عندى ماستر الدبرياج بتاع ألنترا 2007 بيجيب زيت
وبالتالى بتلاقى الدبرياج واقع
عوز اعرف اعملو ايه
طقم اصلاح ولا مستر جديد
والتكلفه كام
وانا اعرف اغيرو ولا لازم ميكانيكى
وشكرا جزيلا للرد
عرض للطباعة
عندى ماستر الدبرياج بتاع ألنترا 2007 بيجيب زيت
وبالتالى بتلاقى الدبرياج واقع
عوز اعرف اعملو ايه
طقم اصلاح ولا مستر جديد
والتكلفه كام
وانا اعرف اغيرو ولا لازم ميكانيكى
وشكرا جزيلا للرد
طالما الماستر الفوقانى أو التحتانى جاب زيت من على محور التشغيل
مش من على ماسورة تغذيته بزيت الدبرياج
يبقى أرشح لك تغييره
أما لو من عند الماسوره بتاعة الزيت
يبقى تجرب تحرق على الرباط
_________________
فوضع تسريب الزيت هو اللى بيحكمنا
فا المفروض توضح مكان التسريب
وفى أى ماستر ( الفوقانى ولا التحتانى )
ولو ترفع صوره لكى تبين بها الوضع ( يبقى أفضل فى تصور العيب وعلاجه الأفضل ليك )
يا بشمهندس معلش
انا مش فاهم يعنى ايه الفوقانى ولا التحتانى
انا بصيت عليه لقيت ان التسريب من مستر متركب على وش الموتور من بره عامل زى المساعد
هو ده اللى بيسرب زيت
وياريت لو توضحلى يعنى ايه الفوقانى ولا التحتانى
ويكون لك جزيل الشكر
دورة تشغيل الدبرياج الزيت
بيكون ليها عدد /2 ماستر هيدروليك ( أسطوانه هيدروليك صغيره ....زى نظام المساعد الزيت على صغير مع الفارق )
1- ماستر فوقانى أنت بتزق عموده برجليك اليسرى علشان تضخ زيت دبرياج فى خط زيت رايح للماستر التحتانى
2- الماستر التحتانى لما بيجيله زيت مضغوط من الماستر السابق بيحرك مجموعة وصلات لفصل أو تحرير مكونات الدبرياج
ولهذا بيسموه ماستر التحرير
هو راكب على وش الفتيس الجانبىاقتباس:
انا بصيت عليه لقيت ان التسريب من مستر متركب على وش الموتور من بره عامل زى المساعد
هو ده اللى بيسرب زيت
وده الماستر التحتانى ( الخاص بتفصيص أو تحرير مكونات الدبرياج )
وعليه كاوتشه مكشكشه ( شبه البيانو )
لو شيلت الكاوتش لقدام وقلبتها وكان بيجيب زيت من تحتها
يبقى حتغيره
أما لو من الماسوره اللى رايحاله بزيت مضغوط
يبقى ممكن تكون محتاج رباط فقط
صورلى بس أنت المكان اللى بيجيب زيت منه
وأنا حقولك حنعمل أيه
حتغيره ولا حنعيد رباط
ألف ألف شكر يا بشمهندس
زي ماحضرتك قولت
أنا شيلت الكاوتش لقدام وقلبتها وكان بيجيب زيت من تحتها
بس انا أسمع ان بيتعملو طقم اصلاح بس مش عارف ازاى
والتكلفه ايه
ياريت توضحلى ويكون لك جزيل الشكر
وكل سنه وانت طيب
يبقى السيل بتاع بستم الماستر ضرب
وعملية الأصلاح فى الحاجات دى مش مستحبه أوى
وعموما الماستر ده مش حيوصل معاك ل100 ج تقريبا جديد
فيه زملاء شارينه من حوالى 6 شهور ب 85 ج
أما لو عاوزتعمله أصلاح ممكن ومش حيكلفك 20 ج
بس زى ما قولتلك
ركب واحد جديد أفضل
وأدى ياسيدى شكل الماستر التحتانى ( ماستر التحرير )
http://s4.postimage.org/LUJrS.jpg
أعمل كليك على الصوره لرؤيته على طبيعته.....وكاوتشة البيانو راكبه على نهايته من أسفل
الف شكر يا باشا
فعلا نعمه الصديق الوفى
الله يخليك
ودعواتى لك بالتوفيق وروقان البال