ماتريكس يا كابتن

**PAYOO** · 03-07-2007 07:55 AM

المشاركة الأصلية كتبت بواسطة Mohamed Elsheikh

الحالة الوحيدة الي ممكن يرخصهولك فيها ان الموزع الي تشتري منه العربية يكتبلك في جواب المرور انه تم بيع السيارة بدعمات أمامية.

هل ده معناه انه الخلفي و الجوانب لا يوجد عليهم اي مشاكل :?:

الأمامي والخلفي همه إللي عليهم مشاكل عشان المرور بيعتبرهم أكصدامات معدنيه (وتقريبا كده إن الأكصدامات المعدنيه محرمه دوليه) لكن في حاجه بعد التقصي والتحقق من الأمر أتضح أن الأكصدامات المعدنيه والزجاج الملون لو مثبتين في الافراج الجمركي يبقى هايترخصوا ومش هايبقى في غرامات ولا يحزنون

حد فاهم حاجه ؟

**Khal_gam** · 17-03-2009 01:41 AM

انا اشتريت ماتريكس 2005 من 3 أيام عاملة 12000 فقط ورفعتها فى البنزينة وفعلا حالتها ممتازة من ناحية الشاسية وحالة الموتور وسألت المهندس اللى بيكشف على العربية هل ممكن تكون موديل 2005 وعاملة 12000فقط قال محدش يقدر يعرف بالضبط
الكلام ده صحيح؟

**Ahmed Hassan** · 17-03-2009 02:09 AM

المشاركة الأصلية كتبت بواسطة Khal_gam

انا اشتريت ماتريكس 2005 من 3 أيام عاملة 12000 فقط ورفعتها فى البنزينة وفعلا حالتها ممتازة من ناحية الشاسية وحالة الموتور وسألت المهندس اللى بيكشف على العربية هل ممكن تكون موديل 2005 وعاملة 12000فقط قال محدش يقدر يعرف بالضبط
الكلام ده صحيح؟

وديها التوكيل... هما بيكون عندهم تاريخ العربيه هناك.

**mecho_392** · 17-03-2009 02:14 AM

المشاركة الأصلية كتبت بواسطة Khal_gam

انا اشتريت ماتريكس 2005 من 3 أيام عاملة 12000 فقط ورفعتها فى البنزينة وفعلا حالتها ممتازة من ناحية الشاسية وحالة الموتور وسألت المهندس اللى بيكشف على العربية هل ممكن تكون موديل 2005 وعاملة 12000فقط قال محدش يقدر يعرف بالضبط
الكلام ده صحيح؟

ايوه يا باشا فى ناس بيكونوا تجار ومحترفين او نصابين او اى حاجة ممكن متخطرش على بالك ممكن يفصلوا العداد و يمشوا بالعربية زى ما يمشوا و فى الاخر انت تاخدها على انها زيكو----------> الماتريكس عندى 2007 و عديت ال 56000 كم.
و ال i10 مكملتش شهر و نص و عملت 2200 كم فصعب جدااااااا 12000 كم فى 4-5 سنين بس كل شىء جايز فى مصر ام الدنيا.
و الف مبروك يا باشا و استمتع بعربيتك الماتريكس دى دبااااااااااااااااااااااا ااااااااااااابة استاذة

**unounobebo** · 17-03-2009 10:50 AM

خلي بالك لازم تروح التوكيل في واحدة أعرفها إشتريت عربية ماتريكس عاملة 27000كم و قبل ماتشتريها راحت لكذا ميكانيكي و قالولها العربية تمام بس كسلت تروح أبو رواش للكشف علي العربية و بعد كدة كان جوزها رايح يعمل صيانة في أبو رواش فقال لهم البيانات إنها صيانة ال30000 ماحدش قالة حاجة لأنة ما سألش و علشان ربنا عايزة يعرف الحقيقة راح يقف مع الصنايعي بتاع الصيانة فقالة العربية تمام قالة تمام يافنددم بس العربية دي المفروض دلوقتي تبقي تعمل صيانة ال100000 إزاي حضرتك كاتب البيانات صيانة ال30000 المهم شاف البيانات بنفسة و عرف إن هو إتضحك علية . الحمد للة العربية كويسة و كل حاجة بس كتير قوي علي ماتريكس 100000 مستعملة كان زود 20000و جابها جديدة . لازم تروح أبو رواش و تسأل صراحة عن العربية حتي لو كان معاك المشتري الحق ما يزعلش . و ربنا يعملك اللي فية الخير.