الموضوع: سماعات jbl gto937 للبيع

اخر حاجة احب اضيفها انا دورت على السماعة غلى اماوزن الموقع الى انا شارى منة بس هيا out of stock دلوقتى روحت اشوفها فى ebay لقيت اخر 4 قطع قلت اجبلكوا الصفحة تشفوها بنفسكوا عشان محدش يقول انى بحور فى السعر وعشان استاذ ادهم الى بيقول نها ب520 فى مصر يعنى فى مصر ارخص من برة مش عارف بصراحة هوا كان بيجبها من الهند ولا اة عامتا اتفضلوا
دا اخر اربع قطع ودا السعر النهائى وفى شرح كل حاجة عن السماعة وشكلها وكلة
JBL Grand Touring Series GTO 937 3-way car speakers - eBay (item 170407926759 end time Aug-13-10 11:52:46 PDT)

دا رابط تانى بس دا مزاد لاعلى سعر عيزكوا بس تشوفوا بدء من كام
JBL Grand Touring GTO937 3-Way Car Speaker - eBay (item 140436263716 end time Aug-11-10 09:08:41 PDT)
كل دا طبعا من غير شحن ولا جمرك ولا ضريب وتخليص ولا اى حاجة
واى استفسار انا حاضر

تعديل بسيط يا ريت تشوفوا تاريخ الحاجة دى واحد من يومين وواحد من ست ساعات ومن تاريخ ما انا بكتب

المشاركة الأصلية كتبت بواسطة ahms10

اخر حاجة احب اضيفها انا دورت على السماعة غلى اماوزن الموقع الى انا شارى منة بس هيا out of stock دلوقتى روحت اشوفها فى ebay لقيت اخر 4 قطع قلت اجبلكوا الصفحة تشفوها بنفسكوا عشان محدش يقول انى بحور فى السعر وعشان استاذ ادهم الى بيقول نها ب520 فى مصر يعنى فى مصر ارخص من برة مش عارف بصراحة هوا كان بيجبها من الهند ولا اة عامتا اتفضلوا
دا اخر اربع قطع ودا السعر النهائى وفى شرح كل حاجة عن السماعة وشكلها وكلة
كل دا طبعا من غير شحن ولا جمرك ولا ضريب وتخليص ولا اى حاجة
واى استفسار انا حاضر

تعديل بسيط يا ريت تشوفوا تاريخ الحاجة دى واحد من يومين وواحد من ست ساعات ومن تاريخ ما انا بكتب

يا سيدي الفاضل

اولا رمضان كريم و كل سنة و انت طيب و ياريت اسلوب النقاش يبقى احسن من كدة احنا مش داخلين خناقة

ثانيا انا برضة ساكن في مدينة نصر تعالى قابلنى بعد التراويح و اوريلك البرايس ليست بتاعه اسعار التصدير لكل منتجات جي بي ال و اوريلك ان السماعه سعرها فيها 43 دولار وكنا بندي الوكيل خصم 10-15% عليها (خصم كمية) يعني تقف علية ب 37 - 39 دولار
علشان بس ماتبقاش تقول ان الاخ الادهم اللي بيقول انة بيشتغل (بالاصح كان بيشتغل) في جي بي ال و بيجيبها من الهند و كلام مالوش لازمة

ثالثا الموديل دة اتوقف من فترة و السماعه كان سعرها 520 جنية (زي سعر ال 936 الاتنين نفس السعرمن هارمن) و لما اتوقف الوكيل (العالمية - مجدي كلاريون) كان عنده اخر كام حتة رفع سعرهم علشان يطفش (ماهي كدة كدة خلاص مش حاتنزل تاني) لان زي ماقلت هوة اللي يهمه يبيع الكينوود و السيمفوني و بقية الماركات راكنها عالرف زي الباين و انفينيتي و كلاريون و ركفورد و يرفع اسعارهم و يبيع على حسهم كينوود و سيمفوني.

رابعا سعر السماعات اللي بتتباع بية عالنت مش هوة سعر التصدير اللي الوكيل بيشتري بية, دة بيع من الشركه للوكيل المحلي مالوش دعوة باسعار البيع النهائي اللي عالنت دة مش مقياس

زي ما سبق و قلت ان اتوقف انتاجها من السنة قبل اللي فاتت و معدش فية منها خلاص

ربما تلاقي منها حتة او اتنين مركونين عند محل ما بيبيعش

و ربما ماتقلايش بالسعر القديم لان زي ما قلت لحضرتك الوكيل رفع سعر اخر كام حتة عنده علشان يبيع الكماركات الرخيصة على حس ان اسعار المودلات دي بقت غالية جدا

انزل للسجان و اسأل عنده

و حاتلاقي عنده موديلات كتير كويسة

وانت طيب يا باشا حصل خير
طيب ازاى اتوقف انتاجها وازاى بتتباع فى امريكا جديدة هل الوكيل فى امريكا بيغلى بردوة ولا اة انا بصراحة مش فاهم الوضع نهائى وحاسس انة كلام متناقض اتوقف انتاجها ولا مبقتش تنزل وكيل ولا اة بالظبط وبعدين مين وكيلها دلوقتى ولا مفيش حاجة خلاص اسمها جى بى ال
سيبك من كل دا
رايك سعرها العادل دلوقتى كام مع كل الظروف الى حضرتك بتتكلم عليها دى
واخيرا كل سنة وحضرتك طيب

طيب لو انا حضرتك عايز اجيب gto 938 دلوقتى اجيبها منين بالاسعار الى حضرتك بتقول عليها دى

المشاركة الأصلية كتبت بواسطة ahms10

وانت طيب يا باشا حصل خير
طيب ازاى اتوقف انتاجها وازاى بتتباع فى امريكا جديدة

بواقي ستوك

و انت قلت ان كل الستوك اللي معروض 4 سماعات و بس


هل الوكيل فى امريكا بيغلى بردوة ولا اة

برة نسبة المارجن بتبقى عالية و عادي جدا ان يكسب فيها قد تكلفتها مرة او مرة و نص

انا بصراحة مش فاهم الوضع نهائى وحاسس انة كلام متناقض اتوقف انتاجها ولا مبقتش تنزل وكيل ولا اة بالظبط وبعدين مين وكيلها دلوقتى

الوكيل هو مجدي كلاريون (محل عرابي و محل سانت فاتيما) وهو معاه كل ماركات الكار اوديو ماعدا بيونير و سوني
/معاه كلاريون و الباين و كينوود و سيمفوني و جيمني و روكفورد و جي بي ال و انفينتي و ماركتين كمان مش فاكرهم دلوقتي)
مافيش كلام متناقض و لا حاجه


ولا مفيش حاجة خلاص اسمها جى بى ال
سيبك من كل دا
رايك سعرها العادل دلوقتى كام مع كل الظروف الى حضرتك بتتكلم عليها دى




اذا كنت مرتاح معاها خليها، وتبيعها لية يا باشا طالما صوت نضيف و مبسوط منها ودافع فيها كتير يبقى استعملها بتمنها
بصراحه انا مادفعش 900 جنية في جوز سماعات ولو كانوا امريكاني حتى

السماعه فعلا لما انا كنت في جي بي ال كانت نازلة ب 520 جنية و بعد كدة في الاخر رفع سعرها كتير لل 850 او 900 ربما, بس مكانتش موجود منها الا كام حتة
و دي حركات وكلاء انة يحرق حاجة معادتش موجودة و يعلي سعرها علشان الناس تنساها بقى و تشتري اللي موجود

يعني بالبلدي كدة الناس حاتستناها و تسيب الماركات الرخيصة زي كينوود او سيمفوني لما تلاقي جي بي ال قريبة من سعرهم
هوة لما يكون عنده ماشي اهو بيبيع الاتنين
انما لما الموديل يخلص يبقى لازم يحرقة علشان الناس تنساة و تشتري الموجود بداله

لو عاوز تتفرج على سماعات نضيفة انزل السجان اللي في دمشق, و بعدة فانتازيا اللي في جسر السويس
انضف موديلات جي بي ال و انفينيتي موجودة عند السجان
حاجات قديمة من سنين انزل عنده و اتفرج
و قول لعم محمود اللي واقف في المحل انك صديق ادهم اللي في جي بي ال واني قلتلك تنزل لة وهوة حايعمللك خصم صغير عالسعر كمان





واخيرا كل سنة وحضرتك طيب
و حضرتك بالصحه و السلامة

المشاركة الأصلية كتبت بواسطة ahms10

طيب لو انا حضرتك عايز اجيب gto 938 دلوقتى اجيبها منين بالاسعار الى حضرتك بتقول عليها دى

انا بقالي فترة سايب جي بي ال و ماحضرتش ال 938 دي بس اسأل عليها محلات مجدي عادل اللي في سانت فاتيما و احمد عرابي او السجان او تناتيش

لو محدش فيهم جابها يبقى شوف العجيل اللي في جامعه الدول, الحاج حمدي او حسام العجيل علشان هما بيجيبوا من برة على كرو مصر للطيران