الحمد لله قدر الله وما شاء فعل--- اضحك على فى الانسر

اقتباس:

---

المشاركة الأصلية كتبت بواسطة egyptawy2010

ياجماعة انا لسة جايب عربية لانسر اوتوماتيك موديل 2007

النهاردة اكتشفت انك وانت ماشى على d

الموشر بتاع ال n بيبقى شغال بيئد ويطفى وال d برضه بيبقى منور
لما اجيبها على اى غيار تانى بيبقى منور عادى بس ال n
بيفضل ينور ويطفى برضه

ودتها لميكانيكى كشف كمبيوتر على الحساسات لاقها شغالة كويس
جرب تجربة لما بيفصل العربية ويشغل الغيارات بتشتغل عادى
يعنى لما يجى على ال d
بينور عادى وال n
مش بينور

طلعنا بيها لقيتوا بيقولى الفتيس مش بيغير مع انه ماشى على 100

ياترى المشكلة مشكلة كهربا ولا االفتيس فيه مشكلة زى ما قالى

شكرا

---

هى عربية حضرتك 1300 و لا 1600 ؟؟

اصل ال 1600 الفتيس بتاعها بيكون CVT و ده مابيبقاش فيه غيارات بالمعنى التقليدى و ده مكن يكون سبب لخبطة الميكانيكى بتاعك اللى قال انها ما بتنقلش مع انها ماشية على 100 ، يا عزيزى الفتيس ال CVT بتفضل لفات الموتور فيه شبه ثابتة و لكن سرعة العربية بتزيد ، مش زى العادى اللى لفات الموتور بتتغير مع كل نقلة ... خد بالك من النقطة دى لو سمحت .. لأن كده ممكن يكون الميكانيكى بتاعك مش فاهم العربية كويس ... فاحترس من فضلك .. لكن 1300 بيكون اوتوماتيك عادى بغيارات..

وده مثال للفرق بين الأوتوماتيك العادى و الأوتوماتيك ال CVT

[flash=http://static.howstuffworks.com/flash/cvt-compare-animation.swf]WIDTH=550 HEIGHT=400[/flash]

موضوع لمبة ال N اللى بتنور و تطفى ممكن تلاقيه فى الموضوع ده مع تكلفة الفحص فى التوكيل

http://www.nilemotors.net/Nile/59414-n-d.html

بس مش لازم تسكت عليه لأنه كده معناه ان فيه حاجة غلط فى الفتيس ، يا اما الحساسات عايزة ضبط.

و تحياتى