الحشكبوللي, و ما أدراك ما الحشكبوللي

القصة تبدأ كالتالي


مرة واحدة ست راحت مطعم فقالت : بس بس بس انت يا متر -



المتر جه و هو راجل محترم ابن ناس كدة زيكوا بس الزمن جار عليه
و اشتغل متر بعد ماعيلته فلست و باع عربيته و متجوزش البت شلبية اللى
كان بيحبها المهم مش دة موضوعنا



قاللها : أأمري يا هانم


قالتله : عايزة واحد سكلوب و واحد سلطة


قالها : بس كده؟


قالتله : لا و كمان عايزة 2 جوز حمام و 3 كيلو كباب و فرختين




الراجل عينيه و سعت و قال بس كده قشطة هنعمل شغل النهاردة




و قالها : بس كل ده كتير يا هانم انتى مستنية حد ؟


>>قالتله : لا الكباب و الحمام و الفراخ للحشكبوللى الصغير




>>الراجل بص للسقف وقال حشكبوللي؟



المهم قالها تحت امرك







>>الراجل مشى وعمال يفكر مين الحشكبوللي الصغير ده انا مش شايف معاها حد



جاب الطلبات و مشى و قعد مستنى يشوف مين الحشكبوللي الصغير ده




الست قعدت تاكل فى الاسكلوب و السلطة و سابت الباقى لحد ما تخلص




الراجل قال اكيد لسه الحشكبوللى موصلش



المهم الست خلصت أكل و طلعت علبة صغيرة خالص كده و قعدت تدخل الاكل جوة العلبة
.. والراجل قاعد يتفرج ودماغه هتشت



الست تدخل الاكل و الاكل بيدخل فعلا جوه العلبة الصغننة دي و بيخلص و تدخل الاكل و بردة عمال يدخل وهى تدخل الاكل و عمال يدخل




المهم الاكل خلص




خدوا بالكوا انهم 3 كيلو كباب و 2 جوز حمام و فرختين بحالهم دخلتهم جوه العلبة خلاص




و قالتلوا : بس بس بس انت يا متر




الراجل راحلها بعد ما عينيه احوّلت وقالها : تحت امرك يا هانم



قالتله : معلش اصل الحشكبوللي الصغير لسه ماشبعش ياريت تجبلى كمان 3 كيلو ;كباب و 2 جوز حمام وفرختين




المتر قالها : انا تحت امرك يا فندم...و مشى وهو بيعرج و جاب الاكل و
حصل نفس اللى حصل و الست تتدخل الاكل فى العلبة و الاكل يخلص




راحت ندهتة تانى و راح الراجل قالها : اكيد الحشكبوللى لسه مشبعش اصل انا عارفة طفس




قالتله : وانت تعرفوا منين دة محدش شافوا قبل كدة امشى يلاّ هاتلى دستتين جاتوة و فرووت سلات و 3 ام على علشان الحشكبوللى الصغير عايز يحلّي





الراجل مشى و هو بيدعى على نفسه و يلعن اليوم اللى اتولد فيه وقال
عليّا الطلاق من البت شلبية اللى ماتجوزتهاش ما انتى ماشية قبل ماعرف
العلبة دي فيها ايه




و جاب الحاجة والست طبعا قعدت تدخل الاكل العلبة لحد ما الاكل خلص و
ندهت المتر و قالتله : الحمام فين عايزة اغسل ايدى




الراجل ورّاها الحمام و قال بس فرصة افتح العلبة واشوف فيها ايه




المهم مكدّبش خبر و اول ما الست راحت الحمام راح يفتح العلبة




بيفتــــــــــــح العلبة و بص فيها
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>
>>..
>>

>>
>>..
>>
>>..
>>
>>
>>
>>لقى حشكبوللــــــــــــــي صغيّر

ههههههههههههههههههههههههه هههههههههههههههههههههه

والله بتهررج ليا سسسساعه متحمسسسسسسسه عاوزه اعرف الحشكبولى يطلع ايه فى الاخر طلع حششكبوللى صغير كمان هههههههههه

ههههههههههههههههههههههههه ههههههههههههههههههههههههه
يا حشكبوللــــــــــــــي يا حشكبوللــــــــــــــي

ههههههههههههههههههه
توقعت انه لقي حشكبولي صغير قبل ما اقرأ
هههههههههههههههه

دنا اللى هحطك فى العلبة بدل الحشكبوللى

ماشى

اههههههههههههههه احنا فينا من كده

ماشي انتظروا رائعة البطه الصفرااء قريبا:d

دي الحالات اللي كنت فيها و انا بقرأ

عند قراءة العنوان
:) :) :) :) :) .. حلو الحشكبوللي ده .. اكيد حاجة كده زي الحنكليز .. و اللا تلاقي فيه شبه من الطمبلوظ
..
اثناء القراءة :confused: :confused: :confused: :confused: :confused: :confused:

ومازلت ... :confused: :confused: :confused: :confused: :confused: :confused:

عند الاقتراب من النهاية ..:rolleyes: :rolleyes: :rolleyes: :rolleyes: :rolleyes: :rolleyes: :rolleyes: الحشكبوللي ده شكله حيطلع حاجة ظريفة .. بكره ابقي اقول لاصحابي عليها

عند قراءة النهاية و لمدة ثانية واحدة فقط :eek: :eek: :eek: :eek: ... ثــــــــم ...

:mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad:

و بعد تدارك الامر.. و مراجعة نفسي .. لقيت ان الدنيا متستاهلش ..و بقيت كده ...
:rolleyes: :rolleyes:
;) ;) ;) ;)
:p :p :p :p :p :p
:D :D :D :D :D :D :D :D

ما تقلقوش قريب قوى هقولكم اية هو الحشكبوللي
ولو حد فيكم عرفة لية جايزة !!!!!!!

مش قلقانين
لكن بما ان الشيئ بالشيئ يذكر
أنا بقا هحكيلكم حكايه البوم بوم تشش

مرة واحد بيقول لصاحبه :شايف الحشكبوللي اللي واقف في البلكونه؟
صاحبه قال: يعني إيه بلكونه؟

معقولة لسة فيه حد فى مصر مش عارف الحشكبوللى

ياللمآساه الإنسانية

انا من الأول وانا عمال ادور على النكتة فى الموضوع لأنى مش شايف مشكلة فى ان العلبة يكون فيها حشكبوللى لأانى مكنتش متصور ان فيه حد لسة ميعرفش الحشكبوللى

معلومات سريعة عن الحشكبوللى

الحشكبوللى: واسمه العلمى هاشكابولليس مافعوصيس hashkabollis maf3osis ، ينتمى الى فصلية الكائنات المنمنمة عديدة التواجد احادية المنظور، ويعتبر احد الأحفاد المباشرين للغطريف الرمادى وهو صورة اوليه للحشكبوللى ظهرت فى العصر الساببورى التالى للعصر الطباشيرى ، يعتبر الحشكبوللى من اكلات اللحوم والنباتات والمواد البترولية والمعدنية والسليلوزية حيث يتميز بقدرة عالية على الإمتزاز السطحى للأيونات الحرة فى المعادل الحفزى مما يجعلة كائن متميز فى التعامل مع المصادر الغذائية، يعيش الحشكبولى فى الأساس فى الطبقات الجيوراسية الصخرية العميقة ما بين شريحة الستراتوسفير والأيونوسفير ، وهذا يميزة بخاصية التمثيل الغذائى الميتوزى، يتكاثر الحشكبوللى بواسطة اسلوب الفوتوكوبياس photocopyas ، ويوجد منه عدة انواع اشهرها الحشكبوللى النيوبرينى والحشكبوللى التيفلونى

وربنا يستر على عقولنا من اللى بتعملة فينا القعدة على المنتدى ده :)

اومال لو حشكبوللى كبير كان اكل ايه ده على كده

انا رايح العباسية منك انت واخ سبعاوي


لو سمحت عايز واحد حشكبولي ومعاه 3 كيلو
كباب من غير سلطة ساندوتش بس

:eek::eek::eek::eek::eek:

الست دي معرفة و عندها غير الحشكبوللي زنبوء و بشفوري.وبعد ما بتأكلهم بيعملو أوأو :(

سمعتها قبل كده بس كان اسمه بكبك مش حشكبولي الظاهر غير اسمه

ينهر اسود كفااااااااااااااااااااااا اااااايه قلش بقه حرااااااااااااااااااااام:e ek:
انا بقول نعمل قسم للألش بقي :D

اقتباس:

---

المشاركة الأصلية كتبت بواسطة sab3aawy

معقولة لسة فيه حد فى مصر مش عارف الحشكبوللى

ياللمآساه الإنسانية

انا من الأول وانا عمال ادور على النكتة فى الموضوع لأنى مش شايف مشكلة فى ان العلبة يكون فيها حشكبوللى لأانى مكنتش متصور ان فيه حد لسة ميعرفش الحشكبوللى

معلومات سريعة عن الحشكبوللى

الحشكبوللى: واسمه العلمى هاشكابولليس مافعوصيس hashkabollis maf3osis ، ينتمى الى فصلية الكائنات المنمنمة عديدة التواجد احادية المنظور، ويعتبر احد الأحفاد المباشرين للغطريف الرمادى وهو صورة اوليه للحشكبوللى ظهرت فى العصر الساببورى التالى للعصر الطباشيرى ، يعتبر الحشكبوللى من اكلات اللحوم والنباتات والمواد البترولية والمعدنية والسليلوزية حيث يتميز بقدرة عالية على الإمتزاز السطحى للأيونات الحرة فى المعادل الحفزى مما يجعلة كائن متميز فى التعامل مع المصادر الغذائية، يعيش الحشكبولى فى الأساس فى الطبقات الجيوراسية الصخرية العميقة ما بين شريحة الستراتوسفير والأيونوسفير ، وهذا يميزة بخاصية التمثيل الغذائى الميتوزى، يتكاثر الحشكبوللى بواسطة اسلوب الفوتوكوبياس photocopyas ، ويوجد منه عدة انواع اشهرها الحشكبوللى النيوبرينى والحشكبوللى التيفلونى

وربنا يستر على عقولنا من اللى بتعملة فينا القعدة على المنتدى ده :)

---

اهو سبعاوى باشا جاب من الاخر وطلع خبير فى الحبشكبوللى ووصفة بكل دقة
واكيد كلنا دلوقت عرفنا اية هو الحبشكبوللى وعرفنا هو ازاى اكل كل دة لوحدة وازاى بيعيش فى العلبة الصغيرة دى