سلسلة <<<<<<< صلح سيارتك بنفسك >>>>>> الحلقة الثانية ـــــــــــ صيانة 120 الف كيلو
الزملاء الاعزاي والاصدقاء الافاضل
بعد كل عام وانتم بخير بمناسبة حلول شهر رمضان المعظم
يسعدني اضافة ثاني موضوع من سلسلة
<<<<<<< صلح سيارتك بنفسك >>>>>>
وهي سلسلة متخصصة في سيارات الديهاتسو الغرض منها نقل الخبرات بين الاعضاء
اتمني ان تنال اعجابكم
الحلقة الثانية
صيانة 120 الف كيلو
السيارة تريوس 2000
الحكاية بدات من شهر تقريباً لما قررت اخد الاسرة واطلع اصيف اسبوع في مطروح
ولاني راجل موسوس اخدت يوم اجازة قبل السفر وقلت اظبط العربية وكانت عاملة 119 الف كيلو
المهم اخدت عربيتي ورحت علي بريدجستون اللي علي البحر (اسكندرية طبعا) علشان اضبط زوايا
وقلت بالمرة ادور العجل (اعمل اكس) قبل ضبط الزوايا
وبالفعل اترفعت العربية ودوروا العجل واتظبط الضغط علي 26 طبقا لكتالوج العربية
وبعدين دخلت علي وحدة ضبط الزوايا وبعد شوية لقيت الباش مهندس بيقولي لحظة يا استاذ!!!:majd(4):
وانا بخاف موت من الحكاية دي!
انا - خير
المهندس - لا خير بس بيضة الطرف الشمال مبوشة سنة!
انا - دي مشكلة؟
المهندس - لا بس الافضل انك تعملها قبل ضبط الزوايا
انا - خلاص اعملها واجيلك
المهندس - طب تمام بس اذا كان كده يا ريت تغيرلي كوتشة الاستبليزر بالمرة لانها مقطوعة
انا - تمام
المهم اخدت عربيتي وزطيران علي بتاع العفشة بتاعي وللاسف ملقتش عنده بيضة الطرف
قمت طالع علي العمدة اللي في شارع سيف امام الامن المركزي ولقيت عنده كوتشة الاستبليزر مصري من انتاج مصانع العمدة
ولانها مش حاجة مهمة او مؤثرة جبتها وقلت مش مشكلة
وملقتش عنده البيضة وهو طلع راجل محترم واتصل بنفسه بياسين اللي في فلمنج ولقي عنده بيضتين ياباني اصلي ام حاجزهملي وقالي روح خدهم دلوقتي
وبالصدفة لقيت عنده فلتر الهوا والبنزين قلت اجيبهم بالمرة لان صيانة 120 الف قربت وقمت شاري طقم بوجيهات وطقم مساحات
وطلعت علي ياسين جبت بيضتين الطرف وطيران علي العفشجي
وللاسف لقيته زحمة جدا حجزت وقلت استفيد بالوقت
قمت طالع علي الميكانيكي واديته البوجيهات والفلاتر وقلتله اشتغل