الموضوع: حد هنا خد كورس انجليزى فى المعهد البريطانى ؟؟؟

المشاركة الأصلية كتبت بواسطة hossam_chixo

اولا السلام عليكم و رمضان كريم

انا كنت عاوز اسأل عن المعهد البريطانى عشان ان شاء الله هاخد فية انجليزى
اولا مكانة فين و نظام الدراسة فية من حيث مواعيدوة و كام يوم فى الاسبوع و المرة الواحدة كام ساعة و الاسعار
ياريت الى اخد فية يقولى و شكرا جدااا ليكم
و رمضان كريم .

السلام عليكم و رحمة الله و بركاته

و كل عام و أنتم بخير


المعهد الثقافى البريطانى اللى فى القاهرة , موجود فى العجوزة , على الكورنيش , جمب مسرح البالون , لكن اللى فى الاسكندرية , أنا مش عارف مكانه بصراحة .

أنا هبعتلك اللينك بتاعته و ممكن تتصل بيه و تسأله على اللى أنت عاوزه و هما ناس محترميييييييييييين جداااااااا و هيردوا عليك سواء بالتليفون أو لو بعتلهم ايميل و لو أنت من القاهرة , ممكن تخطف رجلك لحد هناك .

أنا مكنتش أخدت فيه كورسات بصراحة , بس اللى كانت أخدت فيه كورسات كانت أختى لأنها كانت بتجهز لبعثة و قالتلى أن الكورسات مش هتخليك شكسبير فى الانجليزى لأن ده مابيحصلش فى الشهرين أو التلاتة بتوع الكورس, بس الكورس هيعرفك ازاى تجاوب صح فى الامتحان و تجيب سكور عالى و هيعرفك ايه التكات اللى ممكن تقع فيها و أنت بتحل و المطلوب منك قبل و خلال و بعد الكورس أنك تدرب نفسك على اللغة و أحسن حاجة تعمل بيها الموضوع ده أنك تتفرج على نشرات الأخبار الانجليزى و الأفلام اللى بدون ترجمة و تتعلم و تدرب نفسك أنك تلقط الكلام و تفهمه , أما بالنسبة للكلام , فده , أنا مش عارف أنت ممكن تعمله ازاى , انا اللى ساعدنى فى الموضوع ده , انى كنت فى السعودية و كانوا كل الممرضات اللى فى المستشفى فلبينيات و هنود و كان فيه الأطباء غير العرب, بيبقوا هنود و باكستانيين و كنا بنضطر أننا نتكلم معاهم انجليزى لأنهم مابيفهموش العربى أوى .

أنا كنت امتحنت انجليزى IELTSجنرال فى المركز الثقافى البريطانى اللى فى جدة فى السعودية أيام ماكنت بخلص اجراءات الهجرة .

الموقع بتاع المركز الثقافى اللى فى القاهرة أهوه :

http://www.britishcouncil.org/egypt

و كمان اللينك الجاى ده فيه كمية كتب وهمية خاصة بالأيلتس و كل الشهادات التانية بتاع الانجليزى زى التويفل , الكتب دى كلها امتحانات و هتفيدك كتيييييييييييييييييير أوى و المركز أعتقد مش هيديهالك و تنزيلها سهل جدا من الموقع ده و المطلوب أنك تنزلها و تحلها كلها و تحل كتييييييييييييييير قبل الامتحان عشان تجتاز امتحان الايلتس بسهولة لأنها زى الامتحان بتاع الأيلتس بالظبط فى كل شئ .

الكتب هتلاقيها PDF و تلاقى كل كتاب الجزء بتاع الListening عبارة عن مقاطع صوت , الكتب دى مهمة جدا , أنا لما جيت أمتحن أيلتس ماعملتش حاجة غير ان اشتريت طابعة رخيصة و كنت بطبع امتحان بامتحان و أحله و لما أخلصه , اصححه لنفسى و بعد كده أطبع غيره و هكدا , لكن ماكنتش أخدت دورات هناك ولا حاجة لأن مكنشى عندى وقت و الحمد لله جبت السكور اللى أنا كنت عاوزه عشان الهجرة .

للمرة التالتة , الموقع ده فيه كتب مهمة جدا و احدث الاصدارات هتلاقيها فيه .

http://englishtips.org/index.php?newsid=1150805451


شكرا و آسف للاطالة

مازيراتى كواتروبورتيه

الف الف الف الف شكر يا استاذ MASERATI والله مش عارف اشكرك ازاى بجد نصايح حلوة و مواقع جميلة جدا
هو بخصوصى انا لسة متخرج من تجارة السنادى الحمد لله بس عاوز اعمل اساس كويس اوى فى اللغة

و ياريت لو فى اى معلومات اخرى عند اى حد عن المركز دة يقولها
و شكرا جدااااااااااااااااااااا

وانا مطلوب مني التوبفل اجباري عشان اسجل الدكتوراة والاسكور ميقلش عن 500

المشاركة الأصلية كتبت بواسطة mohamedbook

وانا مطلوب مني التوبفل اجباري عشان اسجل الدكتوراة والاسكور ميقلش عن 500

بالتوفيق ان شاء الله

ياريت ياجماعة الى جرب المعهد البريطانى و خد فية كورس انجليزى يقولى و شكرا جدااا

ربنا معاك
هوكويس بس مش قوى زى زمان انت طبعا هتعملامتحان تحديدمستوى رسومه من سنةكانت 60جم
الكورس الواحد فى genera lenglish رسومه 980 جم والكتاب بحوالى 150 جم وبيفضل معاك 4 كورسات

المشاركة الأصلية كتبت بواسطة esam_refaat

ربنا معاك
هوكويس بس مش قوى زى زمان انت طبعا هتعملامتحان تحديدمستوى رسومه من سنةكانت 60جم
الكورس الواحد فى genera lenglish رسومه 980 جم والكتاب بحوالى 150 جم وبيفضل معاك 4 كورسات

ولا يزال امتحان تحديد المستوي ب 60 جنية لاني لسة ممتحن ودخلت علي المستوي السادس

الامتحان شفوى صح انا حاسس بعد الثانويه انى نسيت الانجلش وعايز ارجع اظبط نفسه تانى فيه المعهد البيرطانى وفيه معه بيرلتز
ايه رايكو

المشاركة الأصلية كتبت بواسطة hamed_73

الامتحان شفوى صح انا حاسس بعد الثانويه انى نسيت الانجلش وعايز ارجع اظبط نفسه تانى فيه المعهد البيرطانى وفيه معه بيرلتز
ايه رايكو

امتحان الجامعة الامريكية عبارة عن 90 سوال كل سوال يستغرق 15 ثنية
اول حاجة بتكتب لتر عن موضوع هو محددهولك تقريبا مدتة حوالي عشر دقائق او ربع ساة
اما بقي الاسيلة
وهو لحد السوال رقم 70 تقريبا بيكون سمعي يعني تسمع من الريكوردر وتختار الاجابة من الورقة بعمل تظليل عليها عشان الكمبيوتر هو الي بيصحح الامتحان
وبعدين بيجيب 3 قطع تقراهم وتجاوب عليهم في ربع ساة
هو دة الي انا فكره