الموضوع: مساعدة في اختيار سيارة

ماهو اصل بصراحه انا كدا اتعقدت
لان انا مش بيعجبني في الاسكودا ان شكلها كدا بتاعت راجل كبير اوي وانا بحب اخرج بالعربيه والعب وكدا وانا لسه 22 :(
وكمان انا سمعت ان سكودا مش الماني واحد كان بيقولي فيتنامي باين

والجيتا منخفضة اوي والمطبات والحفر عندنا طبعا الله ينور

ده غير ان الاتنين قطع غيار بالشيء الفلاني خصوصا الفولكس

ايه الحل !!

اروح للهوندا سيفيك مثلا؟ بس انا معرفش عنها حاجه ومش متأكد منها

المشاركة الأصلية كتبت بواسطة nourel2mar

اروح للهوندا سيفيك مثلا؟ بس انا معرفش عنها حاجه ومش متأكد منها

الهوندا سيفيك عربية ممتازة بس برضه واطية يمكن أكتر من الجيتا خلاص بلاش اوكتافيا مدام شكلها مش عجبك ،هي تشيكي و مكونات ألماني على فكرة ،قطع غيار الهوندا غالية برضه , عايز ثبات و قطع غيار معقولة بالنسبة للياباني شوف السوبارو.

المشاركة الأصلية كتبت بواسطة gabrial

الهوندا سيفيك عربية ممتازة بس برضه واطية يمكن أكتر من الجيتا خلاص بلاش اوكتافيا مدام شكلها مش عجبك ،هي تشيكي و مكونات ألماني على فكرة ،قطع غيار الهوندا غالية برضه , عايز ثبات و قطع غيار معقولة بالنسبة للياباني شوف السوبارو.

سوبارو ايمبريز؟
ياترى ثباتها زي الألماني؟

طيب ايه رأيكم في الاسترا عيوبها زي الفكترا ولا اكتر ولا اقل؟

المشاركة الأصلية كتبت بواسطة nourel2mar

سوبارو ايمبريز؟
ياترى ثباتها زي الألماني؟

اه طبعاً عربية ثباتها وهمي و دفع رباعي و أسعار قطع الغيار بتاعتها أرخص من المازدا و الهوندا مثلاً و توكيلها أبو غالي كويس .

دفعي رباعي يبقا ممتاز طيب بالنسبة للأمان بقا ايه النظام وهل فيها abs , esp ومثبت السرعه والحاجات دي والصاج قوي ويتحمل الكحرته في مصر ولا ايه :d

المشاركة الأصلية كتبت بواسطة nourel2mar

دفعي رباعي يبقا ممتاز طيب بالنسبة للأمان بقا ايه النظام وهل فيها abs , esp ومثبت السرعه والحاجات دي والصاج قوي ويتحمل الكحرته في مصر ولا ايه :d

فيها abs و airbag في كل الفئات و مثبت سرعة في أعلى فئة ،مفيش esp ،على فكرة الجيتا و الاكتفيا برضه مفيش فيهم esp ،بس العربية مستوى الامان فيها عالي متقلقش .الصاج بتاعها أضعف منهم .