سلام عليكم ياجماعة وكل سنة وانتم طيبين بمناسبة شهر رمضان الكريم أعاده الله عليكم بالخير والبركات ان شاء الله....... كنت عايز استفسر من خبراء اللانسر على حاجه كده علشان بصراحة اللانسر جديدة عليا أنا معايا ميتسوبيشى لانسر عيون صفية موديل 1991 كاملة أوتوماتيك زجاج عادة 1300 سى سى المكنة السوداء اللى هيا 12 صباب ولاحظت عليها الأتى وعايز تفسير مطمئن بعد اذنكم :
1- المفروض العربية دى بتأخذ كام كيلو زيت مكنة الميكانيكى قالى 3ك من غير الفلتر بس لقيت الزيت بينقص مع العلم ان مفيش تسريب من أى حتة والجوانات كلها تمام وبحط زيت كالتكس هافولين فورميولا الجركن الاسود معقولة يكون الزيت بيتبخر .
2- سحب العربية مع التكييف فى بداية حركة العربية يكاد يكون منعدم يعنى صوت المكنة بيعلى وانا بدوس بنزين وحركة العربية بطيئة جدا جدا بس بعد كده على الطوالى بتسحب جامد وتجيب كمان 180 ك/ساعة بس بالمسايسة يعنى من الاخر مشيها حلو بس تجميعها وحش.
ياترى ياحضرات ده عادى وانا مستغرب لان النوع ده جديد عليا ولا المواضيع دى عادى فى اللانسر