الموضوع: يارب التوكيل يحل المشاكل دى

السلام عليكم اخوانى
الحمد لله الصنى بتاعتى عامله دلوقتى 1900كم بس انا لسه ما رحتش الصيانه لأن قبل العيد كنت عامل بيها 700كم بس وفى اسبوع العيد الحمد لله العربيه عملت 1100كم يعنى مرتين اسكندريه المنصورة ومره القاهره المنصوره فى خلال اسبوع العيد.
الحمد لله انا اتبعت نصائح التليين بدقه يعنى العربيه لغاية ماكانت عامله 1600كم مازودتش السرعه عن 80كم/ساعه ومن يومين بدأت اوصلها ل100كم /س وال rpmماعلاش ابدا عن 2500 وعلى فكره معظم المشى بتاعى باليل فى الطراوه ولغاية دلوقتى العربيه ماركبتش فيها اوزان تقيله وماشغلتش التكييف علشان ما حملش على الموتور بس انا ليا ملاحظات بسيطه على العربيه
1 - العربيه بتحدف يمين جامد, انا شيكت على ضغط الأطارات اول ما جات كان مضبوط وكمان مليت الأطارات نيتروجين وظبطها على 30 بس لسه الحدفه اليمين موجوده
2- الشارع بتاعنا مكسر مليان مطبات صغيره جدا العربيه بيظهر فيها صوت كأنه حاجه سايبه فى بطنها فى الناحيه اليمين
3-السياره بتكركر لما اكون واقف بيها وهطلع مطلع انا بحطلها بنزين 90او92
4-الى انا شايفه بجد مشكله الى حصلى امبارح باليل
انا قولت الطريق فاضى والدنيا برد وانا راكب لوحدى قلت لما اجرب اعلى السرعه بالتدريج واعدت اسايس فى العربيه بالراحه 80-100-110-ممتاز بس عند 120كم/س وعند rpm2700
لقيت صوت الماكينه على جدا انا بصراحه قلقت لأنه عامل زى مايكون الموتور مخنوق وبيعمل زنه صعبه وبعدين استجابة العربيه للتسارع بعد 120كم/س بقى صعب السرعه بتزيد ببطء شديد
قلت ممكن يكون من مقاومة الهواء فمشيت فى الأتجاه المعاكس ولقيت نفس المشكله بتتكرر
انا حجزت الصيانه عند السبع يوم الأحد ان شاء الله هاغير زيت (على فكره هما غيروا لزيت شل) وهشوف الدنيا فيها ايه بس للأمانه والله العربيه محترمه جدا وانا عارف ان دى كلها حاجات عاديه بس مشكلة صوت الموتورهيه الى قالقاني ياريت حد يطمنى ويشور عليا على فكره العربيه مانيوال
وشكرا
اخوكم /احمد عز الرجال

السلام عليكم
متشكر جدا على الردود ياجماعه
انا الحمد لله رحت توكيل السبع فى زهراء المعادى وقولتلهم على كل المشاكل الموجوده بالعربيه واحقاقا للحق انه حقا توكيل محترم يظهر فيه الأحترام من بداية دخولك المكان من حسن الأستقبال وسعة الصدر للتعرف على كل المشاكل الموجوده بالسياره و الأمانه فى الصيانه انا غيرت زيت 10000كم شيل الترا وغيرت فلتر وهما غسلوا العربيه وظبطوا كل المشاكل وكان الأجمالى 220ج تقريبا
بس المشكله الى انا واجهتها بالنسبه لموضوع ارتفاع صوت الموتور مابين 120-135كم هما حالوها عن طريق التربيط على الجوان بتاع فرن الشكمان وانا جربت العربيه على السرعه دى وكانت تمام بس بعد مامشيت بالعربيه تقريبا 95كم رجعت نفس المشكله للظهور انا مش عارف ارجع ليهم تانى (انا بينى وبينهم تقريبا 110كم انا من المنصوره) ولا انتظر صيانة 5000 مع العلم انى عملت بالعربيه دلوقتى تقريبا 3200كم ؟ ياريت تشوروا عليا
انا والله الموضوع بتاع الزنه دا مكدرنى
بس للأمانه واحقاقا للحق العربيه تستاهل اكتر من الفلوس المدفوعه فيها
وجزاكم الله خيرا