بحمد الله حققت حلمي واشتريت لانسر 98 ارجو المساعدة

**a_almasry** · 10-08-2010 09:27 AM

السلام عليكم ورحمة الله وبركاته
بحمد الله اشتريت امبارح لانسر 98 وده كان حلم حياتي لاني طول عمري بحب العربية ديه وكان نفسي اركبها بس انا عايز اعمل فحص للعربية علشان اراجعها واشوف محتاجة ايه ارجو من اصحاب الخبرة افادتي اروح فين واجيب قطع غيار منين ؟ بس المشكلة ان انا من اسكندرية وكل ما ادخل موضوع الاقي الاخوة بتتكلم علي القاهرة.
حد يفيدني ارجوكم خصوصا ان العربية محتاجة اسطوانة وديسك وشكرا

**m000dy** · 10-08-2010 03:39 PM

خلصتها على كام عشان انا دايخ على واحده نضيفه مش لاقى
والنضيف بيتكلم فوق ال 50 الف

**M!SHO** · 10-08-2010 10:33 PM

ألف مبروك
وربنا يديك خيرها ويكفيك شرها

**memoo8888** · 11-08-2010 08:59 AM

المشاركة الأصلية كتبت بواسطة m000dy

خلصتها على كام عشان انا دايخ على واحده نضيفه مش لاقى
والنضيف بيتكلم فوق ال 50 الف

دا الكرستاله اللى فوق ال50 لو فبريكه اتوماتيك انماالارنبه اقل من 45 الف

**a_almasry** · 11-08-2010 11:45 AM

الله يبارك فيكم يا جماعة
بصراحة انا اغرب واحد في الدنيا اشتري عربية باختصار خلصت فيها من غير ما اكشف عليها بس الحمد لله بعد مارجعت بيها اسكندرية كشفت عليها وطلعت تمام انا خلصتها ب47750 هي 98 كاملة مانيوال 4 زجاج كهرباء+4وحدة رفع+جنوط 13 سبور+سبويلر+فرش السيارة الاصلي+عداد 92الف فابريكة دواخل ورشة برة وفيها حاجات بسيطة في الصاج من برة خربوش حكة حاجات بسيطة والمرايات كهرباء بس مش شغالة والكاسيت مش شغال

**a_almasry** · 11-08-2010 11:55 AM

الاخ مودي انا بقالي شهر بدور علي كريستالة فعلا كل ما تكلم واحد يقولك 50 و 52 انا حقولك كام نصيحة علي قدي
اول حاجة سيبك من العربية الفبريكة خوارج لسبب العربية بقالها 12 سنة يعني لو مش رشة تبقة محتاجة ترش علي الاقل نضافة يعني حتلاقي نفسك دفعت3او4 الاف جنيه زيادة فوق تمنها علشان فابريكةخوارج وفي الاخر انت حترشها برضه. يبقي احسن لك تشتري عربية فابريكة دواخر ورشة نضافة من برة بس بشرط تاخد معاك واحد سمكري شاطر لان ده الوحيد اللي حيجيبلك من الاخر في الصاج الحاجة التانية دور علي عربية عاملة كيلوات اقل اخر حاجة سيبك من اللي بيقول 50 و 52 كله كلام ساعة الجد الكلام بيتفير انا العربية ديه كان طالب 52 وخلصت 47750 وماتستعجلش

**ahgendy** · 12-08-2010 04:07 PM

المشاركة الأصلية كتبت بواسطة a_almasry

الله يبارك فيكم يا جماعة
بصراحة انا اغرب واحد في الدنيا اشتري عربية باختصار خلصت فيها من غير ما اكشف عليها بس الحمد لله بعد مارجعت بيها اسكندرية كشفت عليها وطلعت تمام انا خلصتها ب47750 هي 98 كاملة مانيوال 4 زجاج كهرباء+4وحدة رفع+جنوط 13 سبور+سبويلر+فرش السيارة الاصلي+عداد 92الف فابريكة دواخل ورشة برة وفيها حاجات بسيطة في الصاج من برة خربوش حكة حاجات بسيطة والمرايات كهرباء بس مش شغالة والكاسيت مش شغال

نفسي في واحدة زي دي

لو هتبيع قوللي :)

ربنا يملهالك بركة

هي ليه الكريستالة الأتوماتيك شدة حيلها كده؟