الموضوع: موت وخراب ديار: «أيمن» عايز يبنى بيت.. دفع «المعلوم».. والبيت برضه مااتبناش ولسة بيحل

«باحلم بعش».. هكذا لخص حلمه، وهكذا أيضاً لخص معاناته، فحلمه تأسيس عش الزوجية، دفعه إلى تقليد فريد شوقى، حيث عمل مدرسا ثانويا نهاراً، وفى المساء انزوى داخل أحد الفنادق ليعمل محاسباً به، وبين المهنتين يختطف لحظات قليلة لا ليخفو فيها، بل ليحلم بذلك اليوم الذى يحقق فيه حلمه.
أيمن ناجى الذى لم يدخل عامه الثلاثين بعد، كرس حياته لسداد كل المصروفات التى طلبتها منه الحكومة مقابل تحقيق حلمه، ورغم أنه يسدد فإن الحلم لا يتحقق، ويرويه قائلاً: «فى ديسمبر الماضى قررت أن أبنى عمارة صغيرة فى قطعة أرض مملوكة لعائلتى بالقرب من محطة مترو شبرا الخيمة، وبدأ النزيف بـ١٣ ألف جنيه مقابل إصدار رخصة بناء، و١٠٠٠ جنيه رشوة لأحد الموظفين حتى لا يبلغ عنى فى واقعة هدم عشة فراخ، لأفاجأ بهم يطالبوننى بدفع ١٠ آلاف جنيه كتبرع إجبارى لتنظيف وتجميل الحى، فقررت أن أواجه هذه الجباية وأؤجل موضوع البناء حتى تقاعد رئيس الحى الذى أفتى واخترع فرض تبرع إجبارى».
ولأن الخير على قدوم الواردين استبشر «أيمن» خيراً برئيسة الحى الجديدة، التى خفضت مبلغ التبرع الإجبارى إلى ٤ آلاف جنيه، لكن نزيف المال لم يتوقف ـ حسب وصفه ـ إذ استمر من خلال: «٧٠٠ جنيه شهرياً أثناء البناء، و٢٦٠٠ جنيه مصاريف إدخال المياه، ده غير إنهم طلبوا ٤ موافقات من هيئة الصرف الصحى ومصلحة التليفونات ووزارة الكهرباء ومركز المعلومات، الذى طلب ١٥٠ جنيهاً، المشكلة أن كل هذه الجهات ذيلت موافقاتها بعبارة غريبة مفادها أن الحفر تحت مسؤوليتى، وبما أنه تحت مسؤوليتى فلماذا اشترطوا موافقة هذه الأماكن؟».
مرحلة الصرف الصحى كانت هى الأصعب فى رحلة أيمن، حيث طلبوا منه ٢٠٠٠ جنيه لمد خطوط الصرف للعمارة، وإذا وجدت ماسورة قريبة سيقل المبلغ إلى ٢٠٠ جنيه فقط، وبالفعل اكتشف مهندس المعاينة أن ماسورة الصرف موجودة، وأخذ ٧٠ جنيهاً رشوة، لكنه فوجئ باتصال من الهيئة تطلب منه دفع الـ٢٠٠٠ جنيه، وكأن الهدف من المعاينة أن يتقاضى المهندس هذه الرشوة.
إلى هنا، انتهت تحويشة العمر ولم تنته العمارة.. وحسب وصفه، «كل مهندس يعدى يبص على التراخيص وياخد منى فلوس»، وقال: «كنا بندفع رشاوى عشان نسهل مهمتنا أو نعمل حاجة غلط، دلوقتى الرشاوى بتتدفع رغم أن طلباتنا قانونية بس بندفع عشان الموظف ما يوقفش المراكب السايرة».


وفى الاخر الناس مستغربة لما واحد يقول انا عايز اسافر حتى لو هشتغل فى غسيل الصحون

معاك حق موضوع الرشاوى دا أنتشر بطريقة بشعة لدرجة أن أكثر من قريب و زميل قفل مشروعه بسب خسارتة
من ابتزاز أصحاب النفوس الضعيفة من مأمور ضرايب لمسئول التراخيص فى الحى لمفتش مش عارفة أيه
ربنا يرحمنا و يطهر بلدنا من الفساد عشان الموضع ذاد عن حده

المشاركة الأصلية كتبت بواسطة Tifana2010

معاك حق موضوع الرشاوى دا أنتشر بطريقة بشعة لدرجة أن أكثر من قريب و زميل قفل مشروعه بسب خسارتة
من ابتزاز أصحاب النفوس الضعيفة من مأمور ضرايب لمسئول التراخيص فى الحى لمفتش مش عارفة أيه
ربنا يرحمنا و يطهر بلدنا من الفساد عشان الموضع ذاد عن حده

دلوقتى هتلاقى اعضاء تدخل تشتم فى الشاب دة ويقولوا دة يستاهل ضرب النار
تقوليلة لية هيقولك اصل هو الى عايز يدفع رشوة اصل لو هو مش عايز يدفع مش هيدفع ومحدش هيعملوا حاجة!!!!!!!!!!!!!

اسف فى اللفظ
قذاره + نتانه + قله ادب +سرقه +نصب + غياب رقابه
هيكون الناتج أيه التزام وتقدم وازدهار ... مستحيل

لما كنت فى الكلية وعملت بدل تالف للبطاقة بتاعتى فضلت الموظفة تماطل فيا حوالى شهر عشان تخلصها
و استنى شوية ..... طيب ابصر فى المكتب الفلانى وأنا كنت لسة غشيمة مش فاهمة هى بتعمل كدا ليه بس جت على بالى حكاية انها عايز أى سبوبة و السجل المدنى مع القسم فى مبنى واحد قلت اية البجاحة دى رشوة فى القسم أومال نبلغ مين
المهم طنشتها لانى ساعتها كنت مستحيل أدفع رشوة وبراءة الأطفال فى عينيا و الحمد لله خلصتها بعد شهر أو أقل شوية تقريبا
و بصراحة أغلب المصالح اللى مش خطيرة أو حرجة بطنش بردوا و اسيبها تخلص من غير رشوة

مجال شغلى ماليان من الحاجات دى
وبحاول على قد ماقدر انى معملش كده
مره اعمل مش واخد بالى
ومره اعمل مامعيش
ويوووووووووووووه ربنا يسترها بقى ويرحمنا من عذابه