كلاكيت للمرة الالف: قتيل على الدائرى

بجد الموضوع بقى زيادة اوى عن اللزوم... فى ظرف 4 ايام صادفت اتنين ميتين على الدائرى فى حوادث

الاول يوم الثلاثاء اللى فات و انا مروح من الدائرى (هربا من زحام وسط البلد) كان فيه قتيل حوالى الساعة 5:45 قبل مطلع محور صفت اللبن... عربية جين 2 خبطت واحد و الراجل توفى... طيب اللى اتخبط دة كان بيهبب ايه على الدائرى؟... و اللى خبطة ذنبة ايه يقضى اول يوم فى رمضان فى اقسام و نيابة و تحقيقات؟؟؟... الراجل المتوفى كان فى تانى حارة من اليمين... يعتى فاضلة مترين و يبقى فى نص الدائرى تماما

الغريب فى الموضوع ان حوالين مكان الحادث ناس كتير واقفة و محتلة اول حارة على اليمين بالكامل و دول مش بيبصوا على الحادث... دول بيبصوا على الطريق كما لو كانوا منتظرين اوتوبيس او مكروباص... هنا ظهر السبب الحقيقى للحوادث دى و هو ان الناس بتستعمل الطريق الدائرى كما لو كان شارع الازهر... مكروباصات تنزل ناس و تركب ناس و ناس عدى من يمين الدائرى الى شمالة و العكس... و احنا اللى فى الاخر ندفع تمن تخلف الناس دى و اهمالها

انا كنت حكتب عن الموضوع فى يوميها بس كبرت دماغى و قلت ملهاش لزمة انكد على الناس... لحد ما كنت مروح من الرحاب ابارح و قابلت القتيل التانى

فى المنطقة اللى امام برج سما (كما لو كانت المنطقة دى موعودة بالمصايب) انا كنت ماشى فى اتجاة المعادى و الطريق وقف بشكل غريب مع ان الساعة 12:15 صباحا... بعد ما مشى الطريق بشوية لقيت الشرطة قافلة الحارتين الشمال بتوعنا و فيه قتيل ممدد على الارض... الغريب ان تقريبا الحادث حصل على الجانب التانى من الطريق لان الناحية التانية كان فيه هرج و مرج و شرطة و ناس ملمومة و الطريق واقف تماما... اعتقد دة واحد (او اكتر) كان بيعدى الناحية التانية وواحد شالة و من شدة الصدمة وقع على الاتجاة المعاكس

تشاء الصدف ان مكان الحادث على بعد امتار من كوبرى عبور مشاه بيتعمل فى الحتة دى كما لو كان اللى حدد موقع الكوبرى عارف ان المنطقة دى مشئومة... برضة بعد مكان الحادث كان فيه بهايم بتعدى الطريق الدائرى بالعرض الساعة 12:15 فى عز الضلمة... كما لو كان الناس اللى ماتت دى ماتت لسبب اخر غير انهم كانوا بيعدوا الطريق الدائرى

الحادثتين دول يعتبروا التالتة و الرابعة اللى كان فيها ناس ماتت قدام عينى خلال فترة استعمال الطريق الدائرى... الاولى كانت من 4 سنين تقريبا و كانت عربية نص نقل خبطت ولد شكلة 15 او 17 سنة فوق الكوبرى الكبير اللى بيقطع النيل على الطريق الدائرى... محدش يسال كان الواد بيعمل ايه على الكوبرى اللى فى نص النيل على الدائرى لانى من 4 سنوات بدور على اجابة السؤال دة و مش عارف الصراحة... الحادث كان فى اول حارة على الشمال يعنى الواد كان فى نص الكوربى تماما

الحادث التانى كان من حوالى سنة و كان فى اول حارة شمال برضة... بس المرة دى معقد لاصحاب السيارات اللى كان حظها سىء و شاركت فى الحادث... واحد بجلابية خبطتة سيراتو جديدة نوفى بدون لوحات و طيرتة فسقط اما عربية نص نقل و نزل تحت العجل... العربية مادستوش بس هو لازق فى العربية... هنا اعتقد العربية اللى من غير نمر حتخش فى مشاكل حتى لو موقفها سليم بالنسبة للحادث و بتاع النقل جت رجلة فى الحوار بدون ذنب

ربنا يكفينا شر الطريق و شر البهايم

MMamdouh

دى ثقافة شعب ولايمكن تتغير الا على المدى البعيد وانا واثق لو حتى الحكومه عملتلهم كبارى وانفاق كل مترين وده عمره ما هيحصل الناس هتسيبهم وتعدى من الطريق برضه

يا باشا طب ماهو عندنا في اسكندرية في بتاع 1000 نفق على البحر و برضو الناس بيعدو من فوق و يموتو و بمعدل كل يوم تقريبا و لو سألتو يقلك مكسل انزل النفق.

ربنا يستر

نفس الكلام على طريق القاهرة إسكندرية الزراعي اللي بامشي فيه 3-4 مرات أسبوعياً. في مرة كنت هاتعمل سندويتش بين عربيتين نقل بسبب واحدة بتعدي الشارع كده على الفطرة، بعد ما عدت العربة النقل اللي على يميني فوجئت بها أمام عربيتي بمسافة 20 متر تقريباً و ربنا ستر
مع أن في كباري عبور مشاة، و لو عربية شالت واحد من دول يقوم الناس بيمسكوا اللي كان سايق كأنه هو المجرم

العمران زحف لغاية الدائرى وأصبح عبور المشاة فيه كتير جداً

مثلاُ مدينة عباد الرحمن اللى عند برج سما ونادى الصيد ما فيهاش مواصلات .... السكان بيخرجوا يركبوا من أمامها على الدائرى فى اتجاه المعادى ووسط البلد

المشكلة لما بيرجعوا من اتجاه المعادى بالمواصلات العامة بينزلوا على الطريق ويعدوا الشارع على رجليهم !!! مخاطرة احتمال النجاة فيها لايزيد عن 20% .... وبرغم كده برضوا بيعملوها عشان مفيش بديل

يا ريت نستحمل شوية الناس دول ... بدل ما نرتكب ذنب فى حقهم ما نقدرش نستحمله

هو الدايري وكورنيش أسكندرية ( البحر )
أكتر طرق شفت عليها حوادث بشعة
بتاع أسكندرية معروف أن اللي يعدي منه ويموت ملوش دية وبالرغم من كدة تلاقي واحد معدي
حاجة ذل
والدايري ده أكتر طريق بمشي عليه
ولو مشوفتش حادثة كل يوم طازة بيجيلي أحساس ان ده دوري
العيب من كله
من كله

اقتباس:

---

المشاركة الأصلية كتبت بواسطة eng.geo

هو الدايري وكورنيش أسكندرية ( البحر )
أكتر طرق شفت عليها حوادث بشعة
بتاع أسكندرية معروف أن اللي يعدي منه ويموت ملوش دية وبالرغم من كدة تلاقي واحد معدي
حاجة ذل
والدايري ده أكتر طريق بمشي عليه
ولو مشوفتش حادثة كل يوم طازة بيجيلي أحساس ان ده دوري
العيب من كله
من كله

---

إيه يابني الاكتئاب دة على الصبح سبها على ربنا ،ربنا يستر طريقنا جميعاً .

والله كلام سليم وجميل
بس انت معاك عريبه وانا معايه عريه فى غيرنا معهمش عربيات طيب هيقعدوا فى البيت
لا الطبيعى انهم لازم يتصرفوا انا مثلا بروح شغلى اغبيه الوقت من غير عربيه طب ايه الموصله الى بركبها
بعد ممنعوا المحور لانى شغلى فى ميدان لبنان بسب البهايم الى بتعدى ويتوقفلهم الطريق

بركب لحد اول الدائرى ولازم اطلع اركب من على الدائرى لحد المحور
وللاسف مفيش مواصله تانيه غير ان الواحد يطلع على الدائرى فى اول حاره ويبص على العربيات الى جايه
وكل واحد بيبقى فى سباق انوا يركب الاول وبالتالى لازم يجرى الاول ولازم يطلع فى نص الطريق عشان يشوف الاول
اعتقد ان محدش منا حابب ان ديه تكون موصلته بس قولى انت حل تانى


مثل تانى عندنا فى القناطر عملوا كوبرى غير الى موجود عشان يخف الضغط والزحمه ومع ذلك نفس الموضوع
المشكله مبتكنش فى العربيات ولا كثافتها بالعكس المشكله فى الناس نفسهم الى بيركبوا من القناطر بيطلعوا فى وسط الطريق عشان يعرفوا يركبوا من الزحمه وبالتالى بيقفلوا الطريق بس قولى انت برضوا ايه حلهم
لو فى مواصلات متوفره وكباى علويه مكنش ده بقى الحال ومفتكرش ان ده برضوا حل

افتكر ان لو الثقافه بتاعت الشعب احسن من كدا مكنش ده بقى حلنا

ايه اللي اضطر الناس دي انها تعدي الدائري ؟ ابجث في السبب قبل القاء اللوم عليهم بالكامل .

المشكلة مش في أن الناس بتعدي الدائري أو غيره من الطرق السريعة

و لكن المشكلة في كيفية التعدية أو المرور .................... و اللهم أني صائم ...... مش عايز أوصف الناس بالأوصاف اللي تستحقها .

صفة الصبر .......... هي أخر ما نتصف به نحن المصريين

ياجماعه دي فعلا ثقافة شعب ودولة

على اول طريق مصر اسماعيليه الصحراوي بعد موقف العاشر
المكان ده بالليل ماهو الا سواد في جوفه سواد

وتفاجأ بواحد لابس جلابة رصاصي نفس لون الازفلت وبيعدي كأنه بيعدي في وسط البلد

انا عانيت من الموضوع ده والله
انا كنت بره مصر وعمري محصل معايا ان فجأه اكتشف ان في خيال قدامي لبني آدم...

وعلى فكره مش مجرد الناس اللي بتعدي

شوف امثلة تانيه
ميدان الحجاز وانا كنت مروح الساعه اتنين بالليل
وواحد جاي بموتوسيكل ديلفري فاكر نفسه عايش لوحده في الكون
انا بخرج من الميدان ولقيته قدامي فجأة بكل ما اوتي من سرعه

يعني كان بيني وبينه اقل من متر وربنا سترها اني شفته فآخر لحظه
ولا منور نور ولا عنده عاكل ولا باينله معالم
بقا انا لو خبطته يبقا عليا ذنب؟؟


مثال تالت عشان بأكد انه مش بس المشاة
التخلف كتير ولله الحمد

انا نازل من كوبري المطار باتجاه جوزيف تيتو
اول معديت ملف السندباد مسكت الحاره الشمال على اعتبار اني عايز الف وارجع
وكان الشارع بالليل والحكومه طايفة الانوار
عارفين لقيت قدامي ايه؟؟؟
عربية زباله ملهاش ولا لمبه ورا سليمه وولا عاكس والنمرة من كتر مهي وسخه مش عاكسه نور عربيتي ولونها لون الارض
الاخ راكن عشان يجيبو برميل من عالناحية التانيه بدل مايلف ويجيبه
بالذمه ده بيحصل فأنهي بلد

والامثلة كثيره ممكن اقعد اعدلك من النهارده لبكره
بس انا خلاص اكتشفت حاجه

الشعب كده مش هقدر اغيرهم كلهم
واذا كان رب البيت للطبل قارع فحالة أهل البيت الرقص والحدق يفهم...

والحل اني بقيت اتوقع كل البلاوي دي والله المستعان ويصبرنا على اللي احنا فيه ويسترها علينا يارب دايما

ربنا يسترها علينا جميعا..
آمين

اقتباس:

---

المشاركة الأصلية كتبت بواسطة gabrial

إيه يابني الاكتئاب دة على الصبح سبها على ربنا ،ربنا يستر طريقنا جميعاً .

---

مانا سايبها يا رامي
ربنا يستر

و الله الكلام ده انا بقولو بقالي 100 سنة بس برجع و اقول الناس دي عاوزة تركب و تروح اشغالها و ممعاهمش عربيات يعملوا ايه؟

المفروض قبل ما كانو يدو رخصة مباني حوالين الدائر كان يتعمل كباري مشاه او انفاق بس اللي يغيظ ان كوبري المشاة الوحيد اللي على الدائري الناس مش بتطلعوا و بيعدو بردو من تحت دول بقى نقول عليهم اييييييه؟!

و اللي بيعدو اكنهم بيتمشوا و الله العظيم مرة وانا مروح و معدي من جنب مودرن واحد بيعدي الطريق بالورب و بيتمشى و عمال يبص على الناس اللي في العربيات انا بجد زهلت لما شفت كدة و باااااارد برود شديد

ربنا يتولانا و بلاش جري علشان نعرف نتحكم في عربياتنا و منكنش سبب في ازهاق روح

قضاء وقدر....

حتى يا محمد باشا بعد الردارات لما اتركبت في ناس مش هممها وفاتحة في السرعة بغباء ..........الدائري ده بقى صعب قوي على قد ما بيسهل في المشاويير

زي ما القانون فيه فقرة بتقول " القانون لايحمي المغفلين" , برضه المفترض أن يكون هناك نص في القانون أن المشاة اللي بيعبروا الطريق الدائري لو ماتوا يبقي هما الغلطانين

المشكلة هي في ثقافة الميكروباصات اللي بترمي و تركب ناس علي طريق سريع زي ده
ربنا يأخدهم و يخلصنا بقي منهم و من بلاويهم بحق الشهر الفضيل قولوا أمين
:ask::ask::ask:

كل عام و حضراتكم بخير
م/ سمير الشهاوي

اقتباس:

---

المشاركة الأصلية كتبت بواسطة SE_coralsea

زي ما القانون فيه فقرة بتقول " القانون لايحمي المغفلين" , برضه المفترض أن يكون هناك نص في القانون أن المشاة اللي بيعبروا الطريق الدائري لو ماتوا يبقي هما الغلطانين

---

اعتقد اصلا ان لما واحد يعدى الطريق الدائرى او اى طريق سريع على رجلية بيندرج تلقائيا تحت بند المغفلين... و دة مجازا المقصود ببند "الاستغراق" فى الحوادث دى

بند الاستغراق المقصود بيه ان فى حالة الحوادث دى بيكون سائق العربية اخطاء بقتل المجنى علية... لكن المجنى عليه فى الاساس هو اللى اخطاء... و خطائة استغرق خطاء الجانى و تسبب فى وقوع الحادث

بالتالى بيعتبر سائق العربية برىء و النيابة بتفرج عنة و المجنى علية بيعتبر هو المخطى و بينتهى الموضوع على كدة... يبقى ازاى واحد عاقل يضيع روحة بالبساطة الشديدة دى عشان مكسل يطلع كوبرى او ينزل نفق او عايز يعمل فهلوى وسط عربيات ماشية 90 كيلو فى الساعة؟؟؟؟

اقتباس:

---

المشكلة هي في ثقافة الميكروباصات اللي بترمي و تركب ناس علي طريق سريع زي ده

---

اصبت الهدف... و هو دة قصدى من الملاحظة بتاعت حادثة الجين 2... المنطقة تحولت الى موقف اوتوبيس على طريق سريع... نفس الكلام فى الحتة اللى قدام كارفور بس الناس بتقف فى مسافة حارتين مش حتى حارة واحدة... يعنى اللى حيمسك الحارة دى حيطيرلة على الاقل دستة مغفلين...

و فى النهاية برضة حيدفع 200 جنية غرامة فى المحكمة و يخرج... لان القانون لا يحمى المغفلين... المشكلة بس فى الخضة و الحالة النفسية الزبالة و تلفيات العربية و بهدلة الاقسام و النيابة و المحكمة

اقتباس:

---

ربنا يأخدهم و يخلصنا بقي منهم و من بلاويهم بحق الشهر الفضيل قولوا أمين
:ask::ask::ask:

---

امييييييييييييييييييييييي ييييييييين

MMamdouh

اقتباس:

---

المشاركة الأصلية كتبت بواسطة د.محمود صلاح

ايه اللي اضطر الناس دي انها تعدي الدائري ؟ ابجث في السبب قبل القاء اللوم عليهم بالكامل .

---

النا س ملهاش ذنب
هو مضطر انه يعدي الطريق علشان يركب مواصله
هل وفرت له بديل كوبري او نفق علشان نحمله المسؤليه
لو كان البديل موجود فعلا ولم يستخدمه
يكون موته موت مستحق لانه اهمل
العيب عيب النظام الفاشل
الناس عندهم ارخص من رغيف العيش

اقتباس:

---

المشاركة الأصلية كتبت بواسطة د.محمود صلاح

ايه اللي اضطر الناس دي انها تعدي الدائري ؟ ابجث في السبب قبل القاء اللوم عليهم بالكامل .

---

+++++++++1


كما لو كان هما عايزين يموتوا نفسهم ... اكيد غصب عنهم :shine[1]:

اخواني الاعزاء

هنبه على حاجه في غاية الخطوره والله

فيه ناس الشرع قد يعتبرهم منتحرين!!!!

ربنا قال
(ولا تلقوا بأيديكم الى التهلكة)

واللي بيقف على الدائري وغيره بالشكل ده هوا بيلقي بيده الى التهلكه لا محاله

وبعض العلماء يروا ان اللي يعمل كده كأنه منتحر

والحقيقه كلامهم عاجبني جدا

عامله زي اللي يقولوله في انزلاقات تلجيه في المكان الفلاني
يقول عارف بس هروح برضو

مهو منتحر كده

هو على يقين ان اللي بيعمله غلط كبير وقد يودي بحياته ومع ذلك بيعمله برضو

يبقى منقعدش نقول هما اكيد مش عايزين يموتو نفسهم

اللي يعمل كده كمان شجع انه يموت غيره

ياجماعه الكلام ده خطير جدا

مش كفايه انه وقف وعرض نفسه للموت
ده شجع غيره كمان
متخيلين لو غيره اللي اتشجع ده حصله حاجه
هيبقى بسبب اللي سن السنه القبيحه دي
اذن بجميع الاوجه محدش يقدر يبرأهم ولا يدافع عنهم وملهومش دية وكل واحد يعمل اللي هوا شايفه كويس وفيه مصلحته والله المستعان



تحياتي

ناس غشيمة و بتدفع حياتها التمن فالاخر...

الله يحرق اللي كان السبب في الهبل دا

اقتباس:

---

المشاركة الأصلية كتبت بواسطة m_mekkawy

دى ثقافة شعب ولايمكن تتغير الا على المدى البعيد وانا واثق لو حتى الحكومه عملتلهم كبارى وانفاق كل مترين وده عمره ما هيحصل الناس هتسيبهم وتعدى من الطريق برضه

---

الله ينور عليك
عارف لو كتبنا علي كوبري المشاه ممنوع السير فيه هتلقي الناس هتمشي فيه أنا اكل الفول بدع معنا
ومش تكبر ولا غرور فعلآ الفول مع الناس بقا مخدرات تكله من هنا ميفهموش حاجه من هنا
وكمان الناس عندنا هنا ماشيه بي كلمه سبها علي الله ياعم ونعمه بي الله بس ربنا قال اعقلها وتوكل
يعني راكب مع شخص عربيتي بتتمرجح وعمال اقوله بشويش مش خوف بس انا لو حاسس ان العربيه سليمه هقوله فلق الارض لكن يقولي سبها علي الله اقوله ما المشكله اني كنت بقول زيك كده ولبست في عمود وكنا بنموت احنا هنا اجري العب كوره علي الدائري ماشي عربيات هلكانه علي الطريق اعمل زحمه اعمل اي حاجه المهم اننا نفضل نتفرج وخلاص هنعمل ايه اهو حال وشكله هيدوم كمان كام سنه زي الاول يعني من ساعت ما اتولدت ولما اموت هظل تحت جلبيته

مفيش كلام الواحد يقدر يقوله بعد الكلام اللي قالوه اعضاء المنتدى بس اقددر اقول مفيش فيدة ان الشعب ده حاله يتصلح وثقافته تتغير وانا متخيل ان الواداث لو حصلت بعد 10 سنين حنقعد نقول نفس الكلام ده ومش هيتغير خالص

لو اللي بيحصل ده هو نتاج ثقافة شعب , يبقي من الافضل أن الشعب كله يموت علي الدائري و كل الطرق السريعة علشان تموت معاه الثقافة اللي من النوع ده

الدائري ده عايز حل جذري من الحكومه

اقتباس:

---

المشاركة الأصلية كتبت بواسطة se_coralsea

لو اللي بيحصل ده هو نتاج ثقافة شعب , يبقي من الافضل أن الشعب كله يموت علي الدائري و كل الطرق السريعة علشان تموت معاه الثقافة اللي من النوع ده

---

أحييك و الله
كفاية دلع و هشتكة للتخلف

الله يكون فى عون القتيل ويكون فى عون الراجل ال خبطه بهدله فى الاقسام واكيد تصليح عربيه ....... الناس عايزه تنتحر واحيانا وبيحرق دمى اوى اوى حد بيعدى الشارع او الددائرى وبيمشى براحه اوى لو ماشى بيتسرمح مع بنت مش هيمشى كدا ومديلك ظهره كمان على اساس انك راكب عربيه يبق انت ال تحاسب


مره كنت مسافر اسكندريه ولقيت واحده ست بتعدى الشارع على بعد منى قلت اكيد هتقف فى بدايه الحاره الثانيه علشان شايفه العربيه لقيتها حطط وشها فى الارض ومكمله هيا وبنتها والمفروض وانا ماشى 100 يعنى اعمل ايه لقيت نفسى ضارب كلكس ومش سبته غير لما فاقت ووقفت علشان اعدى وسبحان الله حسيت انها صحيت من النوم بعد الكلكس اكنها كانت نايمه تحت اللحاف بجد حاجه تحرق الدم ولو كنت خبطها كان زمانى قتلت واحده هتبق زويل الثانى واتبهدل انا فى الاقسام واصل العربيه كمان



يا رب استرها علينا بفضل شهر رمضان

ربنا يســـــــــــــــتر

انا عايش في الرياض ومن يومين بالصدفه شفت اتنين بيحاولو يعدو طريق الملك فهد وده طبعا رئيسي السرعة داخل المدينة السرعة فيه ١٠٠ وطبعا اللي بيمسك الشمال بيعدي ١٦٠ او ١٨٠ كم/س ، المهم الاتنين دول كان شكلهم كده مصريين ومش عارف لما يعدو النص الاول هايطلعو علي الجزيره اللي في النص ازاي، ديه كتل خرسانية مايله وناعمه ارتفاعها حوالي متر ونص وممتدة بعرض مترين مزروعين شجر وخل ونجيله، وفجأه وجدت سيارة الشرطة الباجيرو الصغيرة تندفع نحوهم والضابط خارج من الشباك بيقولوهم ارجعو والا هاعملكو مخالفه وغرامه وخلاهم يرجعو فعلا ماعاداهمش

اكيد طالما عملوا كدة يبقوا مصريين صرف

يا راجل دا اللى بيجيب بضهرة على طريق سريع فى امريكا بيجبروة يروح جلسات علاج نفسى عشان هما شايفين ان اللى بيعمل كدة اكيد مجنون... فى مصر دى حاجة عادية جدا

MMamdouh

اقتباس:

---

المشاركة الأصلية كتبت بواسطة mmamdouh

اكيد طالما عملوا كدة يبقوا مصريين صرف

يا راجل دا اللى بيجيب بضهرة على طريق سريع فى امريكا بيجبروة يروح جلسات علاج نفسى عشان هما شايفين ان اللى بيعمل كدة اكيد مجنون... فى مصر دى حاجة عادية جدا

mmamdouh

---

علي كده أحنا شعب مش طبيعي و معظمه يا اما مجانين أو ماعندهمش عقل أساسا

بص يا هندسة... كل الناس عندها عقل... الفرق احنا بنستعملة ازاى

المصريين دونا عن خلق الله بيحاولوا يستعملوا مخهم لاكتشاف و ابتكار طرق للتحايل على القانون و النظام... و دة يعرف فى اللغة الدارجة بالفهلوة

يعنى لما واحد امريكانى وواحد المانى وواحد مصرى يعرفوا ان فيه رادار على الدائرى... الامريكى و الالمانى حيلتزموا بالسرعات المقررة و يفكر فى اى حاجة تانية مهمة تفيدة هو شخصيا او تفيد عائلتة او تفيد مجتمعة باى شكل... المصرى حيفكر هو و عائلتة و مجتمعة ازاى يكسر السرعة المقررة من غير ما الرادار يقفشة

على فكرة الموضوع دة كان اساسا نكتة ظريفة و كانت بتقول:

فى اكبر مسابقة للصناعة فى العالم وصل الى النهائى 3 دول... امريكاو اليابان و مصر و كانت المسابقة فى اظهار مدى التطور و التقدم التكنولوجى اللى وصلت له كل دولة

فى النهائى الفريق الامريكى جاب شعرة انسان و قطعوها بالطول الى 16 قطعة مما يدل على دقة متناهية

اليابانيون قرروا ان يظهروا للامريكان انهم ملوك الدقة فاخدوا قطعة من ال16 قطعة من الشعرة اللى قطعها الامريكان و قاموا بتفريغها من الداخل و بقت عاملة زى ما تكون ماسورة شديدة الصغر و الدقة

المصريين عشان يثبتوا انهم احسن من كل العالم دى... جابوا علبة و حطوا فيها الشعرة اللى فرغها اليابانيون معد ما قطعها الامريكان و لصقوا عليها ستيكر مكتوب علية:

صنع فى مصر

MMamdouh

جميله يا باشمهندس ممدوح
فعلا ملوك الفهلوه

اقتباس:

---

المشاركة الأصلية كتبت بواسطة MMamdouh

بص يا هندسة... كل الناس عندها عقل... الفرق احنا بنستعملة ازاى

المصريين دونا عن خلق الله بيحاولوا يستعملوا مخهم لاكتشاف و ابتكار طرق للتحايل على القانون و النظام... و دة يعرف فى اللغة الدارجة بالفهلوة

يعنى لما واحد امريكانى وواحد المانى وواحد مصرى يعرفوا ان فيه رادار على الدائرى... الامريكى و الالمانى حيلتزموا بالسرعات المقررة و يفكر فى اى حاجة تانية مهمة تفيدة هو شخصيا او تفيد عائلتة او تفيد مجتمعة باى شكل... المصرى حيفكر هو و عائلتة و مجتمعة ازاى يكسر السرعة المقررة من غير ما الرادار يقفشة

على فكرة الموضوع دة كان اساسا نكتة ظريفة و كانت بتقول:

فى اكبر مسابقة للصناعة فى العالم وصل الى النهائى 3 دول... امريكاو اليابان و مصر و كانت المسابقة فى اظهار مدى التطور و التقدم التكنولوجى اللى وصلت له كل دولة

فى النهائى الفريق الامريكى جاب شعرة انسان و قطعوها بالطول الى 16 قطعة مما يدل على دقة متناهية

اليابانيون قرروا ان يظهروا للامريكان انهم ملوك الدقة فاخدوا قطعة من ال16 قطعة من الشعرة اللى قطعها الامريكان و قاموا بتفريغها من الداخل و بقت عاملة زى ما تكون ماسورة شديدة الصغر و الدقة

المصريين عشان يثبتوا انهم احسن من كل العالم دى... جابوا علبة و حطوا فيها الشعرة اللى فرغها اليابانيون معد ما قطعها الامريكان و لصقوا عليها ستيكر مكتوب علية:

صنع فى مصر

MMamdouh

---

:POINTIy2[2]::POINTIy2[2]::POINTIy2[2]:

طيب خد الحادثة دي علي دائري شبرا

سواق مقطورة فاكر نفسة راكب 128 بيجر بالمقطورة ومرة واحد المقطورة فكت وواحد مات وتصادم 7سياراتواصابة 8
ContactCars | &#34مقطورة&#34 تحطم 7 سيارات على الدائري

اقتباس:

---

المشاركة الأصلية كتبت بواسطة mrwho1982

طيب خد الحادثة دي علي دائري شبرا

سواق مقطورة فاكر نفسة راكب 128 بيجر بالمقطورة ومرة واحد المقطورة فكت وواحد مات وتصادم 7سياراتواصابة 8
contactcars | &#34مقطورة&#34 تحطم 7 سيارات على الدائري

---

لا اله الا انت سبحانك اني كنت من الظالمين

انا مش عارف امتي الحكومة هاتصحي !!
حرام ارواح الناس بتروح كل يوم بسبب العربيات المقطورة . انا بشوفهم طايرين . تخيل انت ماشي 80 والتاني طاير من جنبك !!
والله العظيم بشوفهم بيعدوا من وسط العربيات كانهم راكبين عربية زينا
للاسف لا يوجد قانون يحمي الابرياء
حسبي الله ونعم الوكيل . حسبي الله ونعم الوكيل

امبارح شفت على الدائري سواق تاكس
لقى الفتحة اللي هاينزل منها جنبه و هو في تاني حارة من على الشمال
فوقف خاااااااالص و عوج وش عربيته يمين و ادى اشارة يمين
و وقف يستنى يمينه يفضى عشان يروح ينزل من الفتحة
في تاني حارة من الشمال
:@:@:@

اقتباس:

---

المشاركة الأصلية كتبت بواسطة tlrsiap

امبارح شفت على الدائري سواق تاكس
لقى الفتحة اللي هاينزل منها جنبه و هو في تاني حارة من على الشمال
فوقف خاااااااالص و عوج وش عربيته يمين و ادى اشارة يمين
و وقف يستنى يمينه يفضى عشان يروح ينزل من الفتحة
في تاني حارة من الشمال
:@:@:@

---

في الحالة دي الشعب المصري اخترع حاجة اسمها الشتيمة بالكلاكس

تت تاااااااااااااااات