هو الكلام دا عادي في التريوس ؟

**mohammedfat80** · 13-08-2010 07:52 AM

بقالي فتره ملاحظ إن العربيه مفككه وأي حفره بتسمع في العربيه كلها رغم إني لسه مربط العفشة وأي حصواية في الأرض بحس بيها في الدركسيون و لو مشيت علي طريق مش مسفلت الاقي إيدي نملت من كتر الرجرجة اللي في الطارة (تريوس 2009)

بيقولولي دا عادي في العربيات العالية بس دي حاجة غير مريحة إطلاقاً

عموماً أنا حجزت يوم السبت الجاي إن شاء الله بس ياريت حد يقولي مركز العبور أروحلو منين لأني دايماً بروح أبو رواش
ورمضان كريم

**Alios** · 13-08-2010 10:46 AM

المشاركة الأصلية كتبت بواسطة mohammedfat80

بقالي فتره ملاحظ إن العربيه مفككه وأي حفره بتسمع في العربيه كلها رغم إني لسه مربط العفشة وأي حصواية في الأرض بحس بيها في الدركسيون و لو مشيت علي طريق مش مسفلت الاقي إيدي نملت من كتر الرجرجة اللي في الطارة (تريوس 2009)

بيقولولي دا عادي في العربيات العالية بس دي حاجة غير مريحة إطلاقاً

عموماً أنا حجزت يوم السبت الجاي إن شاء الله بس ياريت حد يقولي مركز العبور أروحلو منين لأني دايماً بروح أبو رواش
ورمضان كريم

دا فعلاً عادي في العربيات العالية ....

لأنها ببساطة عالية عن الأرض ......

بس الموضوع مش مقلق و لا حاجة ........ لان العربية بالرغم من كدا ثابتة جداً جداً ....

انا برده قلقت أول ما جبتها ..... بس لقيت ان الموضوع عادي جداً و مفيش حاجة حصلت للعربية الحمد لله برغم اني اكلت حفر بيها للصبح و على 120 ... :)

الموضوع دا مش في التريوس بس ..... في الجيب كمان و التويوتا اللاند كروزر ... سقتهم قبل كدا و حسيت بيهم نفس احساس التريوس ...... :)

اما موضوع ان الطريق مش مسفلت و الرجرجة ... فدا في اي عربية ........ العيب من الطريق مش من العربية ..... :)

ربنا يكفيك شرها و يبارك لك فيها :)

**Imhotep** · 13-08-2010 01:27 PM

حتة الاحساس بالطوب و اى حفر فى الطريق ده بسبب العفشة الناشفة اللى بتميز النوع ده من العربيات..... لكن رغم كده قدرة العربية على التعامل مع الطرق المكسرة بكفاءة تعطيك احساس ممتع بقوة العربية بيخليك مطمن..... انا برضة بتعامل احيانا مع الطرق المكسرة فى 6 اكتوبر بس زى ما قت الاحساس بقوة العربية بيطمن جدا

**م. حاتم السباعي** · 13-08-2010 04:51 PM

فعلا ارتفاع السيارة عن الارض بيعطي احساس بأن الرجرجة زائدة عن الحد ولكن مع طول الزمن تجد ان التريوس مثلا تعطي قدرة واتزان في المطبات والحفر عن السيارات المنخفضة واتوقع بأن غالبية ملاك التريوس جذبهم في هذه السيارة ارتفاعها عن الارض وانا كان معي في العمل سيارات فورد ( 4*4 ) وكذالك تويوتا ( 4*4 ) و بمجرد ان نزيد السرعة في اماكن بها مطبات او حفر كنا نحس بأننا راكبين جمال مش عربيات و عموما ممكن حضرتك وأنتا في التوكيل تشوف حد من العملاء وتناقش الامر معهم لتجميع الاراء حتي يرتاح بالك

م.حاتم السباعي

**mo7a_mo7a** · 13-08-2010 07:05 PM

عادي جدا
واعتقد ان الزملاء اوفوا في الشرح

**أبو عبدالله** · 14-08-2010 06:51 PM

بص من الأخر اولا مفيش مشكلة في علبة الدركسيون في التيريوس فلا تقلق من هذا
ولكن النهاية ومن الأخر
غير كاوتش العربيه الدانلوب الأصلي اللي بينزل في العربيه استاندر
غيره بنوع اخر ولو الموضوع مهم لك قوي يبقى هات نوع نظيف وعرضه شويه عن المقاس اللي عندك وبعدين حط نيتروجين وان شاء الله هتفرق جامد معاك ومتبقاش تنسى تدعيلي بالخير بإذن الله

**mohammedfat80** · 15-08-2010 01:02 AM

المشاركة الأصلية كتبت بواسطة أبو عبدالله

ومتبقاش تنسى تدعيلي بالخير بإذن الله

ربنا يكرمك ويطمن قلبك دايماً يا أبو عبدالله

**Imhotep** · 15-08-2010 09:58 AM

بمناسبة اضافة ابو عبد الله عن موضوع الكاوتش.... انا شخصيا مخطط ان شاء الله اغير الاربع فرد باربعة بريدجستون لما هو معروف عنه من نعومة ممكن تزود نعومة عفشة العربية..... بس مشكلة البريدجستون ان تمن الفردة حراق اوى تقريبا حوالى 600 جنيه..... يعنى الاربع فرد هيخشوا فى استيكين و نص