يا رجالة اول حاجة كل سنة و انتوا طيبين و رمضان كريم !

انتوا فاكرين موضوع انوا مفيش قطع غيار بسبب الخليجي ده ! المهم انا اول امبارح قمت جايب كاوتشتين من بره من صلاح الدين و امبارح على 9 كنت في التوكيل في العامرية قلتلهم ركبولي ! المهم قالي ماشي قام فاكك الكوبلينين و بعدين يقلي الكوتشتين مينفعوش ! قلتله ايه يعني انا ملطوع من 9 لحد 3 قبل رمضان بيوم و معملوتش حاجة !!!! المهم قالي انتا كنت موصلي عليهم و قلنالك شهر و نص و سبحان الله احنا موجود عندنا في المخزن كوتشات بالهبل! ( يا ولاد التيت مش انا كنت عندكم من اسبوع و سألتكم عندي و قلتوا مفيش و امبار برضوا مفيش ! ) ازاي النهاردة فيه ؟ المهم قالي علشان الساعة 3 مش هينفع نفك تاني بعد التقفيل تعالى بكرة ( اول يوم رمضان ) طبعاً انا شوية و كنت حشتمهم و اخرب الدنيا بس ربنا كرمني و سكت و اخد بعضي و مشيت و النهاردة صحيت قبل السحور و اتصحرت و فضلت صاحلهم و على الساعة 8 نزلت كنت هناك 8.30 و سبحان انا كان في واحد قبلي مع اني جي بدري و اول يوم رمضان ! المهم اخدوا العربية على 9 و لطعوها لحد 11 محدش عاوز يشتغل فيها علشان تغير كاوتشت كوبيلن و الصنايعية كلهم شغالين تغير زيت و صيانات بتأكل عيش اجدع ! و انا اخبط اضرب! المهم على 11.30 لقيت المهندس بيزعق في واحد فيهم و بيقله حتشتغل ديه يعني ختشتغلها طلبت في دماغي كدة المهم الصينايعي بكل قرف و كل برود و كل افترا و عفيجعة على العربية بقا شغال فيها وانا قلبي بيتقطع عليها! طيب زنب العربية ايه هيا نقصاك انتا يعني ! المهم اخد الكبالن بعد ما فكها جوا علشان مشوفش بيعمل فيهم ايه و انا طبعاً قعت في الاستراحة و بعيدها بشوية طلعت ابص رحت لمحت الكوبلنين على الارض جم العربية رحت مصورهم لاني شفت حاجة اغرب من الخيال !
مش الفمروض ان كل كاوتشات الكوبلين ديه ممكسوكة بافايز حديد ؟ المعلم راح مفورهم كولهم و ركب الكاوتشة الخارجية و قام اشتغل بدل ما يركب افايز حديد حطلي شداد طاسات ! يعني بالذمة حتت الشريط البلست ده يستحمل السخونة و التراب و الطينة و المية و اللف على السرعات ؟ و الفبريكة بتعها تفكه و تركب عبط ؟



بصراحة انا مش راضي عن الشغل خالص و مش عارف اعمل ايه ده انا لو كبالن فيت 128 و عند اي صنيعي بره حيعملهم اخدع و مش حياخد ربع الفلوس الي بياخدوها !

ده الكاوتشتين عملوا بتاع 250 جنيه !!!!!!!! و المصنعية بتاع 200 جند ! والله افترااااااااااا و انا دافع 450 جنيه و اخد شغل زفت ؟! يرضي مين ده ؟

هل انا غلطان و مبهمش و الشركة حمارة كمان علشان تنزل كلبسات حديد و الصنيعني المصري فهيم زمانه و مشاها بلاستك ؟! و ياسيدي فبريكة العربية سليمة ليه تلعب فيها !!!!!!!!!!!!!!!!

انا دمي محروق اخر حاجة و احنتا اول يوم رمضان و الواحد خلاص مش عارف يعمل ايه ولا يدعي لهم ولا عليهم ! والله العربيات ديه مش ببلاش !