السلام عليكم يا شباب
ديه اول مشاركه ليه
انا ان شاء الله نويت اشترى عربيه
محتار قوى بين النيسان التيدا و اللانسر 2008 الشكل القديم sport
ياريت تساعدونى يا شباب بخبرتكوا لأن ديه اول عربيه اشتريها فى مصر
عرض للطباعة
السلام عليكم يا شباب
ديه اول مشاركه ليه
انا ان شاء الله نويت اشترى عربيه
محتار قوى بين النيسان التيدا و اللانسر 2008 الشكل القديم sport
ياريت تساعدونى يا شباب بخبرتكوا لأن ديه اول عربيه اشتريها فى مصر
اللانسر 2008 الشكل القديم sport تكسب
شكلا النيسان التيدا
أما الأداء ............ الله أعلم
تـــــيـدا 100% تكسب :)
تيدا طبعا و مش هتندم
تيدااااااااااااااا
قرار الشراء يتوقف علي تقبل حضرتك لبعض الاشياء ..
منها شكل التيدا اللي هو الي حد ما غريب علينا ( لكني شخصيا بحب الهاتشباك منها ) .. و قلة منافذ قطع غيار التيدا مقابل اللانسر .. و ارتفاع اسعار قطع غيارها قليلا .. لكن مش فارقة كتير عن اللانسر .. بالاضافة الي اعادة البيع اللي اللانسر بتكسب فيه بجدارة ..
..اول ما حتدور العربية التيدا ... حتفضل ساكت ثانيتين .. و بعدين حتقوم مدور تاني .. حتلاقي صوت احتجاج من المحرك بيقولك انه دار خلاص و اشتغل ..اي : ملهاش صوت .. حتي و العربية بارده و الار بي ام بتاعها عالي ..
الكراسي اشيك و اريح من اللانسر .. و حتحس انك قاعد في انتريه .
العزل ممتاز .
تكييف رائع.
باور ستيرنج ممتاز و اظرف من اللانسر ..
شكل التابلوه حلو اوي .. و فيه فخامة بتفكرك بتابلوه الانفينيتي اللي بنشوفه في الصور .. بالاضافة انه مريح جدا للعين ... ده مع اني كنت من اكبر المعجبين بتابلوه اللانسر لانه مش معقد و مريح جدا .
اتساع العربية مش طبيعي للاقدام و الاكتاف و الراس .. يقابله ضيق في مساحة الشنطة للموديل الهاتشباك .. تغلبوا عليه في السيدان .. بس السيدان شكلها وحش ..
موضوع الشنطة ده ليه حل ظريف جدا و هو ان الكنبة الخلفية بتتحرك للامام و الخلف زي الكراسي الامامية بالضبط .. و حتي لو حركتها للامام ..حيفضل مساحة مش بطالة للجالسين بالخلف .. و حتوسع مساحة الشنطة .
الموتور سحبه جيد جدا .. مش حقول ممتاز .. و لكنه جيد جدا .. و بيديك اللي انت عاوزه .. يكمله الفتيس السي في تي .. اللي بيديك باور عالي مع اربي ام منخفض .. و هي ميزة جميلة جدا بتريح الموتور و تحسسك بنعومة العربية .. مع ملاحظة ان نفس تكنولوجيا الفتيس موجودة في اللانسر .
..برغم انني من اشد محبي اللانسر .. الا ان العربيةالتيد لما شفتها و ركبتها و بعدين سقتها شدتني جدا بتقفيلها الجيد و اتساعها ( لانني من ذوي الاجسام المحترمة ) و نعومتها .. و دي حاجة بتريحني جدا لان سواقتي الي حد ما .. معتدلة ..
من السابق يتضح و بشدة ان بقولك اشتري .. لانسر :)
لا طبعا .. انا ميال للتيدا جدا .. بس قرار الشراء راجع لك و لاحتياجاتك و اللي انت عايزه من العربية .
كلمة اخيرة .. لا تنس الاستخارة و الدعاء دائما بان يوفقك الله لما فيه خير لك .
تحياتي
lancer lancer lancer then tiida tiida stability is not nice after 140km\hour
IBIIIIIIIIIIIIIIIIIIIIIIZZZZZZZZZZZZZZZZZZZZZZZZZZ AAAAAAAAAAAAAAAAAAAAAA FOR EVER
For Sure Teda
جزاك الله كل خير يا استاذ حسن
انا ميال لشكل اللانسر اكثر و خصوصا علشان فتحه السقف و السى دى (الكماليات) و ان شكلها شبابى اكثر
يعنى شكل التيداالسيدان مش عاجبنى خالص و خصوصا شكل الفتيس
وانا محتاج عربيه سيدان مش هاتشباك لأنى محتاجها لعائلتى(5 افراد)
بس انا قرات ان مشاكل اللانسر كثير
يعنى بتحس بأى طوبه فى الأرض
و الكراسى مش مريحه على عكس التيدا
كل اللى انا اعرفهم منقسمين بين التيدا و اللانسر
مع ان الغالبيه العظمى بتميل للانسر علشان اعادة البيع و قطع الغيار الأرخص ..... الخ
انا اللى يهمنى مين احسن فى التحمل على الطريق لأنى هسافر بيها
و هروح بيها الشغل كل يوم
من حدائق القبه للقريه الذكيه
فعايز العربيه اللى مستقرة اكثر على الأرض
اللى عزلها احسن
اللى مريحه اكثر
اللى بتوفر اكثر فى البنزين
اخي الكريم ..
طالما انت مش متقبل شكل التيدا ..يبقي مش حترضي عنها حتي لو كانت ملكة جمال العربيات .. و بعد ما تشتريها حتفضل ( تبصبص ) للعربيات التانية .
و انصحك لو مسقتهاش ياريت تسوقها .. ممكن تغير فكرتك عنها .
العربية اللانسر لا غبار عليها .. بشهادة الشعب المصري باكمله .. و السوبر اكشن فيها ممتازة و فخمة .. و غنية جدا بكمالياتها من سيديهات لفتحة سقف لجنوط .. الخ
لكن هو اعتراضي عليها انها اصبحت مغالي في سعرها بشكل زائد ..
الخلاصة ان العربيتين زي الفل و حلوين ... العزل و الراحة .. التيدا تكسب ..لكن الفروق مش ضخمة ..
اعادة البيع و الصيانة و الاتزان علي السرعات العالية .. اللانسر تكسب ..
لكن عامة انا مش بحس بموضوع الاتزان ده لاني مبزودش عن 110 120 بالكتير ..
رجاء .انك تاخدلك لفة في قسمي النيسان و الميتسوبيشي .. حتلاقي خبراء في كلتا السيارتين و يجاوبوك عن كل اسئلتك اجابات شافية ووافية ..
و حاول تسوق العربيتين قبل ما تشتري ..
و متنساش الاستخارة .. و ربنا يوفقك للاختيار المناسب..
تحياتي
لانسر :) مع اني من اصحاب النيسان بس التيدا عايزه معامله من نوع خفيف
اللانسر تستحمل عنها
التيدا فيها اوبشنز جميل و ماتورها سحبه عالي و ياباني بس رأيي اللانسر الفول اوبشنز
تيدا هاتش باك ...لو سيدان يبقى لانسر
التيدا , سيارة انعم و احدث
اللانسر خلاص شكل قديم و انتهى
فعلا دى نقطة مهمة ، احنا عندنا شعور عاطفى لمقتنياتنا ، يعنى ما بنحبش نفرط فى الحاجة القديمة و بنعتبرها وش الخير و السعد ، و مابنقبلش بالتطور بسهولة ( على راى المثل ان القديمة تحلى و لو كانت وحلة )
الانسر و الصنى شكلهم قدم و امكانياتهم اصبحت ضعيفة بالمقارنة بالموديلات الحديثة ، خاصتا ان فى الموديلات الحديثة بيكون التركيز على تعدد و تقدم وسائل الأمان و استهلاك الوقود و الحفاظ على البيئة و طبعا التقدم التكنولجى لتجهيزات العربية ، بعكس الموديلات القديمة .
استاذ / mabdulhady
راى حاول تفاضل بين الموديلات الجديدة و بعضها و شوف الى يناسبك منها ،و لما تستقر على عربية دور على اى معلومات فى الأنترنت و استخير الله سبحانه و تعالى و توكل عليه، و سيبك من القديم عشان ما تحسش انك دفعت فلوس كتيرة فى حاجة قديمة .
و على فكرة ، التيدا عربية كويسة جدا و عائلية و واسعة ، و حطها فى المقارنة مع الجديد مش مع القديم
و ربنا يوفقك للخير
لانس اسبورت سام _بفوانيس غامقة)لونها ابيض .........وعيش حياتك
انا مش عايز اذكر رأيي علشان متقولش انى متحيز
بس الحمد لله العربيه مريحانى الى الان
و بالنسبة للشكل
انا معاك ان الشكل مش عاطفى بس واحد قالى حكمة قديما
انا ليا الدريكسيون و التابلوه و الاابعاد
الشكل بتاع الناس اللى بره
و الناس ما بتعجبش بحاجه
فسيبك من الناس و كلام الناس
tiida الهاتشباك مش معقولة
Lnacer is better
انا مع الانسر السبورت
اه ممكن الانسر متكنش ناعمه زى التيدا بس مش للدرجه المزعجه الى تخليك تقرف من العربيه
انا ركب التيدا عن نيسان النزهه محستش انها فخمه اوى, حاسس انها عاديه
يمكن تمتاز عن الانسر بالشكل العصرى للعدادات
ومش عارف ليه مش حابب شكلها الخارجى
عندك الانسر السبورت كماليات من جنوط وcd وفتحه سقف وعتب وكساحات وفوجات وسبويلر
طبعا ده غير اعاده البيع وتوافر قطع الغيار فى كل مكان وده شئ مهم جدا لو بتسافر كتير
التيدا عربية جامدة قوى بس الناس مش عرفاها.
التيدا افضل من الانسر فى كل شيئ.
تيدا وش هي دي عايزه سؤال
حضرتك ممكن تشوف المنتديات الخليجية حتلاقيهم بيمدحوا في التيدا كتير
لانسر انا سمعت ان التيدا بعد 140 مش لطيفة في الثبات
انا مش عايز اكون متحيز بس والله التيدا عربيه محترمه جدا جدا
كفايه ان دلوقتى داخل على 30.000 الف كليو ومفتحتش الكبوت وكله فى صيانه التوكيل بتاعت ال5.000 والتوكيل اكتر من محترم فى تعاملاته وليه فروع كتير
دى حاجه
عن امكانيات العربيه طبعا هنا الناس وصفت العربيه احسن وصف بس انت بتقول عربيه عائليه هتجيب عربيه فيها عفشه رياضيه ليه
التيدا فى الاتساع وفى النعومه تكسب طبعا
وياجماعه الناس هنا محاسينى ان بعد ال 140 ببقى راكب مراجيح مش للدرجتى يعنى ايوه الثبات بيقل لكن انت متحكم فى العربيه وانت فين هتجيب ال 140 دى وانت فى مصر
الخلاصه عن تجربه دى ودى لو خيرونى تانى هختار طبعا التيدا
الصراحه اللى انا شايفه اللى تتقارن مع التيدا الميجان
انا عايز بس اضيف حاجه انت لو رحت اليابان بلد العربيه دى هتشوف العربيه دى عامله ايه هناك زى الانسر عندنا :biggrin24:
بعض من الاراء فى مواضيع تانيه مشابهه :dots:
اقتباس:
مش حاقدر اقولك تقييم علشان مركبتهاش كتير .. لكن ممكن اقولك بعض تامعلومات من تجربتي .. و تجربة صاحبها ..
* العربية ماشاء الله واااااااااااسعة .. في الامام و في الخلف مع مساحة محترمة للرأس و الارجل و الاكتاف
* الكنبة الخلفية قابلة للطي .. كذلك مسند الكنبة الخلفية يتحرك للامام و الخلف مثل الكرسي الامامي .. و الكنبة الخلفية ككل تتحرك للامام و الخلف مثل الكراسي الامامية مما يساهم في تكبير مساحة الشنطة .
*الشنطة ضيقة نوعا ما في الهاتشباك مقارنة بالسيدان .. لكن يمكن التغلب علي ذلك بتحريك الكنبة الخلفية كما اسلفت .
*العربية سحبها غاية في النعومة و محل تقدير لاصحاب القيادةالمعتدلة و الهادئة .. اما اصحاب القيادة ( المتعفرطة ) فالعربية حتضايقهم شوية .
* صوت المحرك غير مسموع علي الاطلاق و انت داخل الكابينة
* وضعية القيادة مرتفعة الي حد ما ..
* مش حتشوف الكابوت
* تكييف السيارة رائع
* الخامات المستخدمة في الصالون للتابلوه و الكراسي ممتازة .. و التقفيل ممتاز .. و يوجد بها اماكن تخزين عديدة (كونسول و مخدع للذراع بين الكرسيين الاماميين / درج التابلوه حجمه محترم جدا / درج تخزين اسفل زرايرالتكييف تعلوه لمبة ذات اضاءة خافتة / مساحة تخزين صغيرة اسفل الكاسيت مباشرة / مساحات التخزين بالابواب كبيرة )
* استهلاك البنزين عادي .. لا جيد و لا وحش .. الاستهلاك العادي لفئة 1600 .
* عفشة كويسة جدا .. تمتص المطبات باقتدار و تدعم الراحة قليلا مقابل الثبات
* الثبات .. : انا شخصيا ما زودتش عن 100 .. لكن صاحبها بيقول ان ثباتها بيقل بشكل ملحوظ بعد 120 او 130 .
* مفتاحها مش ريموت .. و معاها ريموت منفصل
......................
اتمني اني اكون افدتك علي قدر الاستطاعة
تحياتي
اقتباس:
جزاكم الله خيرا
هي فعلا جميله جدا
وفخمه جدا من جوه
انا روحت نيسان اللي في شارع سوريا في المهندسين واتفرجت عليها من جوه
غايه في الجمال والشياكه
وحكايه ان ابعادها مش واضحه فدي انا متعود عليها لأن كان معايا بونتو وفيها نفس الموضوع
ان شاء الله نيسان تيدا
اقتباس:
انا لسه عامل صيانة ال 5000 كم انهارده ، و العربية الى معايا هاتشباك اوتوماتيك
ادائها ممتاز و ناعمة جدا و عفشتها كويسة و صوت الموتور هادى جدا ( و على فكرة المواتير اليابانى بتنعم كل ما العربية تمشى اكتر ) ، الصالون فخم و مواد تصنيعه ممتازة و على فكرة لاحظت ان الصالون مابيسخنش من ركن العربية فى الشمس ، يعنى عزل السقف ممتاز .
استهلاك البنزين عادى ، و العربية متزنة لغاية 160 ، و صالونها واسع جدا ومريح .
من عيوبها ان السيدان من ورا مش حلو اقوى ، و صوت قفل الباب عالى شويه , شنطتها ( الهاتشباك ) صغيرة نوعا ما و لاكن عاليه .
بصفة عامة العربية كويسة و لاكن سعرها عالى شوية .
اصلا مفيش مقارنه
التيدا اجمل واحسن
تكسي بالضربه القاضيه...
التيدا ممكن تقارنها بالبيجو 307 او الميجان او الكورولا
مش اللانسر خالص
مفيش مستوى
وبعدين الهاتشباك بتاعهها واخد جايزه افضل عربيه في اليابان هانشباك سنة 2006 في استفتاء لأشهر المجلات اليابانيه
وبص هنا:
http://arabic.cnn.com/2006/auto/7/27...ida/index.html
أنا بحب تيدا وخصوصاً الهاتشباك، أنا كنت حشتريها وبالذات التابلوه بتاعها اسود من جوه.
آلتيدا وآتـــوكل على الله لان اللانسر بقيت عربية شعبية جداً
ممكن اقولك التيدا أفضل عفشتها ناعمة أكتر يعنى ماتحسش بمطبات ولا اهتزازات عزل العربية احسن تابلوه أشيك الوسع والراحة للراكبين التيدا تتفوق وكمان المقاعد الخلفية تتحرك للامام والخلف وظهر المقاعد كمان ممكن يميل للخلف السحب التيدا بتديك زى مانت عايز بس الانسر تكسب فى السحب الثبات للتيدا جميل بس الانسر تكسب فى الثبات على السرعات العالية الميزة انى التيدا بتديك سرعة عالية على عدد لفات للموتور أقل ودى ميزة للتيدا يعنى تمشى على 120 مثلا والموتور لسة مفوق عدد اللفات لسة بدرى
اما الشكل دى أزواق التيدا بالنسبة لى أجمل طبعا اقصدالهاتشباك اماحكاية اعادة البيع انا من وجهة نظرى انك ماتحطهاش فى اعتبارك خالصْ انت بتشترى عربية عشان تبيعها؟
ومين قال انى التيدا اعادة بيها تقيل او تخسر معتقدش بس اللانسر نظرا لانتشارها عشان ثقافة السيدان عندنا اللى مخليا الناس كلها عايزة تركب سيدان وخلاص مخلى اللانسراعادة بيعا افضل رأى فى النهاية التيدا
tida is better
التيداااااااااااااااااااا اااااااااا بلا منازع
اتكل على الله ومش حتندم
انا نفسى اعرف كم ثمن التيدا الكاملة بالظبط , و حد يكون اشتراتها موديل 2009 , شكلها اتغير كتير يعنى
؟؟؟؟؟؟؟؟؟؟؟؟؟؟؟؟؟؟؟؟؟؟؟
انا رايى انك تركز على الانسر احسن وخليك فى السليم ...وعموما الانسر موديل عريق ومعروف كويس فى العالم كله ومتجرب جيدا هنا فى مصر...اضافة الى ذلك ان الانسر ممكن تبيعها فى اى وقت وبسهولة وصيانتها وقطع غيارها افضل وعربية يابانى وشكلها ريااضى جدا (سبورت موديل) ...دا مش معنااه ان التيدا وحشه لا طبعا هى كويسه وكل حاااجة واوسع من جوه واريح كباور وكراسى وتحس انها حديثة ..لكن الحقيقة الانسر شكلها احسن وزى ما بيقولوا على قديييمه.....خد بالك بس من نقطة ان الانسر البوما ال 1600 الخليجى منها 122 حصااان (زى السيفيك والكورولا الجنوب افرقى تخيل) اما المصرى منها للاسف فهى 105 حصان فقط (يعنى مش قليلين ولا حااجة) والتيد 110 حصاان ..فالخليجى من ناحية الادااء افضل غير كده الانسر الرياضية عفشتها سبورت وبالتالى ثبااتها احسن ....وياسلام لو تفكر تجيب لانسر ال اى اكس شااارك الجديدة عربية تحفففة.....المهم خليك فى الانسر وبلاش التيدا.....التاريخ والمبيعات والاسم والارقاام فى صالح الانسر...
اى عربيه منتشرة فالخليج يبقى تعرف انها عربيه كويسه
سيبك من مصر
الناس اللى هنا هتجيبك ورا
اللانسر اللى طايرن بيها هنا دى روح شوفها فالخليج
بيتريقو عليها
التيدا هناك منتشرة جدااااا و الكلام ده لو حد بيروح الخليج هيأكدلك كلامى
التيدا عربيه محترمه جدا و اسم النيسان بصراحه افضل من متسوبيشى 100 مرة ( طبعا خرج مصر برة اللعبه )
تقفيل حلو
شيك و اعتماديه و اللى بيقولك ان الانسر ثباتها احسن يبقى مجربش اللى اتنين
مين قال ان اللانسر ثابته اصلا ؟
هات فيها كده فوق ال 160 و افترج على الملاهى اللى بتحصل
النسيان عربيات ثابته جدا و اختبارات السلامه بتاعتها فوق الوصف
اتكل على الله
تيدا
من الاخر وبكل امانة التيداااااااااااااااااااا ااااااااااااااااااااااااا ااااااااااااااا:7bteen::7bteen::7bt een:
تيييييييييييييييييييييييي يييييييييييييييييدا
السلام عليكم
التيدا كاداء وعفشة
الشكل لانسر
قطع غيار و سعر اعادة بيع في مصر معنديش فكرة