عرض للطباعة
دي اول مشاوكة لي......واحد ميكانيكي لعب في المسمار اللي علي البوابة و من يومها دواسة البنزين فيها عضة ....ولو حاولت اربط المسمار الاقي العربية عليت و مش مظبوطة..........وحاجة تاني...هو واير دواسة البنزين المفروض يبقي مشدود ولا مرخي شوية........العربية لانوس وان موديل 2000...........وشكراا
لو قصدك مسمار بكره الاكسراتير اللى عليه سوسته
رجلشه بحيث يكون يدوب لامس البكره ومش زاققها وبرده مايكونش بعيد عنها
بالنسبه للسلك الوضع الطبيعي ليه انك لما تضغط عليه من فوق ينزل حوالي 1 سم
شكرا علي تعاونك.....فعلا الموضوع ده قارفني اوي
لسة الدواسة فيها عضة.........مش عارف اعمل ايه
اقتباس:
المشاركة الأصلية كتبت بواسطة m.zaher
+111111
بالنسبة للعضة اللى فى الدواسة هتلاقى الوير بتاع البنزين قبل ما يدخل على البكرة هتلاقيه خارج من خرطوم ( اقرب تشبيه ) و عليه تدريجات و هتلاقيى حديدة صغيرة كده على التدريج ده زى كلبس مثلا اخلعها و ظبط وضعها يعنى تقربها مثلا درجة او تبعدها درجة هى دى اللى هتظبط العضة
جرب تحط زيت فى واير البنزين هيعمل مرونه افضل وتشد السلك بواسطه وارده(كلبس يعنى) بيتحكم فى شد السلك فى نهايه الواير عليها تدريج نقل الورده دى درجه درجه
اعتقد انك الاول فك السلك من البكرة . لف البكرة على الاخر و فك البلية من المنيك بتاعة و ظبط مسمار البكرة بحيث يبقى فى بوش بسسسسسسسسيط اوى و البكرة تبقى حرة و مش قافشة . و السلك مفكوك شدة و مشى ايدك على السلك و لو فى اى تنيات بسيطة حاول تعدلها و بل صباع شوية زيت و مشى ايدك على السلك و بعد كدة ركب السلك على البكرة تانى و شوف مدى شدة السلك المفروض يبقى فيها شعرة لاما تدوس على السلك قبل ما يبتدى يلف البكرة
خلي المسمار يزق البكره حاجة بسيطة يعني واحد ملي مثلا وزيت سوسته البكره و السلك ب wd40 زي ما الاخوه قالواقتباس:
المشاركة الأصلية كتبت بواسطة totyk
لما المسمار بيزق البكرة شوية العضة مش بتروح و بلاقي العربية عليت
اعتقد لازم ميكانيكي شاطر يقوم بالعملية ده
بالنسبة للعضة ممكن يكون سلك الأكسراتير بايظ اصلا عشان كده بيعض وممكن يكون ده السبب الى خلى الميكانيكي يلعب في المسمار .
حاول تفك السلك بره خالص وتزيته وتحركه بأيده وبعدين ركبه تاني
اما بالنسبة لظبطة المسمار فهي كالتالى :-
- فك المسمار لحد ما يرجع بعيد عن البكرة خالص
- ابدا اربط المسمار تاني لحد ما يلمس بس البكرة
- بعد ما يلمس لفه كمان لفة كاملة في اتجاه عقارب الساعه
- اعمل ايدل ليرن عشان سرعه السلانسية تتظبط ومتبقاش العربية عاليه (مهم جداً)
العضة فعلا راحت......بس ازاي اعمل ايدل ليرن ........وفي حاجة جديدة ظهرت العربية بلاقيها بدوس بنزين لوحدها....او بلاقي لما ادوس بنزين و اسيب الاقي العربية عليت و تفضل عالية شوية بعد كدة بترجع عادية تاني ....بس مكنتش بتعمل كدة .......!!!!