الموضوع: زمن " البرشته " انتهى !!!

المشاركة الأصلية كتبت بواسطة amrseba

بص يا باشا عايز تعرف اى معلومه عن فيات اسأل الى راكبنها غير كده اقولك جااااااااااااااااهل بمعنى الكلمه

لو شوفت الردود فى موقع كونتكت كار الى بيقولك اشترى افيو ولا فيرنا

الافيو الى بتطلع منها الباليو الى 1000 سى سى و عربيه ياعنى اوحش عربيه صينى احسن منها و اسف للى معاهم العربيه

الفيرنا اه الفيرنا مفهاش كلام فى الشد و الكلام ده بس عربيه ماتور فقط مفيش فرامل و لا ثبات ولا اوبشن ولا خامات و بالاضافه الى اعطال كتيره ده غير العفشه التعبانه اكمل ولا كفايه كده و بلاش حد يزعل ونبى

و على الاقل لما تيجى تغسلها هتبقى مطمن غير لما تيجى تغسلها تبقى خايف من البرومه

معلش فيه ايه اختيارات افضل من البونتو فى الفئه ديه مفيش و العربيه منتشره جدا بس مش الانتشار زى الفيرنا ولانوس لا انتشار وفى نفس الوقت مميزه

عربيه ياعنى اوحش عربيه صينى احسن منها و اسف للى معاهم العربيه.............. ياترى المقصود الافيو ولا الباليوو

!!!!!!!!!!!!!!!!!!!!!!!!!

المشاركة الأصلية كتبت بواسطة gabrial

سيينا موضوع تاني ازاي مش فيات برضه ؟؟
مش مراقبك ولا حاجة ولا أنا تبع الادارة ،أنا بدخل قسم المقارنة عشان مهم ليا و إنت بتبقى موجود و قسم هيونداي عشان بشوف أخبار الموديلات الجديدة ،إنت بتعمل إيه بقى فيه ؟:oc_sun1[1]:
إنت طبعاً راشق في فيات علطول و أنا بدخل عشان بفكر أجب برافو, عشان كدة بنلاقي بعض في مواضيع كتير ،ولا تزعل يا باشا مدام كلامي مزعلك يبقى مفيش داعي للنقاش تاني .
تحياتي يا باشا ,إعتذاري لصاحب الموضوع عشان خرجنا عنه

لا يا باشا ولا يهمك انا بهزر و انت طبعا راجل زى الفل و نبقى نباركلك بقى لما تجيب البرافو و معلش اصلى مش بحب السينا شويه

المشاركة الأصلية كتبت بواسطة ahmadmidop

عربيه ياعنى اوحش عربيه صينى احسن منها و اسف للى معاهم العربيه.............. ياترى المقصود الافيو ولا الباليوو :i_angr1[1]:

لا يا باشا الافيو فهمتنى انت غلط و مقدرش اغلط فى الباليو يا باشا انا ركبتها جميله جدا و مش حاسس فعلا انها 1000 سى سى ربنا يباركلك فيها

المشاركة الأصلية كتبت بواسطة eng.geo

amrseba

انت رحت فين ؟
كنت مستني أجابات ومناقشات

افتح مواضيع يا باشا انا جاهز للمناقشه و انت راجل تمام و المناقشه معاك لذيذه

المشاركة الأصلية كتبت بواسطة amrseba

لا يا باشا الافيو فهمتنى انت غلط و مقدرش اغلط فى الباليو يا باشا انا ركبتها جميله جدا و مش حاسس فعلا انها 1000 سى سى ربنا يباركلك فيها

الله يخليك ياباشا .... وعلى فكرة انا معابا افيو بردو 2010 بس معنديش ولاء ليها زي الباليو

يا رجالة انا بجد مشفتش جدعنة و شهامة زي اللي الواحد بيشوفها في المنتدى هنا، انا بجد مش عارف اشكركم ازاي على محبتكم و مساعدتكم.
دلوقتي الوضع في حاجة اختلفت، انا رحت صالة عرض اوماترا اسكندرية و ركبت العربية، هي عربية ممتازة في كل حاجة بس المشكلة انها ضيقة جدا عشان انا طويل كمان, فعشان انا اقعد مستريح مينفعش حد يقعد ورايا حتى انا معايا صور للعربية و معايا صور لشكل الكنبة الخلفية بس الصراحة انا معرفش ارفعهم ازاي، فلو حد حابب ابعتهم على الايميل بتاعه و يرفعهم هو، يبقى جزاه الله كل خير عشان الفايده تعم على الكل.
حاليا انا ووالدي بدأنا نتجه للتفكير في حاجة مستعملة، و اللي وقع تحت ايدينا دلوقتي سكودا اوكتافيا a4 2005 بس محتاجة 4 فرد كاوتش و طقم دبرياج و لسه هاروح اشوفها يوم الاتنين، يا ريت برضو زي ما شاركتوني من الاول اتمنى انكم تساعدوني برأيكم و اللي عنده اي وجهة نظر تانية يا ريت يعرضها و الف شكر لكم جميعا.