني اقوى في الصاج من العربيات الاوروبي حتى الكورولا الي قبل العيون موديلات التسعينات الي كل الناس بتقول عليها اقوى صاج لا تقارن باضعف فورد
و موضوع قطع الغيار العربية الياباني كل ما تقدم قطع غيارها بتكون اقل اما الفورد نظرا لطول العمر الافتراضي لقطع الغيار بتفضل متوفرة فترة اطول و الحاجات الي بتيجي فورد استيراد هيا استعمال اوروبا و الياباني عادتا استعمال خليج و طبعا الفرق بيكون كبير
انا عن نفسي ركبت هوندا سيفيك و سيتي طبعا العربيات فخمة بس برده الفورد اقوي