عرض للطباعة
اولا السلام عليكم ورحمة الله وبركاته
وكل عام و انتم بخير جميعا و بعوده الايام باذن الله
ادخل في الموضوع علي طول
انا بفكر حاليا اني اشتري نوبيرا 2 او لانوس 2 و معايا في حدود 50 الف
عايز اعرف مزايا و عيوب النوبيرا و مزايا و عيوب اللانوس
انا معايا لادا 2004 من الزيرو و عايز اغير فقلت اتوكل علي الله و اجيب حاجه من الاتنين دول
منتظر ردكم
اخوكم مصطفي ممدوح مدني
وكل عام و انتم بخير
تم تغيير لون المداخلة
اللون الاحمر مخصص للادارة فقط
يرجى مراجعة قوانين المنتدى
مشرف عام الكورى و الماليزى
متقارنش بينهم عشان دول يعتبروا فئتين مختلفين
لو عايز عربيه كبيره و عندك عيله كبيره و كده يبقى النوبيرا , الاانوس خفيفه و ظريفه كده لو مش محتاج مكان كبير يعنى
و العربيتين من اكتر العربيات اللى مش بتشتكى , انا معايا لانوس و الحمد لله مريحانى جدا
عيبها الوحيد انى بقلق منها بعد ال 150 :d غير كده عجبانى اوى :)
لا انا معايا عيله
وبفكر فعلا في النوبيرا
منتظر رد الاخوه ايضا و التوضيح ماذا سيكون احسن لي
ورمضان كريم
والله يا استاذ مصطفى اللانوس والنوبيرا الاتنين احسن من بعضهم , لكن كل واحده ليها ظروفها من حيث طبيعه الاستخدام وطلباتك من العربيه ايه
لكن بشكل عام اكيد النوبيرا افضل لان عزم موتورها حلو ماشاء الله , وكمان عربيه واسعه وكبيره وثابته على الطريق لغايه 180 كم او اكتر , واظن استهلاكها في البنزين حلو , وبشكل عام مشاكلها مش كتير
لكن اهم حاجه ان ربنا يوفقك في عربيه تكون استخدام راقي ويكون صاحبها كان بيتعامل معاها بنوع من الوعي والرقي ,, لان العربيات دي حساسه ولما صاحبها بيعاملها وحش هي كمان بتعامله وحش بجد
اتمنالك التوفيق والف مبروك مقدماً :-)
لو انت طويل و/او عيلتك طفلين او اكتر النوبيرا حتريحك اكتر لانها اوسع و اكبر
غير كدة المميزات و العيوب فى العربيتين مشتركة فيما عدا ضعف الفرامل (لانوس) و جلب المقصات (نوبيرا) و المشكلتين ليهم حل
النوبيرا طبعا تتميز بشنطة اوسع و مكنة اقوى و تكييف اكثر كفائة بس اللانوس اسهل فى اعادة البيع و بتمسك سعرها فى البيع عن النوبيرا و قطع غيارها ارخص فيما يخص العفشة و الفرامل... من الاخر الفروق قريبة بين الاتنين بس الفرق الابرز هو الحجم و دة راجع لان النوبيرا فئة و اللانوس فئة زى ما وضح الزملاء
MMamdouh
اولا كل سنه و انت طيباقتباس:
المشاركة الأصلية كتبت بواسطة محمد الشامي
ثانيا انا قدامي نوبيرا2006 عامله 40 الف و صياناتها بالتوكيل كلها و ال 40 الف دول كلهم مشواير سفر بالعربيه و جوه البلد مش كتير لان صاحب العربيه عنده واحده تانيه عاملها للبلد بس و طالب فيها 54 الف جنيه
هل ده كتير ؟؟
و قدامي نوبيرا اتوماتيك 2004 صاحبها طالب فيها 46 الف جنيه
وقدامي لانوس 2006 ب 50 الف
معلش حتعبك معايا
هو انا فعلا طويل و بفكر في النوبيرا علشان كبيره لكن برده بفكر لما اجي ابيع في يوم من الايام سوقها مش زي اللانوس في البيعاقتباس:
المشاركة الأصلية كتبت بواسطة mmamdouh
ماتقلقش من بيع النوبيرااقتباس:
المشاركة الأصلية كتبت بواسطة mostafamedany
هاتتباع بسهوله ماتخافش
كل سنه وحضرتك طيب يا استاذ مصطفى :-)اقتباس:
المشاركة الأصلية كتبت بواسطة mostafamedany
انا من رأيي حضرتك تفكر في الـ 2006 لان كمان 40 الف كم مش كتير , وكمان انا شايف ان سعرها مناسب لكن ممكن تحاول تنزل منها 1000 جنيه كمان , بس اهم حاجه حاله العربيه تكون محترمه , وانا حاسس من كلام حضرتك ان العربيه كويسه , بس بردو من دواعي الامان حضرتك اكشف على العربيه في بنزينه كويسه , ولتكن بنزينه شيل في اول الهرم , وهي اول بنزينه هتقابلك على يمينك وانت جاي من ناحيه النفق , وهتلاقي اتنين شيل ادام بعض , هي اللي على اليمين , ومواعيد العمل من 9 الصبح لـ 9 بالليل , وسعر الكشف 100 جنيه , وبمنتهى الامانه مش هيخلو مللى في العربيه غير لما يكشفوا عليه , صاج , عفشه , موتور , كل حاجه , وهتاخد منهم تقرير مطبوع عن حاله العربيه والاعطال الموجوده او المشاكل اللي فيها ان وجدت , واحيانا بيقولك تكلفه اصلاح المشاكل دي هتكون اد ايه تقريبا , يعني هتدفع 100 جنيه وتريح بالك بجد لان الناس دي كلامهم ثقه
انا بقول لحضرتك فكر في النوبيرا دي لانك لو حطيتها في مقارنه مع اللانوس المذكوره (مع انها مقارنه غير عادله) هتلاقي الفرق مش كبير في السعر , لكن الفرق كبير في الراحه والاداء لصالح النوبيرا , والفرق المادي لا يذكر , 4 الاف جنيه مقابل شياكه واناقه وعزم وقوه و و وو
توكل على الله واكشف على النوبيرا 2006 وان شاء الله ربنا يكرمك , وده مجرد رأيي واتمنى انك تستفيد اكتر كمان من رأي ملاك النوبيرا
على فكره انا واحد من الناس اللي نفسهم يلاقوا نوبيرا بحاله متميزه :-) ومتخافش من سوق النوبيرا لانه كويس ومش وحش , هو بس اللانوس (دايو وشيفروليه) عشان بقت اكتر من النوبيرا فـ دايما الواحد شايف ان النوبيرا مش منتشره , يعني النوبيرا تاهت وسط عدد اللانوس الموجود :-) , لكن زي ما بيقولو النوبيرا بيكون ليها دايما زبونها اللي بيقدرها
وطالما العربيه حالتها نضيفه فاتوقع ان حضرتك مش هتفكر تبيعها قبل 5 سنين كمان و وقتها يحلها ربنا في موضوع البيع :-)
بالتوفيق ان شاء الله يا استاذي
اقتباس:
المشاركة الأصلية كتبت بواسطة محمد الشامي
وحضرتك طيب يا استاذ محمد
انا فعلا بفكر في النوبيرا تفكير جدي و بالنسبه للعربيه الي انا بتكلم عليها مافيهاش خربوش واحد صاحبها بيطلع المشوار و بيرجع يغطيها في الجراج
بس في حاجه في كلامك انا مش حعرف اعملها انا ساكن في اسكندريه و صعب قوي اخد العربيه من صاحبها علشان اروح اكشف عليها في اسكندريه متعرفش مكان في اسكندريه اروح اكشف عليها كزياده في الاطمئنان مش اكتر
انا باذن الله بعرض عربيتي الي معايا للبيع و قربت ابيعها خلاص و حشوف النوبيرا دي و باذن الله ابقي من ملاك النوبيرا عن قريب
شكرا لك ياباشا و كل سنه و انت طيب ورمضان كريم
طيب مش تقول ان حضرتك من اسكندريه :-) اجدع ناس والله
بس للاسف انا معرفش مكان معين في اليكس بيكشف بنفس الطريقه اللي بقولك عليها , وطبعا مش منطقى انك تيجي لغايه القاهره عشان تكشف على العربيه :-)
عالعموم بإذن الله حد من الاخوه الاعضاء سكان الإسكندريه يكون يعرف مكان كويس ويقولك عليه , ولو فرضنا ان مفيش مكان قريب منك تكشف على العربيه فيه , فأهم حاجه انك تكون مرتاح للعربيه و واثق في كلام صاحبها , وخلي حتى اي ميكانيكي امين يبصلك عليها وان شاء الله خير
الف مبروك مقدماً ومرحبا بيك فرد جديد في اسره الدايو بإذن الله :-)
و اهل القاهره احسن ناس يا محمداقتباس:
المشاركة الأصلية كتبت بواسطة محمد الشامي
طب سؤال صغير بقي
هل ينفع اروح التوكيل و اكشف علي العربيه
اشوف الموتور و العفشه و كده طب ولو روحت التكلفه كام
معلش تاعبك معايا
ياريس انا تحت امركاقتباس:
المشاركة الأصلية كتبت بواسطة mostafamedany
بس حكايه التوكيل دي غالبا هتكون مكلفه جدا , وبعدين في التوكيل بيتعامل مع العربيه على انها استاندرد , وبالتالى هيطلعلك فيها عيوب الدنيا
ده غير انه مش هيفحصها على انها بيع وشراء , هيفحصها على انها عربيه داخله يتعملها صيانه , يعني كأنه بيعملها مقايسه
من رأيي خليك في بنزينه بتكشف على العربيات بهدف البيع والشراء , او ميكانيكي شاطر وفاهم دايو كويس , وان شاء الله ربنا يكرمك
ايه رأي حضرتك تعمل موضوع في المنتدى الإجتماعي بخصوص عنوان بنزينه في الإسكندريه بتكشف على السيارات بهدف البيع والشراء , وبإذن الله هتلاقي حد يفيدك في بنزينه كويسه ومجربه
انا بقترح ده لان زوار المنتدى الاجتماعي عددهم كبير جدا , واكبر من الدايو حاليا
ربنا يوفقك ان شاء الله وانا تحت امرك في أي وقت وأي سؤال , بس ربنا يقدرني واقدر افيدك بالشكل اللائق :-)
استاذ مصطفى بعد اذنك انا عملتلك موضوع في الاجتماعي بسأل فيه عن عنوان المحطات اللي بتعمل الكشف على العربيات بهدف البيع والشراء :-)
ده لينك الموضوع
http://www.nilemotors.net/Nile/172055-a.html
واتمنى انك تستفيد من ردود الأعضاء بإذن الله :-)
ربنا يبارك لك يا محمد و اسف علي التأخير في الرد لسه راجع من الشغل
نظام ورادي بقي و حاجه طين يعني
المهم انا حتابع الموضوع الي حضرتك عملته و هنا في اسكندريه في ميكانيكي محترم جدا في الحرفيين ممكن يكشف علي العربيه بس حيطلع عيني اساسا علشان يبص عليها من كتر العربيات الي عنده ربنا يزيده و يبارك له في رزقه
و منتظر راي الاعضاء في الاجتماعي
يا باشا ربنا يعينك على الشغل ويعيننا كلنا
لو الميكانيكي اللي حضرتك بتقول عليه موثوق فيه يبقا توكل على الله وخليه يكشف علي النوبيرا
ربنا يوفقك ان شاء الله :-)
واحد صاحبى جاب من 3 شهور نوبيرا 2007 عاملة 45 الف على 57 الف جنية و حالة نضيفة جدا جدا... انا شايف ان السعر دة مناسب جدا و توكل على اللهاقتباس:
المشاركة الأصلية كتبت بواسطة mostafamedany
فى شراء المستعمل الللى بيشترى هو الكسبان طالما حالة العربية نضيفة
MMamdouh
الحمد لله الواحد يخلص من المدرسه يروح كليه يخلص من الكليه يروح الشغل و كله صحيان بدري من الصبح و للصبح :_Alshmokh08[1]::_Alshmokh08[1]:يلا الحمد للهاقتباس:
المشاركة الأصلية كتبت بواسطة محمد الشامي
بص يا محمد الميكانيكي ده اسمه حسين البمبي في الحرفيين و ماشاء الله محترم جدا جدا هو شغال في العربيات دايو و كيا و هيونداي و شيفروليه و اخوه فاتح جنبه للبي ام و الشيروكي بس
باذن الله حخلص عربيتي الي معايا الاول و اخد العربيه التانيه دي و اروح اكشف عليها عنده
يعني السعر الي معايا حلو علي نضافه العربيهاقتباس:
المشاركة الأصلية كتبت بواسطة mmamdouh
باذن الله حخلص عربيتي و اتوكل علي الله و اجيب العربيه دي