أنا نويت أتكل علي اللـه،،، وأبيع بقي !!

**M.Osama** · 13-08-2010 07:03 PM

انا خلاص ان شاء الله نويت اتكل علي الله وابيع العربيه... وربنا وحده يعلم العربيه دي غاليه عندي قد إيه.. بس ما باليد حيله.. المانيوال مينفعش في البلد دي

رجلي الشمال دي خلاص دااابت من كتر الدبرياج ومفيش حل اغير اني اجيب عربيه اوتوماتيك

ودلوقتي انا فكرت واستقريت ان شاء الله علي 3 انواع اجيب منهم وياريت آرائكم فكل نوع فيهم

1. أوبل فيكترا: وتكون 2000 سي سي موديل 2002 - 2003 ودي نادر لما تلاقي فيهم حاجه حد كان محافظ عليها أو بياخد باله منها وده اللي مخوفني.. وغالبا حتلاقي التكييف بايظ

2. رينو ميجان: موديل 2005 وعربيه ما شاء الله عليها وهم.. ثبات وامكانيات وتحمل واوبشن جوه العربيه.. بس سمعت كتير عن عيوبها وعيب الكارت واللي بيقولي دا جسمها كله فبر... ايه رأيكم ؟؟

3. بيجو 406: موديل 2002 - 2003 يعني الوحش الفرنسي يعني البرستيييج الرهييييب والثبات الممتاز بس خايف من حاجتين قطع غيارها واماكن صيانتها..

ايه رأيكو يا عصابه ؟؟؟

**abdelaziz-waleed** · 13-08-2010 07:31 PM

والله مش عارف اقولك ايه يا محمد
العصابة ما تقدرشي واحد من اهم اعضائها حتى لو جبت حاجة غير الاوبل وربنا يوفقك لكل ما هو خير ان شاء الله
هو طلعا الاختيار بيبقى صعب لو انت مش حاطط حاجة معينة في دماغك
بس حاسس ان الاختيارات اللي انت حاطتها تتجه في صالح الميجان
بس طبعا انا كل اللي اعرفه عن العربيات ديه هو اللي انت قولته في مشاركتك
بس بالنسبة للبيجو 406 الموديل ده (2002) هنا في الجزائر العربية ديه بيحترموها جدا ومحافظة جدا جدا على سعرها وبيحكو ويتحاكو عليها

**abdelaziz-waleed** · 13-08-2010 07:33 PM

انت ممكن تفضي نفسك وتدخل على قسم كل عربية وتحاول تقرا مواضيع كتير في القسم ده وتقارن العربيات ببعض وتشوف
بس اكيد فيه عربيات اوبل 2000 سي سي اوتوماتيك كويسة بس الموضوع هياخد وقت ومحتاج صبر شوية علشان توقع حاجة نضيفة واهو اسمك حافظ الاوبل ومش هتتعب معاها

**kareem_Ashmawy** · 13-08-2010 07:41 PM

بالنسبة للــ406
هو لو انت بتنزل القاهرة كتير...يبقى صيانة البيجو محلولة...هقولك على احسن أماكن صيانة البيجو فى القاهرة و ناس نحترمة و عارفة شغلها كويس و اسعار معقولة
بالنسبة لقطع الغيار اعتقد انها فى مستوى الفكترا ال 2002 و ارخص شوية من الميجان بس انا مش مش متاكد قوى بصراحة لو عملت موضوع فى قسم بيجو هتلاقى ناس معاهم العربية يدلوك كويس على اسعار قطع الغيار و على راسهم ا.وليد عباس
.
وربنا يوفقك لعربية كويسة