المشاركة الأصلية كتبت بواسطة khaled_nowaihy
الله أكرم ... كل سنة وانت طيب يا أبو ليلى ....
خلاص انت اشتريت العربية والأحاسيس والوساوس اللى بتقول عليها كلنا بنحس بيها ... تصدق بالله ؟ انا امبارح حكيت فى مطب عالى وانا خارج بالكارينز ,,, طنشت وكبرت دماغى وقلت سليمة ان شاء الله ....
وانا ماشى فى الطريق سيطر على هاجس ان العربية صوتها على فجأة ... برضه كبرت دماغى ....
صحيت النهارده الصبح على حلم انى كنت (خير اللهم اجعله خير) رافع العربية عند بتاع الشكمان وبيقول لى الشكمان مخروم وعاوز لحام !!!!
وانا ازعق له واقول له لألألألأ سيبه اوعى تلحمه انا حروح التوكيل ... لو شافوا اللحام بتاعك الضمان حايضيع على
الراجل ما سمعش الكلام وضرب بنطة اللحام فى الشكمان وانا عمال ازععععععععععق له
وطبعاً صحيت مفزوع !!!!!!