سخونة كبوت الساجا

**ykdl** · 12-08-2010 02:05 AM

ليه كبوت الساجا بيسخن جامد وبسرعة حتى لو العربية ما اتحركتش وفضلت دايره فى مكانها؟؟؟؟؟؟؟؟

هل ده بسبب ان الكبوت مش متبطن؟؟؟؟؟؟

وفى حل لكده؟؟؟؟؟
مع العلم ان العربية مش بتسخن الكبوت بس

**Ayman_52** · 12-08-2010 06:02 AM

هو طبيعى انه يسخن وخصوصا فى الجو اللى احنا فيـه دا , بس اكيد باردوا جزء من هالسخونه راجع لعدم التبطين

ربنا يباركلك فيهــا يارب ويحفظهالك و يكفيك شر الطريق

تحيــــــــــاتــى

**spiderloking** · 12-08-2010 06:17 AM

متقلقش ده الطبيعي يا باشا انا معايا ساجا سوده و طبعا انت عارف اللون الاسود و في الشمس بتعمل ايه والله بتبقي مولعه من السخونه من غير حتي ما تدور هههههههههههه بس نعمل ايه الجو بقي بتاعنا مش هنقدر نغيروا بس بسم الله ما شاء الله العربيه جميله و الاهم بقي من سخونة الكبوت انوا العربيه نفسها مش بتسخن و ده المهم انا تقريبا العربيه عندي بتبقي درجه الحراره يا اما شرتطين يا اما 3 بالكتير اوي عمرها ما طلعت اكتر من كدا حتي مع السفر لمسافات طويله والله مش بتزيد و في الايام الولعه ديه و الجو ده بجد عربيه تحفه الحمد لله انوا ربنا كرمني بيها بجد فعلا عربيه محترمه

**spiderloking** · 12-08-2010 06:18 AM

اه نسيت اقول حاجه انا شوفت ناس مبطنه الكبوت من جوه ببطانه عازله للحراره ياريت يا جماعه لو حد يفيدنا البطانه ديه مصونعه من ايه او ايه الخامه بتاعتها و فين نعملها و تكلفتها قد ايه و شكرا ليكم

**rehabsalah** · 12-08-2010 09:32 AM

انا كمان عندي ساجا حمرا و لفتت نظري الحكاية دي و قلقتني قوي قوي , بس احد الاخوة ف المنتدى رد و برده وقالى طالما مؤشر حرارة العداد طبيعي يبقى خلاص, اي حد شايف حل للحكاية دي يقولنا جزاكم الله خير, هي مش مشكل قوي بس تقلق , اي حد عنده تجربة مشابهة يقولنا عمل ايه, العربيه اجمالا ممتازة جدا

**Hegazio** · 12-08-2010 09:36 AM

والله انا مش عندي ساجا ولا حاجة .. بس احب اضيف اني اعرف ناس بتبطن عربياتها .. بس حد يساعد و يقول بيتجاب منين

**afr80** · 12-08-2010 10:05 AM

انا مأخدش بالي من الموضوع ده، بس لو التبطين ده هيتعمل يبقى تمام و خصوصا انها هتقلل صوت الموتور

**tutankhamoun** · 12-08-2010 01:22 PM

سخونة الكبوت طبيعي جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا

غطاء حديد مغطي موتور بينتج حرارة و مفيش عازل بينهم ........ و حتى لو فيه عازل برضه هايسخن .

ده في أي عربية في الدنيا ........ أي عربية في الدنيا ........

أهم حاجة حرارة الموتور نفسه ............. تكون في الوضع الآمن ..... غير كدا سخونة الكبوت طبيعية جدا .