كورولا - مازدا 3 - كروز

**LeperMessiah** · 14-08-2010 09:09 PM

مقارنه سريعه كده و عايز اراء الناس اللى جربت العربيات ديه بنفسها مش ابن عم واحد صاحبه كان له خال بنت جوز اخنه عنده العربيه و بيقول وحشه

العربيات موديل 2011 كالتالى

1- تويوتا كورولا اعلى فئه وكيل
2- مازدا 3 اعلى فئه وكيل
3- شيفروليه كروز اعلى فئه وكيل

طبعا انتوا فهمتوا انا ليه بتكلم عن الفئات ديه للأنها كلها سيدان و عائليه و مريحه و فى نفس السعر

عايز ارائكم لو سمحتوا

و كل سنه و انتوا طيبين

**raedegypt** · 14-08-2010 10:14 PM

ماذدا 3 بصراحه فى السعوديه تحفه فى شكلها برة وجوة واشيك من الكرولا

**amrseba** · 14-08-2010 10:53 PM

الكورولا و المازدا 3 افضلهم و على رأى المثل "شيفورليه كروز ميدفعش فيها فلوس " و ابعد عن ايد امينه خامات الكورولا و المازدا افضل 100 مره من الكروز معلش يا باشا العربيه الكروز متستحقش المنافسه بينهم و خامات التابلوه سيئه

**LeperMessiah** · 14-08-2010 11:47 PM

شكرا لردكم بس ماننساش ان المازدا سعر البيع بتاعها وحش قوى و الكروز احسن فى اعاده البيع

اعتقد الكورولا مش بتخسر كتير و لا ايه؟

**Gabrial** · 14-08-2010 11:58 PM

المشاركة الأصلية كتبت بواسطة LeperMessiah

شكرا لردكم بس ماننساش ان المازدا سعر البيع بتاعها وحش قوى و الكروز احسن فى اعاده البيع

اعتقد الكورولا مش بتخسر كتير و لا ايه؟

الكورلا بعد ما نزلت بفيتس اوتو عادي مكان mmt أعتقد مش هيكون في مشاكل في سعر اعاده البيع إلا لو جد جديد و ظهرت مشاكل تاني في تويوتا ،أنا شايف إن الحكم على سعر إعادة بيع المازدا و الكروز صعب التكهن به دلوقتي الكروز تعتبر لسة جديدة في السوق إلى حد ما بس لو وضعنا في الاعتبار إن سعر إعادة البيع عامة للكوري كويس ومثلاً اوبترا ماسكة سعرها فده مؤشر كويس .، مازدا 3 بعد ما غبور مسكها ممكن تعمل سوق كويس و غبور أستاذ في التسويق.
وجهة نظري مازدا ٣ .

**blazer** · 15-08-2010 12:33 AM

كورولا اوتو عادى افضل اختيار
ماتور اقوى
اوسع من المازدا

**yarisawi** · 15-08-2010 03:56 AM

الكورولا اكيد واسعة ناعمة قوية يابانى وسهلة البيع وبتجيب سعر وبرضو الماذا 3 جميلة لكن الكروز سعرها مبالغ فيه جدا

**LeperMessiah** · 15-08-2010 04:42 AM

يعنى كده ممكن احصر الاختيار بين المازدا 3 و الكورولا؟

بالنسبه للاوبشن اعتقد الكورولا اعلى و لا هى هى؟ و الوسع الداخلى انهى اوسع؟

الاخ Blazer انت بتقول ان الكورولا اوسع فهل عندك ارقام؟ لو عندك ياريت ماتبخلش على بيها

**amrseba** · 15-08-2010 04:56 AM

بص لو حضرتك عايز تشترى عربيه عشان اعاده بيع الفيرنا اسرع اعاده بيع و هتبقى مناسبه

يا باشا انت بتشترى عربيه ياعنى عايز حاجه نضيفه ومتخدش على كلام التجار الجهله وطبعا لا يوجدمقارنه بين الكروز و الكورولا و المازدا عشان انا ركبت الكروز و ركبت الكورولا و سعرها المفروض اقل من كده بس منصور كان عايز يطلعها من المنافسه بين السيراتو و الانترا