بعد الـ ABS و EBD وAuto parking - إختراع مصرى ATD !!
الفكرة دى إفتكاسة منى و مش ناقلها من أى حته :)
ما هو نظام الـ ATD
"Auto Traffic Drive"
نظراً للسيولة المرورية فى القاهرة فكرت فى الفكرة دى وخصوصاُ بعد ما لكزيس عملت عربية بتركن لوحدها و إنتشار حساسات الركن فى معظم العربيات الجديدة.
مكونات النظام:
1) حساس ركن بس يركب أمام السيارة
2) نظام قيادة تلقائى "معرفش إزاى ممكن يكون خليط من مثبت سرعة على جزء من Auto parking system
فكرة عمل النظام:
1- وانت واقف على كوبرى 6 أكتوبر تشغل الـ ATD من الزرار اللى فى عجلة القيادة.
2- إرفع رجلك من على البنزين و الفرامل.
3- تقوم الحساسات بقياس المسافة بين عربيتك و العربية التى امامك و كمان اللى جنبك
أول ما العربية اللى قدامك تتحرك الكمبيوتر هيقيس المسافة و يحرك العربية من غير ما تعمل أى حاجة، مع الحفاظ على مسافة بينك وبين العربية اللى قدامك.
4- بمجرد الضغط على الفرامل أو البنزين يتم إيقاف النظام تلقائياً ولإعادة تشغيلة إبدأ من الخطوة رقم 1
يعنى أول ما الطريق يفتح دوس بنزين و توكل على الله!! بس فى الزحمة ممكن تدخل على النت، تتفرج على التليفزيون ، تكمل شغلك ، او تتفرج على المناظر اللى حواليك! :)
إيه رأيكم فى الإختراع؟! وينفع أسجله بإسمى؟ :)