وأنت والاهل طيبين وفى احسن حال
عرض للطباعة
طيب ياستاذ ذكر الله انا بقالى فترة مسافرتش بس حاسة ان بصراحة الاستهلاك الداخلى عندى عالى بزيادة....... انا فولت 92 وصفرت العدادات كلها بعدها على طول وبعد 100 كيلو بالظبط لاقيت العداد مسجل استهلاك 12 ليتر بنزين ... انا شايفة ان ده استهلاك عالى بصراحة مع ملاحظة انى تقريبا كنت بشغل التكييف دايما خلال الفترة دى بس على 1 او 2 مش اكتر وطريقى بحر بس .. بمشى حوالى 12 كيلو الصبح و 10 كيلو بعد الظهر على الساعة 5 كده تقريبا .. الصبح الطريق تقريبا فاضى وبعد الظهر برضه ظريف مقدرش اقول انه وحش ... ليه بقى الاستهلاك ده مش عارفة بصراحة وحاسة انه عالى جدا بالذات ان الطرق عندنا هنا فى اسكندرية مش زى القاهرة خالص !!!!!!!!
بالمناسبة العربية عاملة دلوقتى 8575 كيلو بس واخر تغيير للزيت كان اول 10 السنة اللى فاتت يعنى المفروض اغيره قريب ان شاء الله .. لو ده ليه علاقة يعنى
حد عنده اقتراح ده معناه ايه ولا انا مكبرة الموضوع :whtauwant:
بص ياباشا رغم كل عيوب العربيه اللى انا بشفها ورغم ان الزمن لو رجع مش هشترى اللوجان لكن فى حتة الاستهلاك للبنزين فهيه موفره حضرتك انا عامل 21000 فى اقل من 6 شهور اقل عدد كيلو مترات عملته كان 600 كيلو للتنك واكتر عدد كان 860 كيلو للتنك مع العلم انى يومياً خط سيرى طريق السويس الثوره صلاح سالم (عمارات العبور) والعوده على نفس الطريق متوسط الكيلو مترات لليوم 130 كيلو لليوم تقريباً اعلى معدل استهلاك طبقاً للكمبيوتر كان 14.4 وده لما مشيت 7 كيلو فى 1/2 ساعه الطريق كان زحمه واقل معدل استهلاك بنزين هو 4.8 عند 80 كيلو وده كان لما صفرت العداد على سرعة 80 وفضلت مثبت السرعه ومعتقدش ان المعدل ده ممكن يحصل تانى ابدا (انا طول ما انا فى العربيه وتحت اى جو شغل التكييف)
بالنسبه للسحب هيا بحالات مره احس انها طيره ومرات احس انها بطه بلدى
طرمبة البنزين اعتقد ان فيها مشاكل عندى لان العربيه سعات بتنتش خفيف وهيا ماشيه ولما تكبس فين وفين عبال ما تبدأ تسحب
عفشتها زباله بحس بكل حاجه فى الطريق كأنك راكب مرجيح مولد النبى ولو الجو فيه هوا يبقى يا وقعه بيضاء تمسك فى الدركسيون باديك وسنانك علشان تمشى خط مستقيم
كل الصيانات فى التوكيل (20000 فى الميكانكيون العرب) والتوكيل زباله ورده هيا العربيه دى كده
وبالمناسبه انا اى حد يقلى ايه رأيك فيها اقول زباله ولو بتفكر فيها بلاش احسن