قيادة الفيرنا الاوتوماتك وصيانتها وبعض اسعار قطع الغيار وخبرة قيادة

:wicked:السلام عليك ورحمه لله وبركاته وكل عام وانتم بخير
انقل إليكم تجربتي عن قيادة سيارتي الفيرنا الاوتوماتك موديل 2008

اولا هذة تجربتي الشخصية فقط وليست عن دراسة علمية وشكرا لكل من يريد التصحيح

اركب الفيرنا من 2.5 سنه (جديدة ) والحمد لله لا يوجد بها مشاكل خطيرة تستوجب التدخل وعملت التالي
متابعه تغيير الزيوت ( موتور) وفلتر الهواء واشتريت فلتر التكييف وركبته بنفسي في حدود ( 25 جنية لفلتر التكييف ) وبالنسبة للهوا كان ب 45 جنية ( السعار دي حديثة )

اشتريت 4 علب زيت موبيل اوتوماتك dot4 الواحده ب 32 جنية وده علشان غيرت زيت الفتيس واشتريت علبة زيت فرامل وسألت عن ميكانيكي محترم علشان انا محتاج اغير الاشياء دي قدامي مش زي التوكيل يعني اصلهم بيخدو العربية ومش بعرف عملو فيها اية

وتم تغيير زيت الفرامل بالكامل وزيت الفتيس اخد 3 لتر رغم ان السعة الكاملة 6.7 لتر تقريبا ولما سالت عرفت ان ده بيكون داخل الفتيس ومش بيتصفي بالكامل عن طريق الطبة واني لو عاوز اصفية لازم يتشال وش الفتيس
( وطبعا ماجتش نحيتة )

ودايما بحافظ علي الفرامل وانها تتغير دايما في معادها يعني تقريبا 4 شهور ( كانت مستهلكة او لم تكن لاني بخاف انها تشقق وللعلم كوري اصلي ) او حتي حسب الكشف عليها عند اي حد.
المهم
يعني تم تغيير زيت الباور والفتيس والفرامل والفلاتر هوا وتكييف وشديت السيور ( باور زكتينة وتكيف ..)

والحمد لله تمام وزي الفل

وكانت اسلوب قيادتي للاوتوماتك كالتالي

دايما الصبح تكون علي حرف p وشادد الهاند ادور بهدوء( كان فية قفشة في المارش بتروح وتيجي سعات وسعات يعني وإتحلت تماما لم غير البطارية في التوكيل بجافة وعملت 1130 جنية والله في توكيل قليوب مع اخر صيانة عندهم وكانت الاخيرة تماما
لاني عرفت انهم سرقوني في السعر ومن هنا رفضت اكمل صيانه عندهم وابتديت لوحدي اجيب قطع الغيار من الحرفيين كوري اصلي بالختم واغيرها بنفسي لاقيت اني كنت متبهدل زمان لما كنت بعمل الصيانة عندهم )
وبعد كده دايما امشي علي حرف ال D ولو في إشارة طويلة با اطفي الماتور وخلي الفتيس علي ال N وشد الهاند ولما تفتح ادور بسرعه وارجع للD واشيل الهاند.

ولما كانت تاخدني الجلالة وامشي علي OverDrive يعني مش بشغلة عمال علبطال وكان اخري بية 100 كيلو ( محورNA ) قبل مطلع المقطم من علي الدائري قدام صنية مدخل التجمع الخامس .. ومش بنصح حد يشد فية اكتر من كده ربنا يسترها معاكو ومعابا

وحاليا واحد اعرفة ركبها فالاقيتة بيعمي حاجه غريبة جدا !!!

اولا
لاقيتة بعد ما يدور العربية ينقل علي حرف L ويطلع ولما ال RPM يكون عالي وصوت الموتور عالي شوية ينقل بدون ما يشيل رجله من علي البنزين علي ال 2 لغاية سرعة 60 كيلو وبعد كده يرجع الدراع الي D ويسمع ويحس بالنقلة من التاني الي التالت ( غير محسوسة تقريبا ) ثم يدوس علي زرار OverDrive الي 100 كيلو وبعد كده يطفية !!! العربية بتبقي مانيول في معدل التسارع يعني الوصول للسرعة في معدل زمني قليل جدا !!!

لاقيت اني راكب عربية تانية غير اللي انا كنت راكبها يعني العربية ( وجهة نظر عن سرعتها قبل كدة ب ال D بس ) ولاقيت اني زي مايكون راكب عربية مانيوال مش اوتوماتك في العزم والسرعة ومعدل التسارع

إية رأيكم ؟؟ برجاء الافادة لو في اي شيء
وشكرا

يعني ايه حرف ال l ???? سؤال معلشي كدا

اقتباس:

---

المشاركة الأصلية كتبت بواسطة hamdy

يعني ايه حرف ال l ???? سؤال معلشي كدا

---

الفيرنا ليها l و 2 و d و n و r
ال l يعني اكبر ترس للتحميل ودة يكون لعدد لفات موتور مش كتير وسرعة برده مشكتير يعني تقريبا 2.5 rpm و تقريبا 30 كيلو يعني علشان ماتحملش عالمتور والفتيس وشكرا

طبيعى جدا ... اللى بيحصل فى العادى (السواقه على ال D ) .. ان العربيه بتنقل على RPM قليل ... و ده طبعا اريح للعربيه لكن مش بيديك اقصى تسارع
الطريقه التانيه بقى انك بتبدا تمشى على الـ L ... و كده انت بتجبر العربيه تمشى على الغيار الاول لحد ما ال RPM يوصل لاقصى عزم للعربيه (تقريبا 3000 لفه فى الفيرنا) .. و بعد كده تطلع على 2, كانك بتنقل من الاول للتانى فى المانيوال و دى مش محتاجه انك تشيل رجلك من على البنزين و لا حاجه .. و بعد ما ال RPM برضه يوصل لاعلى حاجه تنقل على ال D و تشغل اوفردرايف عشان تشتغل على 3 نقلات بس ... و كده يبقى انت جبت اخر كل غيار و كانك قلبت العربيه مانيوال ..

العمليه دى ليها لازمه لو انت عايز تشد اوى بالعربيه او كده ... حاجه كده شبه الستيبترونيك بس hand made
D:D:D:D:D:

شكراً على نقل التجربة ..

ليه الصيانة الاخيرة ب 1100 ج ؟ عملولها ايه بالضبط ؟

هل تعرف سعر الفتيس الجديد كام ؟ الأوتوماتيك ؟

اقتباس:

---

المشاركة الأصلية كتبت بواسطة د.محمود صلاح

شكراً على نقل التجربة ..

ليه الصيانة الاخيرة ب 1100 ج ؟ عملولها ايه بالضبط ؟

هل تعرف سعر الفتيس الجديد كام ؟ الأوتوماتيك ؟

---

هالو دكتور محمود

والله انا كنت مواظب علي الصيانه في التوكيل يعني من اول ال 500 كيلو لغاية ال40.000 وبعملها كل 5000
يعني والله اتسرقت منهم لما شوفت اني ممكن اعمل كل شيء برة و فعلا ب 1 / 5 من السعر وبنفس الجودة

وبالنسبة لسؤالك عن 1100 والله زي ما ها قولك

غيرت ( البطارية الموجودة السائلة) بواحدة جافة ((( عادية وماركة مش معروفة كمان)))
وغيرت كاوتش المسحتين بتوع العربية ((( بس)))

وفي النهاية وهما يخرجو الفاتورة مش تفصيلية ( يعني عرفين اني مغفل ولما ها يحرقني السعر ها استدل بالفاتوره فا كتبوا فيها Part No.. بس ))

وبعد كده قررت اني ماكونش مغفل تاني

وشكرا

ياجماعة التوكيل حرامييييييية انا رحت 1000 و 5000 وبس وكلة برة وزى الفل الناس هنا محسسانى انهم راكبين جاجور او فيرارى دة اى حد بيفهم فى العربيات دى ارحمونا من النصب دة

طب ممكن اسال حضرتك هو ايه اللي بيتعمل في صيانة 40 الف لان عربيتي نيو اكسنت موديل 2008 وناوي اعملها بره توكيل

اقتباس:

---

المشاركة الأصلية كتبت بواسطة shadinasr

طب ممكن اسال حضرتك هو ايه اللي بيتعمل في صيانة 40 الف لان عربيتي نيو اكسنت موديل 2008 وناوي اعملها بره توكيل

---

هلو مومبية (shadinasr)

والله من حكم تجربتي والله لو كان حد نصحني ماكنتش عملت الصيانة اصلا في التوكيل
المهم

اولا- سيادتك هاتنزل الحرفيين ( شارع جمال عبد الناصر )
وها تشتري التالي (( كوري اصلي بالختم والصلاحية ))

1- فلتر زيت
2-فلتر بنزين ( انا والله غيرتة بنفسي لانة اسهل من شكة الدبوس )
3-اكشف علي الاربع عجلات من كل ناحية شوف لو فيه تأكل لاقدر الله واله قطع وشوف لو محتاج ترصص وتظبط زوايا
4-اربط العفشة ( اي بنزينة محترمه ) وعينك عليالصنايعي اللي بيربط وماتخليهوش يربط الابواب او جوه الصالون خالص
5- شوف لو فية صوت في السيور ( الكاتينة -الباور -الدينامو ) يعني لو انتا بتشغل العربية الصبح وسمعت صفارة وتروح بعد شوية (( محتاجة فقط شد السيور )

6-شوف لو محتاج تكشف علي البطارية ولو كانت جافة يكون احسن

واخيرا ((( بس ))) ماتخليش التوكيل يضحك عليك

اهم شيء تعرف واحد كويس توديلة العربية وماتسيبهوش علي ايدة يعني ( بردة في ميكانيكية كويسسين في النهضة عند نادي السلام)

تقريبا تعمل حسابك علي 300 الي 500 جنية ووالله برة التوكيل هتاخد بالفلوس دي شغل كويس وهاتبقي ضامن الخامات اللي اتركبت

شوف لو عاوز مكان الميكانيكي وعندك gps قولي وانا ارسلك ملف nokia map بالاحداثيات او لو تعرف تكتبها انتا

سلام وشكرا

اخوك وبحب عربتي جدا زيييك تمام:satelite:

شكرا يا باشا علي تعريفنا سواقة الاوتوماتيك كا مانيوال حقيقي حلوة بس تأثيرها ايه عالمدي البعيد

بالنسبة للاوتوماتيك انا اعتبرها (ديليكاه نواعمي بالنسبة للمنيوال) لوحد يقدر يفيدنا يقول وما يتكسفش ونكون شاكرين

شكرا لنقل التجربه المفيده دى يا فنان


لحد أمتى هفضل اقول للناس متروحش التوكيل عشان ده اسمه نصب مش توكيل

مش عارف الناس امتى ربنا يهديها وتنفض لموضوع التوكيل ده

يا شباب انا عايز اركب فلتر التكييف لوحدى حد يقدر يفدنى؟؟؟

اقتباس:

---

المشاركة الأصلية كتبت بواسطة tamtam_313

يا شباب انا عايز اركب فلتر التكييف لوحدى حد يقدر يفدنى؟؟؟

---

صباح سعيد مومبية

بص ياسيدي
اولا
انتا جبت فلتر التكييف خلاص والة هاتشتريه من شارع جمال عبدالناصر الحرفيين
المهم في اي حال

الموضوع سهل جدااااااااااااا

فين يا معلم الدرج اللي قدام الباب اليمين عارفة
افتح الباب اليمين لاخرة
( طبعا البس لبس مريح شوية وتحت ضلة يعني مش شمس علشان المزلقة والعرق :shine[1]:

المهم فضي الدرج تمام وبعد كده هاتلاقي جوة الدرج ((( بلاستكتين سود )))

ماتخفش هما متصممين انهم يتقطقو من جوه لبرة علشان تعرف تفتح الدرج لتحت

اضغط عليهم وشد حة الكاوتش افوق وهوووبا ها تلاقيالدرج اتفتح والبياستكتين في ايدك

بص بعينك جوة هاتلاقي سلك الهوياية بتاع التكييف سلك صل كجه ما تقلاقش وسع لنفسك كده لانك هاتلاقية متعلق في الصنجوق الاسود اللي قدامك

المهم هاتلاقي بلاستكه بالطول (( بالراحة كده شيلها هاتتشالمعاك بسهولو لفوق

هاتلقي فية فاتحة تحتها تكفي لدخول (( قطعتين فلترالتكييف بالعقل))

واقفل الباب البلاستك ده ورجع سلك الهواية
ورجع الدرج والبلاستكات بتاعتة


وقولللييي


سلام (( سلاح التلميز ))
:satelite: