عرض للطباعة
مساء الفل على احلى منتدى....
كان عندى مشكلة فى تعشيق الفتيس فى الغيار الاول واعدو يقولولى دى طبيعى....
انا معايا لانوس 1 مانيوال
لما كنت اجى اجيب الاول وانا ماشى على 10 كم او اقل ويعتبر العربية واقفة تسمع صوت التروووس وهيا بتتعشق فى بعض اكنك مش دايس دبرياج....
ودلوقت.....
با الاول والتانى لما باجى اجيبو لما اهدى بالعربية على 20 او 10 كم اكنك بتعشك مقطورة ..
ياريت لو حد يعرف الحكاية دة حلها اية ولو حلها واحد متخصص فى الفتيس بس وتعرفو حد يقولى
انا خايف لحسن يبقا ( اول والتانى ) والتالت كمان...
بص انا هاقولك حاجه و خليها حلقه في ودنك ومعلومه للناس كلها انا ليسه مغير الفتيس عندي امبارح والفتيس ده كنت صلحته قبل كده و كلفني 800 جنيه و اصلا الفتيس الاستيراد بتاع النوبيرا 700 و الانوس 600 فالاحسن تغيره و كمان الفتيس العاده مابيكونش فيه مشاكل خالص مش زي الاتوماتيك فاانت لو الفتيس عندك تعب ماتصلحش غيره علشان متصرفش عليه كتير وتجبليك طقم اسطوانه وبليه وديسك وركبهم و ادعيلي لان التصليح مقعدش سنتين وباظ تاني و غير طبعا لو مش متقفل كويس و تلاقي زيت بيرشح و حاجه اخر قرف
فا انت تجيب فتيس استيراد متقفل تقفيل بلاده ونضيف وركب
و المشكله الي كانت عندي الاولاني لما بحطه كاني مش دايس دبرياج كان بيعمل زي مابيعمل معاك و الخامس كان بيرود تاني
شوف زيت الفتيس عندك نقص ولا ايه؟
لو لقيته ناقص زوده
شكرا ليك وللمعلومة الجديدة دى الفتيس 600 او 700 جنيةاقتباس:
بص انا هاقولك حاجه و خليها حلقه في ودنك ومعلومه للناس كلها انا ليسه مغير الفتيس عندي امبارح والفتيس ده كنت صلحته قبل كده و كلفني 800 جنيه و اصلا الفتيس الاستيراد بتاع النوبيرا 700 و الانوس 600 فالاحسن تغيره و كمان الفتيس العاده مابيكونش فيه مشاكل خالص مش زي الاتوماتيك فاانت لو الفتيس عندك تعب ماتصلحش غيره علشان متصرفش عليه كتير وتجبليك طقم اسطوانه وبليه وديسك وركبهم و ادعيلي لان التصليح مقعدش سنتين وباظ تاني و غير طبعا لو مش متقفل كويس و تلاقي زيت بيرشح و حاجه اخر قرف
فا انت تجيب فتيس استيراد متقفل تقفيل بلاده ونضيف وركب
و المشكله الي كانت عندي الاولاني لما بحطه كاني مش دايس دبرياج كان بيعمل زي مابيعمل معاك و الخامس كان بيرود تاني
دى جميل اوى
المشكلة انى مغير طقم دبرياج جديد ...
ولسة الزيت بحالتة....
وسعات اصلا مشاكل الفتيس دى بتكون لجلشة او ظبط العقربة ...
مش عارف انا لو رحت لحد بيصلح الفتيس وقلى اى المشكلة .....
ولو فعلا المشكلة طلعت من جوة الفتيس انا هغيرة على طول ان شاء الله
بس الاول اتاكد ان المشكلة دة فى التروس ومن قلب الفتيس عشان طبعا حرام اغير الفتيس والمشكلة تطلع من العقربة مش متظبطة او لجلاش فى الفتيس مثلا ......... مش كدة
اخبار الزيت الباكم عندك ايه وهل غيرت تيل فرامل قريباً لاني حاسس ان مشكلتك في مساتر الدبرياج او طقم الاصلاح الخاص بهم
وهل لو دوسلك حد علي الدبرياج وانتا فاتح كبوت العربية وواقف امامه الفرش بيذهب الي اخر مشواره ولا لاء
زى الفل واسفل شرطة المكس ومظبوطة على طولاقتباس:
اخبار الزيت الباكم عندك ايه
التيل بيتغير عادى ومفهوش مشاكل وبعدين اخر مرة مغيرة كانت من حوالى 4 شهوراقتباس:
غيرت تيل فرامل قريباً
بيتهيقلى لو المشكلة زى مانتا بتقول كدة يا دكتور يبقا المشكلة هتعم على الاول والتانى والتالت والرابع والخامس والمارشديل.........اقتباس:
مشكلتك في مساتر الدبرياج او طقم الاصلاح الخاص بهم
وهل لو دوسلك حد علي الدبرياج وانتا فاتح كبوت العربية وواقف امامه الفرش بيذهب الي اخر مشواره ولا لاء
مش كدة ولا اية....
انا نفس المشكلة عندي و الميكانيكي بيقولي عادي لكن فعلا المشكلة مضيقاني خصوصا لما بركب عربية اخري بحس بالفرق في الفتيس عموما لو عرفت الحل ابقي قولي من فضلك
ان شاء الله هنعرف الحل..
المنتدى دة كل ناس خبرة وممكن نلاقى حد حصلة المشكلة دى قبل كدة ووصل لحل.... ربنا يسهل
يلا يا جماعة العطل دة ذاد واحد اهوووووو
يازيت فتيس ناقص
ياغويشة الأول والتانى عاوزه تتغير
ممكن شرح مبسط لغويشه الاول والثانى عايزة تتغير ازاى
علشان نعرف كويس أيه هى الغويشه
لازم نتذكر الغويشه التى تضعها العروس فى يديها
فالغويشه هى حلقه مفرغه توضع حول الأيدى
وهنا الغويشه فى الفتيس ( صندوق التروس )
شبه غويشة العروس تماما فيما عدا أنها مسننه من الداخل كما سنعرف فائدة التسنين
وعلى الرسم الهندسى التالى لصندوق تروس كل أجزاءه مفصصه بالقطعه ( مئات القطع الهندسيه وكل قطعه وليها عمل ودور محدد )
أنا علمت بالأزرق على تروس خروج السرعه الأولى والتانيه بمكوناتها
14 - ترس ناتج تعشيق السرعه الثانيه
24- ترس ناتج سرعة تعشيق الأول ( يلاحظ أنه أكبر من ترس خرج النقله التانيه ...علشان كده سرعة الأول أبطأ من التانى )
21 - ترس توافق أو تزامن أوتعشيق التروس القائده للأول والتانى مع التروس المنقاده
18 - صرة مسننه تعمل على ترس التزامن للأول والتانى ( اللى هى غويشة الأول والتانى )
15- حلقة تجميع أو غلق الأول والتانى وقت النقل للأول أو التانى
17 - عمود تحريك شوكة الأول والتانى
16- شوكة الأول والتانى
كما بالشكل
http://files03.arb-up.com/i/00180/eyd1v8k1ow84.bmp
الشوكه 16 هى اللى بتحرق الغويشه 18 علشان تخللى ترس التزامن 21 يخللى النقله تبقى على الأول أو التانى حسب تحديد قائد السياره
لما بتنعم أو تبوظ أسنان الغويشه الداخليه
لا يستطيع ترس التزامن تشغيل مجموعة الأول أو مجموعة التانى بكفاءه
ومن هنا بتحدث الأعراض المذكوره بالموضوع
طبعا شرح جامد جدا منك يا بشمهندس سمير
جزاكم الله خيرا
سؤال رفيع
تغيير الغوايش صعب و مكلف ؟؟؟
وهل بعد التغيير الفتيس بيرجع زي الاول ولا لاء ؟؟؟
ولا الافضل تغير الفتيس كله؟؟
سهل ياباشا
بس أهم شىء الصنايعى يبقى ده تخصصه
وغير مكلف
تقريبا 200 ج ( غويشه ومصنعيه مع صنايعى نظيف ) يرجعوا الفتيس زى الفل
انا عندى مشكلة شبيهه لما ببقى ماشى على 10 او 15 كم الفتيس مش بيرضى يجيب اولانى بس الميكانيكى قاللى ده عادى هات الاولانى و انت واقف
بس لما باجى اجيب الاولانى و انا ماشى مش بسمع صوت هو بس مش بيرضى ييجى
طبيعى لو العربية فى حركة غلط انك تنقل و تجيب الاول . اما تقف خالص و تطلع ع الاول اما تجيب التانى و تظبط رجللك و تكمل ع التانى . انما تجيب الاول و العربية ماشية غللللللللللللللللللط تبوظ غويشة الاول و التانى زى اللى يعشق مرشدير و العربية لسة ماشية للامام برضة من اخطر الحاجات اللى تتعمل و تجيب غويشة المرشديراقتباس:
المشاركة الأصلية كتبت بواسطة khaledserag
طبعا قبل اى كلام ... ارحب
بـ / م . سميــــــــر
وقولة نورت الموضوع بشرحك الجميل وربنا يخليك لينا عشان تعلمنا كمان وكمان ....
ايــــــــــــــة الشرح دة بجد ..... بجد مهندس
طيب يا باشمهندس .... المفروض على كلامك انو فى ناس شغالة فى الفتيس بس مش كدة ........ ولا انا فاهم غلط.؟
ويا ترى اكيد لو اتعملت مش هتبوظ لو الاستحدام كويس ومع معاملة العربية بحنية وبرفق ولا هتبوظ زى الاستاذ اللى شارك معانا وعمل الفتيس وباظ تانى بعد كدة غيرة......
مع احترامى للباشا الكبير
اة فى ورش متخصصة بس لاصلاح الفتيس و كان فى واحد مشهور اوى فى شبرا
و اذا كان على موضوع الغويشة فدا عادى و امرها سهل دى من اقل التلفيات اللى ممكن تحصل و حلها مضمون . المهم تروح لمتخصص عشان يفك و يقفل صح و تعمل حسابك طبعا بعد ان شاء الله ما تعمل الشغل تروح تزود زيت الفتيس علاطول
الحمد لله...
تمنطونى ربنا يخليكو...
طيب ياربت لو فى حد هنا يعرف الراجل اللى فى شبرا دة يقولنا علية..
دة هيبقا مية مية عشان هيبقا قريب منى ولو انتو عرفينو انو كويس يبقا 100 100 عشان كدة هتاكد انى العربية هتبقا سليمة زى الاول....
وياريت لو حد يقولنا هتاخد مجهود كتير ولا لا هتاخد وقت ولو البشمهندس سمير يقولنا هو هيعمل اية الراجل بتاع الفتيس بالظبط يبقا ربنا يخلية عشان نبقا فهمين الراجل بيعمل اية ولو فى اى حاجة ممكن يغلط فيها الراجل نبقا فهمين ونقولو مش نبقا وقفين زى الطــــــــرابيش
وحنا معاه ............ مش كدة ولا اية ...:shyy:
كدة طبعا ........ انا معاك
ياباشا متقلقشاقتباس:
ويا ترى اكيد لو اتعملت مش هتبوظ لو الاستحدام كويس ومع معاملة العربية بحنية وبرفق ولا هتبوظ زى الاستاذ اللى شارك معانا وعمل الفتيس وباظ تانى بعد كدة غيرة......
موضوع تغيير الغويشه سهل جدا
بس عاوزه متخصص فتايس
أسأل أى تاكسجى عندك فى شبرا
وقوله أنا عاوز أغير غويشه للفتيس
وشوفه هيقولك أيه
_______________
بس أتأكد برضه الأول أن زيت الفتيس فى وضعه الطبيعى زى ماقيل قبل كده
كويس .........اقتباس:
كدة طبعا ........ انا معاك
فى ناس بتحب تفهم الصنايعى بيعمل اية فى قلوبهم المفتوحة ....
مش زى النا التانية اللى بتسيب حجتها وتقولو اعتبرها عربيتك ..
وانا هجيلك استلمها منك كمان ............. ساعة ...يوم
الحمد لله
المهم انا معرفش اية اللى هيتعمل وكمان محتاج اعرف حد عشان انا معرفش حد بتعا فتيس بس متخصص ودة شغلو ..... يارب حد يعرف
ويسعدنى ....
حبيبى يا ......... باشمهندس. مرحب
انا اتأكد من منسوب زيت الفتيس فعلا ومظبوط...
العضة دى كانت فى الاول خفيف
بعد كدة خربت خالص.........
قلت عقربة وغيرتها او زيت وغيرت الزيت خالص...مش زوت حتى
فضلت زى مهيا.....
حبة كمان .... جابت التانى معها .... بقا اول وتانى .............
عاوز الحق بقيت الغيارات يا باشمهندس......:b4_048:
تبقى الغويشه نعمت
وعاوزه تتغير
طيب يا باشمهندس
خلينى ادوخك معايا شوية..... انت اللى قولتلى بتحب انى الناس تتعبك
ازاى هتتغير والراجل هيعمل اية ... بس عشان خطرى اشرحلى كدة ( بالبلدى ) بلاش الروسمات اللى بتوه فيها دة ربنا يخليك... معلش
لو فى صور يبقا 100 100 بس روسومات هندسية لا عشان خطرى
ولما تنعم الغويشة من جوة كدة مهمتها باظت عشان كدة وانا بعشق التروس بتلحم فى بعض مش ترس فى غويشة بعد كدة ترس ....
كدة انا فاهم صح
أمرى للهاقتباس:
طيب يا باشمهندس
خلينى ادوخك معايا شوية..... انت اللى قولتلى بتحب انى الناس تتعبك
ولو أننا فى صيام ومش مستحمله دوخه
الغويشه بالمكونات اللى أنت شوفتها دى جزء من مئات الأجزاء الراكبه على عمود ناتج القدرهاقتباس:
ازاى هتتغير والراجل هيعمل اية ... بس عشان خطرى اشرحلى كدة ( بالبلدى ) بلاش الروسمات اللى بتوه فيها دة ربنا يخليك...
الراجل بيقلب الفتيس على جنبه ويشيل كرسى تحميل العمود ده ( وش كده )
ويبدأ يسلت الأجزاء لبره لحد مايوصل للغويشه
تخيل أنك خاطب واحده وجايبلها عشر غوايش
وآخر غويشه فى زراعها من الداخل عاوزين نغيرها
حتعمل أيه
حنفضل تسحب التسعه اللى قبلها لحد ماتوصل للغويشه العاشره
نفس القصه مع الفارق فى التطبيق
ياعم دا أنت كده ميت فل وأربعتاشراقتباس:
ولما تنعم الغويشة من جوة كدة مهمتها باظت عشان كدة وانا بعشق التروس بتلحم فى بعض مش ترس فى غويشة بعد كدة ترس ....
كدة انا فاهم صح
وفاهم بس مخبى علينا
سلى صيامك يا باشمهندس...اقتباس:
أمرى لله
ولو أننا فى صيام ومش مستحمله دوخه
انا اخوك الصغير ... دا لو طلت اكون اخ للعبقرى...
طيب الراجل هيطول فى سحب الخوايش ولا الدنيا امرها سهل وطبعا الراجل هيسقط الفتيس كلة ..... طيب فى اى حاجة اقدر اخد بالى منها وهو بيركب الغوايش دى لحسن يطلع مش كويس ويركب حاجة غلط ..اقتباس:
الغويشه بالمكونات اللى أنت شوفتها دى جزء من مئات الأجزاء الراكبه على عمود ناتج القدره
الراجل بيقلب الفتيس على جنبه ويشيل كرسى تحميل العمود ده ( وش كده )
ويبدأ يسلت الأجزاء لبره لحد مايوصل للغويشه
تخيل أنك خاطب واحده وجايبلها عشر غوايش
وآخر غويشه فى زراعها من الداخل عاوزين نغيرها
حتعمل أيه
حنفضل تسحب التسعه اللى قبلها لحد ماتوصل للغويشه العاشره
نفس القصه مع الفارق فى التطبيق
ولا اعتمد على التجربة بعد ميخلص .... عشان انا بصراحة بقيت اخاف من الصنايعية اوى لدرجة انى نفسى اتعلم الميكانيكا واشتغل بايدى عشان مبهدلش العربية مع الناس اللى ربنا يسمحهم..... الكفتجية.
شفت عشان تعرف انك بتعرف تشرح كويس انا فهمت دة منك يابشمهندس.....اقتباس:
ياعم دا أنت كده ميت فل وأربعتاشر
وفاهم بس مخبى علينا
تلميذك ياريس..:3_3_102[1]:
ده الصحاقتباس:
ولا اعتمد على التجربة بعد ميخلص ....
وأمسك حسابه عندك
لحد ماتجرب العربيه بنفسك وهو قاعد جنبك
شكر ليك يا باشمهندس....
بس احنا فى اول الموضوع كنا عاوزين الراجل اللى بيصلح الفتيس ويعملو العملية دى بتقنية وحفاظ على العربية ....
وفى عضو قال فى واحد فى شبرا.... طيب عاوزين نعرف اسمة او المنطقة وانا هنزل ادور علية عاوز دليل بس مش اكتر.......
ولو فى اى واحد هنا يا رجالة يعرف واحد بتاع فتيس محترم ينوبو سواب ويقولى ....فين
معقــــــــــــــــــول.... ...؟
مفيش حد عارف واحد بتاع فتيس كويس ومحترم وعارف وفاهم شغلة كويس فى القاهرة ....... صعبة دى.؟
انا حصل معايا مشاكل كثيرة في فتيس سياراتي الثانية وهي فيات 127 نص وكانت اربع غيارات فقط للامام
ذهبت الي الميكانيكي الخاص بي في ميدان المطرية وهو بعت جاب واحد متخصص في الفتيس
وقام بفك الفتيس كله وتغيير العقربة مع العلم ان عقربة ال 127 داخل الفتيس ويجب حل الفتيس بالكامل وزود لي مجموعة تروس الخاصة بالغيار الخامس
والسيارة تعمل بكفائة تامه وانا اتعامل مع في سيارتي اللانوس ( اقصد الميكانيكي ) وهو الذي غيير لي سير الكاتينه بعد قطعه وعمل عمرة لوش السلندر من تغيير صبابات الي اخره
وهذا الرجل والدي يتعامل معه منذ اكثر من 30 عام في جميع سيارات العائلة لانه اولاً واخيراً رجل امين وعند عدم درايته بشئ لا يفتي فيه
عنوانه اخر شارع الكابلات من ناحية ميدان المطرية شارع يسمي صلاح سالم واسمه عم عبده واذا اردت تليفونه اضعه لك