هل انت راض عما يحدث

**Islam_galal** · 09-03-2008 11:28 AM

لا صدقني محتاج استطلاع
الإستطلاعات بتفاجئني شخصيا بأن بعض المواضيع اللي الواحد بيعتبرها مسلمات لا تعني ذلك نهائيا عند البعض الآخر
بشكل شخصي أحب أعرف الناس اللي أنا عايش وسطهم بيفكروا إزاي

**tutankhamoun** · 15-03-2008 09:21 AM

أنا لا أؤمن بنظرية المؤامرة

كل ما نحن فيه من مشاكل ليس سببه الحكومة وحدها كما يتهمها معظم المصريين
نحن كشعب ......... دائما و أبدا ما نتهم غيرنا كسبب لمشاكلنا
غلو الأسعار شئ طبيعي جدااااااااااااااااااااااا اااااا
و ليس في مصر فقط ...................... كل الدنيا بتغلى
و لكن هل يمكن حل المشكلة في مصر ؟؟؟
بالطبع نعم

يجب تغيير النظام الحكومي كاملا ........ النظام و ليس الحكومة
لأنه لو جائت مليون حكومة على هذا النظام سيكون مصيرها كمصير سائر الحكومات
لأن النظام غلط .......... فما بني على غلط فهو غلط
ثانيا يجب وقف الزيادة السكانية الرهيبة
ثالثا تفريغ المدن القديمة من سكانها و تسكينهم في مدن و قرى جديدة يتم إقامتها في الصحراء لإستزراع الأرض و زيادة الإنتاج الزراعي
رابعا حبس من يبني على أراضي زراعية و تغريمه مبلغ مالي كبير حيث أن مصر يا سادة خسرت مليون فدان زراعي و السكان ما شاء الله بيزيدوا زي الأرانب و بقينا 80 مليون و ده كان أخر تعداد في يناير 2007

الحكومة مسئولة عن 70 % من المشاكل و الشعب مسئول عن 30 %

.................................................. ......................
و الشعب نيته سودة و علشان كدا الحكومات المتعاقبة بتكون من الشعب و نيتها سودة
مستنين ايه ؟؟؟؟؟؟؟؟؟؟؟؟؟؟؟؟؟؟
و بلاش بقى شماعة الحكومة ........ الحكومة اللي ملهاش لازمة
لأن الشعب لو تضافر مع بعضه و أحترم بعضه مشاكل كتير هاتتحل إن شاء الله
و لأن الشعب همجي ,,,,, و متخلف و يعيش بأخلاق الغابة
فدائما و أبدا سيكون حالنا هكذا

**mshamy** · 15-03-2008 10:00 AM

الكلام ده يا سيدي الفاضل هو أحد كلاسيكيات العمل السياسي في المحروسة .. زي اليومين دول ما هم عاملين يلموا في الأخوان علشان الإنتخابات...برضه عمل كلاسيكي (بقت محفوظات)
ولله الأمر من قبل و من بعد

**ضيفو** · 15-03-2008 10:30 AM

هى لا مؤامرة ولا صدفة هى تخطيط متخطط صح من ناس بتفكر صح ولاقيه ناس ماشية وراهم بيقولوا امين عشان مصالح شخصيه وللاسف نسيوا ان بين اللى هما فيه وبين ساعه العرض ع الله مافيش نفس خارج ممكن ميدخلش بس الانسان جبروته خلاه يفتكر اللى قدامه وينسى اللى جاى بعدين

انا عجبنى الموضوع لان التساؤل بيجيب افكار والافكار بتجيب حلول
الاخ توت عنخ امون الناس بايظه والحكوومة من الناس وعايز النظام يتغير مش الحكومة كلامك صح بس ازاى ..عرضت المشكلة ..و التشخيص نص الحل بس فين النص التانى

والاخ اللى استنجد بعمر بن الخطاب رضى الله عنه حط الحل

يعنى عندنا مشكلة..

عندنا حل لها ..

فاضل ايه بقى.. ؟؟
نفكر ازاى نستخدمه..

وبعد التفكير لازم تنفيذ ..ولا نبقى معملناش حاجة..

انا صوت انها مؤامرة لاننا لو بنقرأ الكتب اللى ع الرصيف هنعرف كويس اوى انهم بيخططوا للعرب والمسلمين خاصة.. انهم يتلهوا ع عينهم فى اى حاجه غير انهم يبقوا مسلمين بجد لانهم لو بقوا مسلمين بجد هما مش هيبقى لهم وجود

وربنا يرحمنا لان الوضع ده لازم هينتهى بس لازم تبقى فى تضحيات

**BASHAR** · 15-03-2008 02:44 PM

[QUOTE=ibrahimsaad;186274]ياسيدى العمليه واضحه زى الشمس ومش محتاجه لتصويت
شويه بلطجيه بيتحكموا فى اقتصاد البلد والاسعار وصحافه من اسوأ ماتكون تروج وتلهى الشعب
ومن تحت يتم زياده الاسعار ورفعها رفع جنونى والناس سكرانه وبتشجع كأس الامم
والناس بتموت فى طابور العيش ولاحد بيتكلم
ووووووووووووووووووووووووو ووووووووو
البلد فى طريقها الى انهيار سريع جدا وسوف يحدث مالا يحمد عقباه
حسبنا الله ونعم الوكيل
ولا حول ولا قوه الا بالله

**Noha.M** · 16-03-2008 03:54 AM

هي مش مسألة مؤامرة اوى هو مجرد اهتمام بتفاهات عشان الناس متركزش اوى في البلاوى اللى بتحصل و دى سياسة قديمة و متبعة من زمان اوى

و بغض النظر بأة عن ان احنا شعب معرفش ايه و مؤمنين بالمؤمرات و الكلام دة انا شايفة ان اكتر حاجة مضيعة البلد دى هي العصابة اللى مسكاها !!

**E_Farid** · 16-03-2008 04:28 AM

لسنا فى زمان أبرهة !

كانت محاضرة رائعه سمعتها لدكتور راغب السرجانى،

كان بيقول فيها ان سنة الله تغيرت مع نزول الوحى على سيدنا محمد صلى الله عليه وسلم،

مع الأنبياء قبل سيدنا محمد صلى الله عليه وسلم كانت سنة الله تقضى بمعاقبة الظالمين والطغاة بمعجزة الاهية زى ما حصل لأبرهه عندما فكر فى هدم الكعبة ونزلت عليه الطير الأبايبل،

لكن مثلا فى احداث مهاجمة الكعبه بزعامة أحد الشيعة فى العصر الحديث وأخذوا الحجر الأسود من الكعبة لم تنزل عليهم صاعقة او تنزل الطير الأبابيل وظل المسلمون يحجون الى الكعبة والحجر الأسود ليس بها أكتر من عشرين سنة.

زى برضه ما بيحصل فى فلسطين دلوقتى والمسجد الأقصى، وكلنا مستنيين الأرض تنشق وتبلع اسرائيل وده عمره ما هيحصل..

يعنى هنرجع تانى نقول ان الله لا يغير ما بقوم حتى يغيروا ما بأنفسهم،

وأتحدى ان أى مسلم يقدر يكون ليه كرامة بدون ما يكون مسلم بجد، حتى لو اتقدم اقتصاديا وطلع القمر، مادام بعيد عن ربنا عمر ما هتكون ليه كرامه،

وزى ما سيدنا عمر بن الخطاب قال، نحن قوم أعزنا الله بالإسلام فإن ابتغينا العزة فى غيره أذلنا الله،

ومع احترامى للجميع المشاكل الإقتصادية وفساد الحكومة والزبادة السكانية كل دى مشاكل بنعلق عليها شماعة فشلنا،

علشان الغالبية عايزة تمشى بمزاجها ، مكتوب فى البطاقة مسلم ومبيصليش وبيتعامل بالربا ومكتوب فى البطاقة مسلمة ومبتصليش او مش محجبة، ده غير بقى صحوبية الشباب والبنات وقصص الحب اللى كلها ذنوب..

هنقول ايه ولا ايه .....

أقولكم أنا،

والله العظيم مافيش سبيل اننا نتغير ويبقى لينا كرامة وعزة وأحوالنا كلها تتغير الا اذا كنا مسلمين صح أولا وأخيرا،

واللى بقى عايز يدور بس على الأسباب الإقتصادية والسياسية ويقول الدين مالوش دعوة بالدولة والله عمره ماهيوصل ابدا،
الا بقى اذا غير ديانته... دى حاجه تانية..

**محمد المشد** · 23-03-2008 01:25 PM

بالنسبة لموضوع المؤامرة فهذا شىء معروف بصفة عامة وليس فى مصر ويتم تدريسة خاصة فى الكليات السياسية والاجهزة الاستخباراتية ! وهذا ليس بدعة مستحدثة من هنا او هناك ، ولكن الشاطر من يستطيع من الحكام القيام بحبك المؤامرة واسباغ الشرعية عليها كما يفعل البعض الان !!!!
اما بالنسبة لموضوع الحضرى وخلافة فأعتقد ان الحضرى لم يكن محسوب فى قائمة المؤامرة ولكن جاءت لهم هدية لكى يشغلوا الشعب عن الغلاء وهلما جرة ! وبالتالى كل شىء يأتى بالصدفة يقومون بتوظيفة لمصلحة النظام مهما صغر الشىء او كبر المهم المحافظة على الكراسى
ولكن اليس عجيباً ان يبتلع الشعب المسكين الطعم دائما ؟ فلو نظرنا الى قضية صبى النجار ( الحضرى ) لوجدنا بأن الشعب ترك كل شىء ولم يعد لدية اى شىء الا قضية الحضرى وترك غلاء الاسعار والمحليات وغيرة الكثير ! استطاع الاعلام المبجل لدينا من نشر سوسة المؤامرة على الشعب المسكين ولكن اقول لكم ( ان الله لايغير ما بقوم حتى يغيروا ما بأنفسهم ) صدق الله العظيم
وكيفما تكونوا يولا عليكم