الموضوع: استفسار عن جاك بي كلاس 2011 وبرجاء الرد

المشاركة الأصلية كتبت بواسطة badrbadr

الصين الان ليست كما نعلم عنها من شوية فوانيس او لعب وارجوا منك الدخول على صفحت تويوتا كورولا وشاهد التعليق... وبسبب عدم ثقتنا فى الصينى وتعليقات القراء نخسف بثمنها عند اعادت البيع واعتقد ان هذا حدث عند نزول الكورى لاول مرة فى الاسواق المصريه

ياباشا انا مش بعقدكم في الصيني والله بس الي اقصده اننا لزم يكون لينا وقفه بمعني اننا مينفعش سعر سياره صيني يتعدي السقف المسموح بيه يعني المفروض انها تكون عربيه تناسب طبقتنا لكن الي شيفه انها عربيات تكاد تصل الي ثمن السيارات الياباني الصنع وليست بي كفائتها وكمان ربنا يبعدها عنا لو اتزنقت في قرشين وفكرت تبيع مش هتلقي اي زبون نهائي يشتري هيا دي فكرتي وكمان انا عندي نظره في الصيني ان خامتها ضعيفه جدآآآ واكبر دليل
انا كان معايه موبيل n 73 اول ما نزل كان بي2500 حلو الموبيل ده اتسرق بعد شهرين فا طبعآ مش هينفع اشتري موبيل غالي الثمن مره اخري فا قررت اشتري موبيل صيني شهر بي التمام والكمال رميته الموبيل بعد اسبوعين الطتش بتاعه باظ الزراير بتهنج شكله تحس انه مستعمل بقاله عشرين سنه مش شهر ولا شهرين وفي الاخر اديته لولاد خالي لعبه يلعبه بيه
وانظر لي اي شيئ صيني وشوف عمره الافتراضي عمل ايه معاك حتا في الملابس البنطلون الصيني ارخص بينقطع بسرعه عند الغسيل الون يتساقط خامه رديئه فا بتالي الصين عارف لو نزلت عربيه امكنيات وهم وعملت كل حاجه وهم هيا برضه ادتنا انطباع اولي عشش في ازهنا عمرنا ما هنقدر نغيره غير لما نشاهد العربيات دي كفائه بي اسعار رخيصه في متناول الجميع ومع مرور الوقت في ثقتنا فيها تبقا تغلي سعرها او تعمل الي تعمله لكن شهره الصيني وكمان تنزل بي اسعار خياليه فا دي تعتبر زي المثل الي بيقول الي معاه فلو محيراه يجب حمام ويطيره

المشاركة الأصلية كتبت بواسطة odaoda

كن احنا على قدنا معلش


معلش ربنا يباركلك فالالمانى واليابانى ويباركلنا فى الصينى
ويغنيكويزيدك من فضلة اللهم ما اعطية من خيرك
ل

ياباشا خالي البساط احمدي
والله انا لا بنتقد بيحكم اني من ملاك الياباني ولا الالماني
انا من ملاك المتو رجل
اي نعم كنت حطط تحويشه في عربيه وعملت بيها حدثه وقدت علي حلم امتلاك سياره حاليآ او بعدين امامي بتاع عشر سنين او اكتر او يمكن في الجنه بقا ان شاء الله
انا كان معايه بي ام 316 موديل 82 وعملت بيها حدثه الحمد الله علي كل شيئ
اما بخصوص كلامي فا انا كنت بنصح صاحب الموضوع ده لوجه الله وبنصح كل الناس
يعني حرام تشتري عربيه صيني بي الثمن ده وكمان هتغلي مع السنين كمان
وكمان دي عربيه ملهاش بصمه في سوق العربيات وتمنها يصل لكده فاده حرام
انا رائي ان الصيني يجب ان يكون له سقف يجب ان تكون لطبقه معينه مش تكون لطبقه عاليه
يعني انا ليه زميل بيعمل في السعوديه بيقولي عارف الكيا السيراتو والهيونداي هنا بيجميع انوعها حتا السوناتا
والشيفرولايه بتاعت الطبقه العاديه الي علي قدهم
لكن أحنا هنا الظاهر قضينا علي هذا الطبقه
انا الي اقصده بموضوعي هذا ان لزم يكون لي كل مقالآ مقام
يعني مينفعش تمن الصيني ينافس عربيه بقالها 30 سنه و40 سنه في الصناعه العربيات وهيا بقالها سنه ولاسنتين تصل ثمانها بثمن الي بقالها 40 سنه فهمت الي اقصده
اتمني يكون وجه نظري وصلت لك

فى حاجه لازم اوضحها ولكم التصحيح ان اخطأت وهى هل سعر السيارة الصينى بكل الاوبشن الموجود ده ونزلت السوق مثلا بسعر 55000 حد ها يشتريها ؟ اعتقد لا لان كل واحد فينا ها يشك فى خامات وقدرات السيارة كيف بهذا السعر كل تلك التكلفه يبقى فى انا فى الموضوع.. والمعروف ان الصين تسعى الان جاهدة لتكون اكبر اقتصاد ولن تحصل على هذا بتصنيع سيىء بدليل انها اشترت مصانع سيارات مشهورة مثل فولفو واعتقد ان السويد لن تفرط فى سمعة سياراتها مع الصينيين ...وبالنسبه للموبايل الصينى الى اشتراه احد الاعضاء ويعيب فيه هل تعلم ان معضم موبيلات نوكيا صينى وهى الان افضل من الالمانى وهل تعلم ان الالاب توب معظمه صينى وهل تعلم ان معظم المنتجات والبضائع فى اميريكا صينى ..سيدى القى نظرة حولك كل شىء اصبح صينى اذا المشكله مش فى الصين بل المشكله فى المستورد الذى يسترخص ويشترى بضائع من الصين معروفه لديهم بانها درجه ثالثه ويصدرها لنا ولاكن هناك بضائع درجه اولى ممتازة وتصدر لدول الخليج والعالم ايضا ويثقوا بها ...المشكله من عندنا مستوردينا لايحترموا الشعب المصرى وكل عايز يحقق ارباح على حسابنا..لاكن سيارة بسعر 70000 وبها كل الامكانيات وتقفيلها جيد اعتقد ده سعر مناسب جدا والمفروض كل من يملك سيارة صينى يتلك الموصفات وخصوصا ان نوعية الموتور ايضا جيدة ان لايفرط فى ثمنها عند اعادة البيع وبعدين مين الى ها يبيع سيارته قبل مرور على الاقل 5 سنوات هو الى بيشترى صينى معاه فلوس يغير كل سنه او سنتين.

المشاركة الأصلية كتبت بواسطة odaoda

اكيد وجه نظرك وصلت يا سيدى العزيز انا بدعو لك بزيادةا لرزق فقط
بس اسمحلى اعدل على لامك فحاجة بسيطة تخص العربية
العربية من انتاج شركة جاك تمام؟
الشركة قالت تنتج عربية محترمة فيعملوا اية؟ راحو لمصمم ايطالى وصمم العربية بالتصميم التحفة طبعا
والموتور متسوبيشى تكنو اة موديل قديم ولكنة موجود فعربيات كتيرة جدا 1500 سى سى
ولو حضرتك نزلت وشوفت العربية من جوة ومسكت كل حاجة بأيدك هتلاحظ مدى الجودة من اول الطابلوة للكاسيت للسماعات لفتحات التكيف
اة فى مكونات بلاستيك وكل حاجة مع ان الطابلوة جلد لكن حتى البلاستيك تحسة محترم
انا مبقلش ان العربية ممتازة لدرجة المرسيدس ولكنها مناسبة بامتياز لسعرها لاسباب هذكرها
بس االاول اوضح وجة نظرك بلنسبة انها بتمن عربيات عمرها 50 سنة
تعالا نشوف سوا اية الى تمنة 75 الف كدة
افيو - لوجان - اكسنت - فيات بونتو - فيرنا - لانوس
تمام كدة؟
الكماليات الى موجودة فالجاك ومش موجودة فولا عربية من دول
فتحة تكيف بالخلف
2 ايرباج
فرامل اية بى اس
فرامل اى بى دى
جنوط 16
موتور متسوبيشى
كاسيت سى دى بوصلة يو اس بى
تكيف ديجيتال رقمى تاتش
طابلوة جلد وعجلة قيادة مكسوة بالجلد
شوف اى عربية من الى ذكرناهم دول عشان تحط كل الحجات دى فيها هتكلف كام
تقريبا بالميت خاااااااالص 20 الف جنية
اذا هما مش متساوين فالسعر ولا حاجة
انا معاك ان اكيد فى فارق خبرة
بس الشركة فالصين عملت اختبار للسيارة بعدد كيلو مترات معين واثبتت كفأة
العربية الحمد الله معايا تمام لحد دلوقتى
وفى اخ عزيز هنا فالمنتدى معدى بالعربية ال 15000 كيلو ربنا يباركلة يارب ويزيدة من فضلة
وانا قبل ما اشتريها سالت ناس عليها فمصر وناس جاية من الصين
والعربية الانتاج بتاعها فالصين لا يكفى هناك عشان كدة الدفعات بتيجى بالعافية
اتمنا من سيادتك فقط انك تنزل ترى السيارة وتختبر جودة مكوناتها جيدا
اة موعدكش انك هتلاقى جودة البى ام ولو حتى موديل 80
لكن اكيد هتلاقى جودة تفوق الانوس والفيرنا والاكسنت والافيو بمراحل كبيييييييييرة جدا جدا
اتمنا تكون وجة نظرى وصلتلك وسعيد جدا بحوارى المجحترم مع سيادتك وربنا يديك من خيرة يارب

اولآ ياباشا ربنا يكفيك شرها وشر العين
ربنا يكرمك يارب وكمان احب اقولك انا سعيد ومتشرف بيك جدآ في اسلوب كلامك الجميل
ثانيآ انا مش بشكك في قدره العربيه لا سمح الله انا الي اقصده اني مثلآ واحد من الناس
علشان اغير فكرتي عن الصيني دي ايه الي يحصل اني القيها خامه جيده زي اسواق اوربا واحنا مش اقل منهم
ثالثآ القي سعرها يكون مناسب علي سمعتها الي اكتسبنها من التجار هنا لكن لا انكر ان الصين بلد عبقريه التصنيع يكفي انها تصنع اي شيئ يصعب تخيله بقدره الله فقط ثم بعقلهم لكن لي الاسف احنا عندنا الناس بتحب المكسب من الهوا فا بيجبه لنا الخمات الرديئه ويبعوها لنا علي انها جمات لا تقل عن اسواق اوربا فا بتالي لا تلوم اي شخص عنده اعتقاد ان المنتخ الصيني هلكآ لي ان التجار درسوهالنا من صغرنا فا كبرنا وتعملنا ان الصين ابعد عنه وده فكره عشش جوه الرائس يمكن لي اسباب كتيره ممكن تكون من التاجر لي جلب اموال اكثر او يمكن ان الصين لا تحترم فقط غير الاسواق الاوربيه او يمكن احنا الي بنستعمل الاشياء بغشم

وعلي العموم انا فعلآ ناوي اروح اتفرج علي معرض جاك الي في الشارع البطل احمد عبد العزيز ويمكن تعجبني وتخليني اغير فكرتي عن الصيني وافكر في يوممن الايام في اقنائها

وانا سعدت بي الحديث المحترم مع سيادتك
وتقبل فائق احترامي