الموضوع: مطلوب مساعدين خلفية لابيزا 98.

المشاركة الأصلية كتبت بواسطة ehab_mansour

وانت طيب أستاذ أحمد
ممكن تقلنا ايه اللي بيحصل عندك يخليك تغير المساعدين
وجزاك الله خيرا

ازيك يا م/ إيهاب؟ يا رب تكون في أحسن حال.
انا بدأت من يومين أحس بهبدة جامدة في المطبات. زادت جدا امبارح كأني ماشي بالعربية من غير مساعدين أصلا. كل مطب أو جزء بارز في الأسفلت بيحرك العربية بعنف شديد .
قلت يمكن ضغط الهواء في الكاوتش مش مظبوط. ضبطت الهواء بس مفيش تغيير.
نزلت من العربية و عملت اختبار أولي للمساعدين بالضغط علي جسم العربية لأسفل و تركها,
لقيت أن واحد من المساعدين اللي ورا نشف تماما لا بيطلع ولا بينزل.

هل في حاجة تانية ممكن تعمل التأثير دة غير المساعد؟؟

شكرا ,
أحمد

أنا اشتريت مساعدين بلشتاين غاز و ركبتهم امبارح و جربت العربية.
المساعدين شغلهم كويس حتي الان, و أدائهم قريب جدا من المساعد الأصلي في أدائه.

بالنسبة للمونرو , رحت مرتين جمعة و سبت عند لهيطة في التوفيقية علشان أشتريه, و الراجل يقوللي تعال بكره !!!!!!!!!!!!!!!!!!!!!!!!!!
الظاهر انه مستنيني أتحايل عليه شوية علشان يتكرم و يديني مساعدين.
الظريف في الموضوع أن البياع بيقوللي ادفع الأول علشان أروح اجيبهولك. يعني اشتري من غير ما أشوف الحاجة!!!
ناس مش محترمين في التعامل الصراحة.

و كمان ركبت بارات و دراعات علبة دركسيون و الحمد لله التقل و الالتزييق اللي كان موجود في الدركسيون راح خالص. الحمد لله.


أحمد