ارجو المساعدة و شكرا
ارجو المساعدة و شكرا
بص يا باشا بالنسبة الاوكتافيا من غير كلام
بص انتا عندك السوناتا 2000 سي سي و ب150 الف جنيه
و الاوكتافيا 1600 سي سي و ب153 الف جنيه
و السيفيك 1600 سي سي و ب140 الف جنيه
من ناحية الشكل الاوكتافيا تكسب
من ناحية ملائمة الطرق المصرية السيفيك تخسر جدا و علشان كده طلعها من المقارنة
مش عارف اقولك ايه
بس المقارنة حتبقى بين عربية كوري و عربية الماني او تشيكي المهم عربية اوروبي
بمواصفات الفولكس واجن
توكل على الله و جيب الاوكتافيا احنا عندنا واحدة و اي استفسار انا في الخدمة
دا موضوع ازواق و كل واحد و زوقه ممكن انت تعجبك الcivic و هو يعجبه الِِA5 و أنا تعجبنى السوناتااقتباس:
من ناحية الشكل الاوكتافيا تكسب
ليه تخسر؟؟اقتباس:
من ناحية ملائمة الطرق المصرية السيفيك تخسر جدا و علشان كده طلعها من المقارنة
أنا رايى الِA5 خسر علشان هى أضعفهم , الcivic 140 حصان و السوناتا 144 حصان اما الA5 105 حصان يعنى تخسر.
صحيح كوى و يابانى و تشيكى المانى بس التشيك لسه حتى منضمتش للأتحاد الأوروبىاقتباس:
بس المقارنة حتبقى بين عربية كوري و عربية الماني او تشيكي المهم عربية اوروبي
و كمان يا جماعة العربيات مش بالبلد ماعدا الصينى
يعنى مينفعش أقارن الماروتى ب الHyundai genesis و أقول الماروتى تكسب علشان يابانى المقارنة بين العربيات نفسها يعنى الopel زى المرسيدس؟؟؟؟؟؟؟
و لا الهيونداى السانتا فى زى ال اللانوس؟؟؟
المقارنة بين السوناتا و السيفيك و A5
و طبعا منغير ماحتاج اقول حتى السوناتا تكسب وش.
السوناتا بتنافس ال Accord يعنى عيب نقارن السوناتا بالسيفيك !!!!!!!
أما الِA5 دى بتنافس نفسها يعنى بره خالص (منتنزلش أمريكا اساسا بره خالص)
معظم الwebsites االى بنقرأ عليها reviews عن العربيات بتبقى أمريكية .
أقرأ ردى هنا
السيفيك تخسر بالنسبة للطرق في مصر
علشان السيفيك واطية من الارض
مع احترامي الكامل اللي يحكم على الاوكتافيا و على موتورها اللي ركبها و جربها
بتقول ان A5 مش موجودة في امريكا بس مين قالك ان ده مقياس
عاوز اقولك ان الاوكتافيا منتشرة بهبل في الاسواق الاوروبية
و على فكرة انا شوفت عربيات في مصر و لبنان اوكتافيا تاكسي
السوناتا فيها مشكلة خطيرة جدا محدش واخد باله نها
التوكيل بتاعها و قرفه
بص يا باشا مشكلة مصر انها تفرق عن اي دولة تانية خالص
يعني مثلا لما جينا نقارن ما بين السيفيك و الاوكتافيا طلعنا السيفيك علطول برة علشان مشكلتها مع الطرق المصرية
احنا لما بنييجي نشتري عربية الفروض نبص على قطع الغيار و ملائمة الطرق المصرية و التوكيل و سعر اعادة البييع
سعر اعادة البيع للاوكتافيا احسن بكتير
توكيل سكودا ارتوك اوتو احسن من توكيل هيونداي
بالنسبة للاقاليم قطع غيار الاوكتافيا منتشرة عن السوناتا
غير كده العزم بتاع الاوكتافيا عالي اوي يعني عمر ما الموتور ياثر معاك
الاوكتافيا في السحب مش ضعيف و غير كده
الاوكتافيا و السيفيك ليهم ثقة في السوق المصري
اقولك حاجة كنت بكلم واحد صاحبي عن السوناتا قالي جملة غريبة جدا
ادفع 150 الف جنيه في عربية هيونداي
اخيرا مش معنى ان السكودا تشيكي ان الاوكتافيا مش الماني
زي السيات اسباني لكنها الماني
لان التصنيع و الاختبارات و الجودة تبع شركة اودي و فولكس واجن
يكفي ان اقولك ان الشاسيهات واحدة
صدقني موضوع الموتور ده متضخم اكتر من اللزم
و في الاول و الاخر دي اراء
واختلاف في الراي لا يفسد في الود قضية
أحب أن أشكر جميع الأخوة ممن قامو بالتعليق و الملاحظ اختلاف الاراء.
و اكن الملاحظ ايضا اجماع التعليقات علي عدم ملائمة الهوندا للطرق المصرية.
ارجو المساعدة في المقارنة بين السوناتا و الأوكتافيا بالنسبة لاسعار قطع الغيار ,استهلاك البنزين,التسارع و قوة الموتور,الأحتفاظ بالسعر بعد البيع.
و لكم جزيل الشكرز
قطع الغيار في الاقاليم منتشرة اكثر اكيد
العربية منتشرة جدا عن السوناتا
اما في التوكيل فالعربيتين متوففرة قطع الغيار
اما استهلاك الوقود فالاوكتافيا تكسب طبعا
عايز اقولك ان استهلاها احسن من عربيتي سكودا فيفوريت 1300 سي سي كبراتير بمراحل
قوة الموتور و متانته الاوكتافيا طبعا
التسارع اكيد السوناتا بس الاوكتافيا مش بطة ماشية
الاحتفاظ بالسعر بعد البيع اكيد طبع الاوكتافيا بدون مناقشة
اما موضوع اسعار قطع الغيار فمعرفش
و حد يفيدنا في الموضوع ده
معلش برده انا مختلف معاك 100000% , السوناتا تبع توكيل غبور اللى هو توكيل هيونداى فأكيد مراكز خدمة غبور فى كل مصر عندها قطع الغيار بتاعت السوناتا و كل الهيونداى حتى لو مش عندهم يقدروا يجيبوها من القاهرة فى يوم اما السكودا فبتبيع هنا فى مصر الأوكتافيا بس و دى عربية غالية يعنى أكيد مفيش انتشار فى مراكز الخدمة و قطع الغيار بعكس هيونداى اللى 30% من مبيعات العربيات فى مصر ليها فاكيد ليها انتشاراقتباس:
قطع الغيار في الاقاليم منتشرة اكثر اكيد
علشان العربية نازلة من زماااان جدا و الnew shape بتاعها نازل 2010 ان شاء الله اما السوناتا لسه مجمعينها مفيش 7-8 شهور و انا استلمت اول دفعةاقتباس:
العربية منتشرة جدا عن السوناتا
صحاقتباس:
اما في التوكيل فالعربيتين متوففرة قطع الغيار
دى جبتها منين ؟ أرجو التوضيح بالأرقاماقتباس:
اما استهلاك الوقود فالاوكتافيا تكسب طبعا
السوناتا معروف الاستهلاك بتاعها و التنك بياخد كام و الكلام دا
www.fueleconomy.gov/feg/noframes/22843.shtml
السوناتا التنك بتاعها بياخد حوالى 67 لتر و دول يمشوك حوالى 611 كيلو و كل دا بيبقى مكتوب فى التابلوه يعنى ممكن اقولك جوه البلد average الاستهلاك اد ايه لو تحب.
لا تعليق على النقطة دى خالص !!!!!!!!!!!!!!!!!!!!!!!!!!!اقتباس:
قوة الموتور و متانته الاوكتافيا طبعا
قصدك ايه بالمتانة؟
يعنى لو قصدك التقفيل الداخلى اقولك اه اما غير كده لأ طبعا و شرحتلك موضوع التاكسى اما قوة الموتور مش قادر ارد من كتر الضحك :D
شوف حجم الأوكتافيا و قولى ينفع الموتور دا او دا؟اقتباس:
التسارع اكيد السوناتا بس الاوكتافيا مش بطة ماشية
1.6 - 75 bhp (56 kW) / 100 bhp (75 kW) / 102 bhp (76 kW) (8v)
1.6L DOHC engine can hit from 0 to 100 km/h in 12.0 sec., and reach 187 km/h as top speed MT.
1.6L DOHC engine can hit from 0 to 100 km/h in 13.9 sec., and reach 181 km/h as top speed AT.
دى الحقيقة معرفش الأوكافيا بتحافظ على السعر و لا لأ و طبعا السوناتا لسه متجربتش بس بالنظر لسرعة انتشارها اعتقد انه هيكون ممتاز.اقتباس:
الاحتفاظ بالسعر بعد البيع اكيد طبع الاوكتافيا بدون مناقشة
أنا معرفش الأوكافيا بس عندى فكرة بسيطة عن السوناتااقتباس:
اما موضوع اسعار قطع الغيار فمعرفش
غالية جداااااا (مثال أنا غيرت تيل الفرامل من أسبوع تقريبا و دفعت 1000 جنيه بالضربية و المصنعية و دا مبالغ فيه جدا خصوصا ان سعره فى امريكا ميكملش 300 جنيه و سعر تيل الفيكترا الجديدة 1000 جنيه برده و كوريا عملتها معتمدة على الدولار اما ألمانيا يورو طبعا .
سبب تغيير التيل علشان الناس اللى ممكن تقول دا عيب صناعة لأ العربية معايا بقالها 8 شهور تقريبا و عامل بيها حوالى 19000 كيلو فمفيش عيب و لا حاجة.
السوناتا ضمانها 100000 كيلو أو 3 سنين.
بالمناسبة احنا ناقشنا نقط كتير معظمها ميهمنيش و سبنا النقط الأساسية
أولا السوناتا فئة أعلى من الأوكتافيا (بتنافس الكامرى و الأكورد)
أعتمديتها اعلى طبعا من الأوكتافيا من غير كلام بدليل أنها تاكسى فى العالم كله و بدليل نزولها و منافستها بشدة فى السوق الأمريكى اللى هو أكبر سوق عربيات فى العالم و اللى هو هدف كل صناع العربيات يبيعوا هناك و السكودا كمركة كلها مش موجودة فى امريكا اصلا!!!
اما من ناحية القوة فمفيش أى مجال للمقارنة السوناتا اللى فمصر 2000cc-144 حصان أو 2400cc-162حصان و للعلم كمان 6 شهور بالكتير التغيرات الجديدة اللى فى السوناتا هتنزل مصر زى الموتور 24000cc-175حصان و معرفش ال2000 حتبقى كام حصان.
أما الأوكتافيا 105 حصان مانيوال و 115 حصان أوتوماتيك يعنى الألنترا اقوى منها!!!
من ناحية الoptions أعتقد السوناتا أعلى ال2000 مانيوال فرش جلد - multifuction - mp3 - جنوط - تكيف أوتوماتيك.
من ناحية الشكل دى أزواق انا رايى السوناتا احلى و انت رأيك الأوكتافيا احلى
أهم حاجة كمان التكييييف السوناتا االى فيها دا مش تكييف دا فريزر!!!!!!!!
بجد دى أهم مميزات العربية دى تكيفها عمرى ماشوفت زيه , ليه؟ علشان أنا سمعت ان قوة التكييف بتعتمد على قوة الموتور بس الصراحة أنا مش متأكد من المعلومة دى و السوال ليك الأوكتافيا تكيفها شكله ايه؟
من ناحية السعر زى بعض
موضوع تجميع لبعربية فى مصر دا بيخلى الجمرك 10% بس و الباقى بيبقى فى جيب غبور (يقولك تكاليف انتاج المصنع زى العمالة و الكلام دا)
أنا لسه عند رايى لا مجال للمقارنة نهائيا !!!!!!
انا مش قصدي ان موتور السوناتا انه اضعف من الاوكتافيا و الدليل اني قولت ان التسارع اكيد للسوناتا و ربنا يضحكك كمان و كمان و اشوفك سعيد علطول
انا بتكلم بالنسبة لعندي في الزقازيق مثلا من ناحية توافر قطع الغيار
اه هيونداي واخدة 30 من حجم السوق
لكن في فئة الصالون المتوسط واخدة كام و سكودا كام
اقولك كفاية تفتح كبوت الاوكتافيا بس و تشوف الانبهار
صدقني بجد موتور الاوكتافيا جامد و مش مقصر مع العربية و الناس دي مش بتهزر
الاوبشن لأ خالص شوف الاليجانس فيها اوبشنز لدرجة الهبل بمعنى الكلمة
حتة التوكيل ده انا سمعت انه زحمة جدا و دي مشكلة
مراكز الخدمة للهيونداي اكتر من السكودا مفيش مناقشة
بس المهم انك تاخد خدمتك بسرعة ورضا و بكل سهولة
التكييف بتاعها تحفة و اكبر دليل ان موتورها جامد انه على استعداد لتشغيل ثلاث تلاجات تقوم بتسقيع اللي جوا التلاجة و ليس الحفاظ على برودتها
استهلاك البنزين اكيد واضح كفاية السعة اللترية و Hp
على فكرة انا كنت محتار نجيب السوناتا ولا الاوكتافيا و لا الاوبل الاوكتافيا
و باذن الله هاجيب عربية جديدة و شكلها حترسي على جين 2 و حييجي استاذ برضه حيقولي و يقولي الياريس بتاعتي احلى و انا اقوله لأ
في الاول و الاخر احلى حاجة ان الواحد يبقى مقتنع بعربيته و مؤمن بيها
انا مقتنع بعربيتي و حضرتك مقتنع بعربيتك
المهم ان التنافس و الاختلاف في الراي ده باقي الاعضاء يستفيدوا منه
و ده اساس قيام المنتدى
ان الكل يستفيد
و ياريت حضرتك تعمل لينا توبيك تجربة قيادة للهيونداي سوناتا
معلش يبقى انا فهمت غلط بس دا اللى انا فهمته من كلامك دااقتباس:
انا مش قصدي ان موتور السوناتا انه اضعف من الاوكتافيا و الدليل اني قولت ان التسارع اكيد للسوناتا و ربنا يضحكك كمان و كمان
اقتباس:
قوة الموتور و متانته الاوكتافيا طبعا
م انا قلتلك علشان الأوكتافيا نازلة من 2004 اما السوناتا لسه مجمعينها من أقل من 7-8 شهور و كمان السوناتا مجمعة فى مصر يعنى المصنع بتاع غبور له طاقة انتاجية و هو مصنع صغير اوى كمان يعنى له انتاج محدود فى السنة اما الاوكتافيا مستوردة يعنى لو السوق المصرى يستوعب كانوا استوردوا كتيييييييير , استنى كده كمان سنتيت تلاتة و قولى مين فيهم منتشر اكتر;).اقتباس:
انا بتكلم بالنسبة لعندي في الزقازيق مثلا من ناحية توافر قطع الغيار
اه هيونداي واخدة 30 من حجم السوق
لكن في فئة الصالون المتوسط واخدة كام و سكودا كام
كمان دا مالوش علاقة خالص بقطع الغيار انا قصدى ان هيونداى بتبيع عربيا كتيييييير اوى علشان كده لها مراكز خدمة فى كل حتة فمصر و بالتالى هتلاقى قطع غيار السوناتا فى كل حتة فى مصر اكتر بكتير مت السكودا اللى مبيعتها الاجمالية فى مصر قليلة فهمت قصدى؟
فى واحد اعرفه عنده الأوكتافيا قالى غير كده خالص و ياريت لو حد عنده العربية يقولنا رايه بصراحة , الراجل قالى لما العربية تيجى تنطلق تحس انها بتاخد وقت شوية و دا منطقى و طبيعى لما عربية بالحجم دا على موتور 105 و لا 115 حصان اوتوماتيك يبقى طبيعى تكون ضعيفة و زى مقولتلك الشركات الكبيرة ذى تيوتا و bmw عمرهم ميضحوا بسمعتهم و يبيعوا عربية بالحجم دا اوتوماتيك .اقتباس:
موتور الاوكتافيا جامد و مش مقصر مع العربية و الناس دي مش بتهزر
أنا بقارن الoptions بالنسبة للسعر بمعنى قارن كده بين السوناتا ال2000 مانيوال و الأوكتافيا المانيوال و لا السوناتا 2000 اوتوماتيك و الأوكتافيا الأوتوماتيك و لا السوناتا ال2400 و الأوكتافيا الاوتوماتيك اللى سعرها 185000 لا مجال نهائى للمقارنة و انا كتبت الفرق فوق و الاليجانس بتوصل ل 230000 يعنى اغلى من السوناتا ال2400 ب 45000 فالمقارنة بالنسبة للسعر.اقتباس:
الاوبشن لأ خالص شوف الاليجانس فيها اوبشنز لدرجة الهبل بمعنى الكلمة
أه فعلا التوكيل زحمة جدا بس منظم جدا بمعنى انك لما تتكلم تحجز بالتليفون و تكون هناك فى معادك بتخش فى معادك و يقولك الساعة كذا تبقى خلصانة و فى اتوبيسات توديك اماكن معينة لو عايز تمشى و تيجى بعد متخلص و كمان عندهم ممكن تدفع 1000 جنيه مرة واحدة فى العمر و يعملولك الصيانة تحت البيت لو تحب و كمان بيفتحوا كذا فرع جداد و برده ممكن تروح لمركز من مراكز الوكلاء المعتمدين تعمل عنده الصيانة بسيطة يعنى انا مشوفتش اى مشكلة خالصصصصص من ماحية الموضوع دا.اقتباس:
حتة التوكيل ده انا سمعت انه زحمة جدا و دي مشكلة
مراكز الخدمة للهيونداي اكتر من السكودا مفيش مناقشة
بس المهم انك تاخد خدمتك بسرعة ورضا و بكل سهولة
فكرتنى بموضوع التلاجة دى كمان يعنى ناس بتهزر (التلاجة دى بتنزل بره فى العربيات اللى سعاتها اللترية جامدة ) و بعدين قوى ازاى مانت عندك قوة الموتور و عندك حجم العربية و عارف كام حصان يبقى القوة حتيجى منين؟؟؟؟؟اقتباس:
التكييف بتاعها تحفة و اكبر دليل ان موتورها جامد انه على استعداد لتشغيل ثلاث تلاجات تقوم بتسقيع اللي جوا التلاجة و ليس الحفاظ على برودتها
معلش اسال و قولى برده انا اديتك site عرف من عليه كل تفاصيل استهلاك بنزين السوناتا علشان الناس تستفيد.اقتباس:
استهلاك البنزين اكيد واضح كفاية السعة اللترية و Hp
الف مبروك مقدما و لا طبعا انت حر هات العربية اللى انت عايزها و انا معنديش يارس و انا حاسس بنبرة تريقة مش عارف ليه؟؟؟؟؟ دا احنا بنقارن بين عربيتين ايه لزمتها التربقةاقتباس:
على فكرة انا كنت محتار نجيب السوناتا ولا الاوكتافيا و لا الاوبل الاوكتافيا
و باذن الله هاجيب عربية جديدة و شكلها حترسي على جين 2 و حييجي استاذ برضه حيقولي و يقولي الياريس بتاعتي احلى و انا اقوله لأ
بالظبط كده صدقنى اللى خلانى اكتب الرد المطول دا و دفاعى باستماتة عن السوناتا انى بحب اتابع اخبار العربيات و اسعارها و امكانياتها و الحاجات دى فلقيت الناس بتقارن السوناتا بالبيجو 407 و الاوكتافيا و الفكترا فدا عصبنى لأن العربية اقوى و اعلى فى الامكانيات من كل دول و أنا فعلا كنت فحيرة قبل مايجمعوا السوناتا بين الجيتا و الأوكتافيا بس لما جمعوا السوناتا لا مجال للمقارنة خالص اشتريتها علطول .اقتباس:
في الاول و الاخر احلى حاجة ان الواحد يبقى مقتنع بعربيته و مؤمن بيها
انا مقتنع بعربيتي و حضرتك مقتنع بعربيتك
المهم ان التنافس و الاختلاف في الراي ده باقي الاعضاء يستفيدوا منه
و ده اساس قيام المنتدى
ان الكل يستفيد
اللى مساقش عربية 2000cc أو اقوى من فضلك اعمل test drive للسوناتا و قول بعديها اى حاجة تانية.
ازاى نقارن عربية 1600 بعربية 2000 ولا 2400 دا كلام ؟
لأ و كمان ايه امكانيتها اكتر بالمقارنة للسعر و عربية معروفة عنهم برة مصر و عربية اقتحمت اكبر سوق سيارات فى العالم و ننافسها بعربيات مستحيل تدخل السوق دا حتى مش تنافس فيه؟؟ كمان اتا ردودى معاها ادلة من كذا site أمريكى او اوروبى و النت عندك دور بنفسك و شوف ينفع دى تتقارن بدى ولا لأ.
أنا عمرى ماشوفت اوكتافيا تاكسى فى مصر ولا سوناتا لاننا بنسترخصاقتباس:
و على فكرة انا شوفت عربيات في مصر و لبنان اوكتافيا تاكسي
كل دا يبقى السوناتااقتباس:
احنا لما بنييجي نشتري عربية الفروض نبص على قطع الغيار و ملائمة الطرق المصرية و التوكيل و سعر اعادة البييع
و اكيد السوناتا موتورها احسن 100 مرةاقتباس:
غير كده العزم بتاع الاوكتافيا عالي اوي يعني عمر ما الموتور ياثر معاك
أنت كده جبت الخلاصة !!!!!اقتباس:
الاوكتافيا و السيفيك ليهم ثقة في السوق المصري
اقولك حاجة كنت بكلم واحد صاحبي عن السوناتا قالي جملة غريبة جدا
ادفع 150 الف جنيه في عربية هيونداي
معلش صاحبك دا عنده جهل فى مجال السيارات و انا اوعى تفهمنى غلط انا مثلا عندى جهل فى مجال كرة القدم كده كل واحد اكيد جاهل فى حاجات كتير.
السوناتا ليها ثقة عالمية و اسم كبير يعنى انت عاجبك العربية اللى لها ثقة فى مصر و سايب العربية اللى لها ثقة فى العالم كله و اوله امريكا؟؟ لو صاحبك كان بيقرا عن العربيات عالميا و ايه كويس و ايه لا كان عرف ان السوناتا عربية لا تقارن بالسيفسك حتى لانها تقارن بالفئة الاعلى منها و هى ال accord. و ادى فيديو مقارنة بينهم , سيبك ان السوناتا كسبت لان بيقولك كانوا مظبطين السواق بس شوف دى المقارنة بين عربيتين بينافسوا بعض.
www.youtube.com/watch?v=kBhiB_qH1KY&feature=related
أكتب على youtube:octavia a5 حتلاقى video واحد بس , اكتب سوناتا هتلاقى كتييييييير.
بقولك عربية معرفة عالميا و موضوع يدفع 150 الف فى عربية كورى ايوه حسب العربية نفسها محنا مينفعش نقول السوناتا وحشة علشان الفرنا فيها عيوب مثلا دى بتلات اضعاف دى زى السكودا الفيليشيا ينفع نقارنها ب الa5.
طب الsuzuki يابانى يعنى نقارن السوزوكى باللكسس؟؟ و بعدين اللكسس ملهاش ثقة فى مصر و لا حد يعرفها مع انها بتنافس مرسيدس و bmw منافسة شديدة جداااا بس مبتتجمعش فى مصر فجماركها غالية. يعنى بذمتك السانتافيه و لا الاوبل الكورسا دى ب400 و دى ب80 مع ان دى المانى و دى كورى.
بعدين سكودا صحيح المانى بس قطع منها بتتصنع فى التشيك و العربية بتتجمع فى التشيك!!!!!!!!!
فهمت قصدى؟
السوناتا مش محتاجة و دا اللى انا بقول عليه العربية دى معروفة و محترمة عالميا و تقدر تشوف reviews عنها فى اى site بتاع عربيات فى اى حتة فى العالم مثلا هنااقتباس:
و ياريت حضرتك تعمل لينا توبيك تجربة قيادة للهيونداي سوناتا
autos.yahoo.com/2008_hyundai_sonata-reviews_user/
يا رب يكون الناس اللى بتسال و بتقارن استفادت
و متشكر جدا على ردودك و وقتك ربنا يخيك الصراحة
انا بالنسبه لي الهوندا تكسب ال سكودا بكتير و حطلع الهيونداى برة مش عاشان وحشه و لكن هى علشان فئه اعلى انا جربت ال A5 من زميل ليه بس هوا مشتريها فول اوبشن ب 186000 من حوالى سنه عربيه فخمه بس حسيت انها مش شبابى خالص و سئلتهولك على قطع الغيار اللى انها كويسه الهوندا انا مجربتهاش بنغسى بس انا باعشقها علشان عربيه واطيه جدا على الارض موتورها قوى جدا و التسارع بتاعه مينفعش اقارنه بالاسكودا لان الاسكودا بطيئه جنبها
السوناتا عربيه ممتازه جدا و فكر فيها برضه لانها عربيه فخمه بجد بس انا شفتها و اتفرجت عليها من جوه لو بتدور على فخامه و دلع
و زى ما الاخوة قالو هيا مساله ازواق انا بالنسبه لى الهوندا حتكسب يكفى تشوف التابلوه بتاعها و التسارع بتاعها عدت منى و انا كنت راكب تويوتا كورولا 2008 وعملت المستحيل علشان اجيبه و معرفتش .
على فكرة لو المقارنة بين السوناتا المانيوال و الأوكتافيا و الcivic
توكل على الله و اشترى الcivic.
عربية معروفة و محترمة جدا و تشوفها فى كل لعب سباق العربيات و 140 حصان يعنى موتور 100ِ% و مناسب جدا لحجمها و التابلوه الأزرق دا رهيييب.
نصيحة منى متشتريش مانيوال ولا حتى الbmw ال 316 لو كانت بالسعر دا.
المانيوال مينفعش فمصر الشوارع زحمة و مقرفة.
و حسب انت عندك كام سنة برده زى م عماد قال (كلامه 100-100 برده)
الcivic شبابى قوى.
والله أنا معايا الأكورد موديل 94 وليها معايا سنين طويلة وبمناسبة الكلام عن الهوندا عمرك ماتسمع فيها المشاكل اللى ف العربيات التانية يعنى أقدر أقولك ليها حوالى سبع سنين والله ما غيرت فيها حاجة حتى ولا تيل الفرامل وعمرها ماجيت تدورها مادارتش ولا عمرها عملت فيك مقلب وحش أبدا مع اننا عيلة من 6أفراد وهى وسيلتنا الوحيدة للشغل والمدارس وكل حاجة وأقول للى ممعهوش هوندا جرب الأول وبعدين أحكم الهوندا دى أعظم عربية للى يفهم و يقدر العربيات من ناحية قطع غيار معمرة جداجداجدا وموتور قوى جداجداجدا وفخامة مفيش بعد كدة وخامات قوية ومتينة جدا واستهلاك بنزين فوق الرائع واتمنى ربنا يديم على خيرها
انا والله العظيم مش قصدي تريقة يا استاذ سمعة
و على العموم انا اسف لو حضرتك فهمت كده
بس اقتراح السيفيك مش كويس
علشان مش مناسبة لطرق مصر
ان كنت راكب مع صاحبي اللانسر الجديدة و جينا في حتة مكسرة الاكصطدام الامامي حك فيها من تحت
السيفيك تكسبببببب
معلش يعني بس الاسكودا و الهيونداي طالعين امتى؟!
[رضه يا استاذ لوئ
اقولك حاجة لو معاك تجيب عربية بورش تجيبها و تسوقها في مصر
ما انتا متجيبش عربية وتقعد تتحسر لما تمشي في حتة متكسرة و قلبك يبقى متقطع
عارفين بقى مين اللي احسن من ده كله
سيات ليون
بامانة لكن مشكلتها سعراعادة البيع
و لا يهمك و أنا مبسوط جدا من ردود حضرتك لتوضيح قوة الاوكتافيا للناساقتباس:
انا والله العظيم مش قصدي تريقة يا استاذ سمعة
هوندا طلعت سنة 1948اقتباس:
السيفيك تكسبببببب
معلش يعني بس الاسكودا و الهيونداي طالعين امتى؟!
هيونداى طلعت 1967
سكودا اقدمهم فتحت 1895 و بدأوا انتاج العربيات من 1905
يل ريت يا جماعة اللى يقول حاجة يبقى متاكد منها مش معنى انك سمعت عن عربية من زمان تبقى هى الاحسن و السوق المصرى للعربيات و لا يسوى اى حاجة فى السوق العالمى علشان جماركنا غالية و معظم توكيلاتنا ضرايب التهليب اغلى و كمان البلد ضعيفة اقتصاديا فالى بينزل مصر بيبقى على اد مصر
علي مهلك يا أخ سمعة ،،
كون السوناتا افضل من كل تلك السيارات ،،
فذلك شئ غير قابل للجدال ،،
كفاية المقارنة دي من اكبر مجلة سيارات امريكية لها وزنها ،، كار اند درايف ،،
http://www.caranddriver.com/reviews/...omparison_test
يعني حكاية انها منافسة للأكورد و الكامري مش خيال علمي ،،
دول ماخترانها افضل من الكامري كمان ،،
العبرة كلها في التجميع المحلي ،،
و احنا مبنكلمش علي عربية بسبعين الف أو حتي تسعين الف ،،
بصراحة ابعد عنه في المستوي السعري ده
إذا كان الناس بتتكلم علي التجميع المحلي للبي ام و المرسيدس !!!!!!
يا crazy الليون موضوع تانى خالص مش عشان هى فى نفس رانج السعر تدخل فى الفئة دى ..اقتباس:
المشاركة الأصلية كتبت بواسطة crazylambada
سعر اعادة البيع لة عوامل
-العربيات دى مش بتاعة ( تقليب ) يعنى مفروض تجيبها و تنسى بس طبعاً محدش ضامن الظروف
-سعر اعادة البيع لكل اللى فوق المائة الف كدة لأنك بتبيع كاش لسوق معتمد على القسط مش لعيب فى العربيات دى ولا حاجة
-نمط الاستهلاك عندنا متدنى و مع عربية حاجاتها غالية المشترى بيبقى عايز يخلى نفسة فى المضمون و يقلل السعر جامد تحسباً لأى مفاجات يلاقيها فى العربية .
-التكنولوجى العالية عنصر غامض فى تحديد ثمن العربية الكسر زيرو
كل ما كان سعر اعادة البيع يجيب عربيات تانية زيرو كل ما كان البيع اصعب (ثقافة عامة صعب تغيرها)
بالنسبة للمقارنة موضوع الحوار المفتوح فى الفئة دى انا مع (السوناتا ) لأسباب كتير اوى .
ارجو المقارنة من حيث اسعار قطع الغيار و شكرا
من الناحية دى اعتقد كلهم هينافسوا على مين أغلى من التانىاقتباس:
ارجو المقارنة من حيث اسعار قطع الغيار و شكرا
نصيحة منى دا رقم غبور فرع ابو رواش 0235390760 أتصل و قولهم مبيعات قطع الغيار و اسال على كل اللى نفسك فيه (تيل الفرامل الحاجة الوحيدة اللى اعرفها 1000 جنيه شاملة الضرايب(ضريبة مبيعات - رسوم تقليب - مصنعية) .
اتصل بالدليل و أسالهم على رقم توكيل سكودا و كلهم اسال بنفسك و قارن الأسعار علشان تبقى فى السليم و ياريت تبقى تقولنا بعدها علشان الكل يستفيد.
ليه ابعد عنه فى المستوى السعرى دا؟اقتباس:
بصراحة ابعد عنه في المستوي السعري ده
إذا كان الناس بتتكلم علي التجميع المحلي للبي ام و المرسيدس !!!!!!
أزاكان الs-500 ب 1379000 يعنى قريب من المليون و نصف و متجمعة فى مصر , يبقى نبعد عن عربية ب 150000-185000؟
ردا على موضوع التجميع فى مصر أقرا ردودى هنا
http://www.nilemotors.net/Nile/showt...t=15575&page=2
و هنا
http://www.nilemotors.net/Nile/showt...t=12956&page=3
و يكفى أقولك أن مصنع مرسيدس و مصنع bmw فى مصر هما الوحيدين بره ألمانيا اللى بيجمعوا ال s-class و ال7series و دا علشان الجمارك فى مصر غالية.
التجميع دا بيبقى تركيب قطع بس , معتقدش اننا وصلنا لدرجة مش عارفين نركب قطع فى بعض.
سمعه واضح جداااااااااا انك متعصب لسوناتاالعربيه لو عايز تعملها مقارنه عادله بيبقى باحصائيات كامله بجداول التصارع والتصادم والامان وكل كل شى تتخيلهحتى حجم المقصوره باللتر المكعبوالشنطه وعرض الكوتشومينفعش تقول ان السوناتا بتنافس الاكورد تبقى خلاص هى كده عدت الدنيا كلهاما ممكن تكون بتتكلم ان العربيات التانيه معديه الاكورد لو ده مقياس للمنافسهما الجولفات بتقطع البى امات كلهااااااوبتوع البى ام مش بيخافوا الا من الجولفات فى الشد يبقى كده ينفع تقارن عربه هاتش باك بعربيه صالون؟السوناتا فيها عيوب كتير الا انى معرفش عيوبها التصنعيه لانى لسه معرفش عنها كتير بس العربيه بتاريخها كمانيعنى مينفعش تهمل تاريخ العربيه يعنى مش تقارن تاريخ السوناتا بتاريخ الجيتا او تاريخ الاوكتافيا او تاريخ البى ام صح ولا انا غلطان؟اعتقد ان الجيتا معديه السوناتا بكتيييييييييييييير وخاصه فى عامل الامانفى حاجه كمان عايز اقول عليها لو تلاحظ هتلاقى ان عدد الحصان فى المواتير الالمانى اقل بكتير من المواتير اليابانى والكورى والامريكىدى ملحوظه مع انك لو جريت العربيتين جنب بعض الالمانى يسبق فى التسارع بكتير طبعا لو السى سى قريب من بعضهولله اعلم انا كنت سمعتها ان المقياس فى الهورس بور فى المانيا مختلف عن الدول التانيه (بس مش متاكد من المعلومه دى)بس انا سامعها من واحد مهندس وبيسافر المانيا بياخد دورات فى شركات السيارات اللى هناك بس مش استفسرت عن الحكايه دى بالظبطارجوا انك مش تتعصب قوى للعربيه دى لان العربيه مش بتبان فى اولها بتبان جودتها بعد متعيش شويه وانا اعرف انك معاك واحده فا ربنا يباركلك فيها ويديك خيرها ويكفيك شرهاملحوظهانا سافرت بجيتا اسكندريه وكنا لسه مستلمنها قبلها بيوم يعنى مليناش زى مهو معتاد فى الشعب المصرىوكنا معانا سواق بنقوله شد شويه عشان نوصل قلنا احنا مشين فوق ال 200 كيلو مش صدقنا الا لما بصينا على العدادوبعد كده ادركنا الثبات على الارض عامل اازاى فى عربيه محترمهاقتباس:
المشاركة الأصلية كتبت بواسطة som3aa
wallhi 7aran elly bey7asl da
bet2ol gayab 3arbia ebmar7 we gebt beha tany yom 200 we feen el taliin ll3arbia b2a
we ba3deen jetta a5erha aslan 185 we malhash fe shad wla 7aga we acceleration very bad ya3ny verna 1600 te3lam 3aliha
7aram ya gam3a wallhi ashof nas kteer bet2oool 7agat mesh wa23ia bl impossibe
هناك سيارة سكودا تشبه الباسات القديمة(اختها) موجودة فى اوروبا
هل نزلت مصر
اسمها سكودا سوبيرب Superb....و مانزلتش و مش هاتنزل مصر عشان اقل موتور فيها 1800سيسياقتباس:
المشاركة الأصلية كتبت بواسطة qwertyqwerty
اسمحولي يا شباب اشارك بمعلومه
انا متحيز للسيفيك اولا شكلها خطير خصوصا السوداااء .. وعلى فكره انا عندي واحده
ثانيا السيفيك انا على طريق مارينا مقطع بيها السوناتا والله وبي أم .. ومازدا 3 .. و لانسر نيو شيب .. يعني موتور وتسااارع غير طبيعي ونعومه في النقل
عيبها آه معاكم واطيه على الارض وده اللي خلاني عاوز ابيعها واشتري تيريوس فل اوبشن ..
تحيتي لاجمل ناااس ..
أبا برده بحب السيفيك جدا و هى فعلا عربية ممتازة بس صاحب الموضوع بيتكلم فى range تناى من حيث السعر يعنى عايز فى حدود ال180000 مثلا و دا اعلى من السيفيك.اقتباس:
اسمحولي يا شباب اشارك بمعلومه
انا متحيز للسيفيك اولا شكلها خطير خصوصا السوداااء .. وعلى فكره انا عندي واحده
ثانيا السيفيك انا على طريق مارينا مقطع بيها السوناتا والله وبي أم .. ومازدا 3 .. و لانسر نيو شيب .. يعني موتور وتسااارع غير طبيعي ونعومه في النقل
عيبها آه معاكم واطيه على الارض وده اللي خلاني عاوز ابيعها واشتري تيريوس فل اوبشن ..
تحيتي لاجمل ناااس ..
تلاقيك انت بس اللى بتسوق كويس اوى , فى ناس ملهاش فيها و الشد مش مقياس علشان بيعتمد على قدرات السواق نفسه اما مواصفات الموتور الفنية هى دى اللى تبين.اقتباس:
انا على طريق مارينا مقطع بيها السوناتا والله وبي أم .. ومازدا 3 .. و لانسر نيو شيب
الأخ صاحب السوناتا ممكن لو تكرمت تعرفنا أسعار كل قطع الغيار الخاصة بسوناتا اللى تعرفها لأني أرغب فى شراء سوناتا 2007 / 2400 سي سي عاجلا لو سمحت.
لا يا باشا هو فعلا بالورقة و القلم و بالتجربة السيفيك كموتور و تسارع ماتقلش عنهم خالصاقتباس:
المشاركة الأصلية كتبت بواسطة som3aa
مع تثبيت مهارة السواق طبعا