تشغييل السيارة بالريموت كنترول

**ahm_fa2002** · 14-08-2010 11:53 AM

السلام عليكم انا جبت يا جماعة جهاز انذار من السعودية لتشغيل السيارة بغرض تسخين السيارة من البيت قبل الذهاب الي العمل ولاكن مافيش ولا واحد فني عارف يشغلة الجهاز ده اسمة هونج كونج مرسوم علي العلبة الكلبة لاسي ياريت اللي يعرف حد يركبة او طريقة تشغيلة في مدنية المنصورة اكون شاكر جدا

**magyver** · 15-08-2010 05:03 AM

ازاي يعني مش عارفين يشغلوووة
طيب بيقلوولك اية
؟

**karimfahmy99** · 15-08-2010 05:45 AM

كان فى حاجة زى كدة بس اسمها sun one او sun gun برضة انذار مع امكانية دوارة السيارة . انزل مصر و روح التوفيقية هناك هيعرفو يركبوة .

**magyver** · 15-08-2010 05:55 AM

قلي بس هما بيقلوولك اية
واانا اقلك علي وااحد وهو يركبهوولك

**karimfahmy99** · 15-08-2010 06:05 AM

على فكرة هو تركيبة زى اى انذار فيما عدا جزئية الدوارة بيحتاج توصيلة على سلك فتح كهربا و المارش و سلكة بتتلف على سلك الضغط العالى فى البوبينة عشان الجهاز يحس اذا العربية دارت و لا لأ . المهم فى الموضوع و دى اهم حاجة ان العربية تكون 95% بتدور من اول مرة او بالكتير تانى مرة دا اللى ركب الجهاز ركز علية قبل ما يركب الانذار . و تانى اهم حاجة لو العربية مانيوال انك متنساش و تسيبها معشقة لان فى العربيات الاتوماتك بيتوصل سلكة على ضفيرة الاتوماتك فى نقطة ال p و دى اشارة انة امان ان الجهاز يدور العربية اما المانيوال ملوش

**magyver** · 15-08-2010 06:10 AM

بالظبط كدة علشان المارش

**ahm_fa2002** · 15-08-2010 07:18 AM

شكرا ياجماعة علي الاهتمام الجهاز حاليا راكب بس زي اي جهاز عادي مجرد لو في حد لمس السيارة يعطيك انذار وحتي السنتر مش شغال لانة كل كهربائي اروح له يحرق البلف او القربة الرئيسية وكل الكهربائية اروح لهم يقولو الجهاز جديد وسيبك من موضوع دوارة السيارة عن بعد هات لك جهاز عادي ب 130 جنية علما اني مشتري جهاز الانذار بتاعي مايعادل 700 جنية مصري ؟؟؟وجاري البحث عن فني

**magyver** · 15-08-2010 08:55 AM

يعني هو جهاز انزار وفية الخاصية دة ولا اية

**ahm_fa2002** · 15-08-2010 08:12 PM

المشاركة الأصلية كتبت بواسطة magyver

يعني هو جهاز انزار وفية الخاصية دة ولا اية

طبعا الجهاز فيه خاصية تشغيل السيارة عن بعد حسب الكتالوج وحسب الريموت بتاعة انك تضغط علي زرار 2+3 في نفس الوقت تشتغل السيارةو ولاكن بيصدر صوت عند الضغط علي الازرار داخل الجهاز صوت زي الكتاوت تكتكة ولا تشتغل السيارة جاري البحث عن فني وشكرا

**د.احمدالشافعى** · 15-08-2010 08:30 PM

السلام عليكم
انا هقولك على واحد كنت ركبت نفس الريموت دا من 6 سنين كان عند واحد فى السنبلاوين اسمه علاء الكترونى الراجل دا ايده تتلف فى حرير
عنوانه عند موقف الميكروباصات اللى رايحه المنصوره واسال هناك على ماتذكر هو فى المحلات الى على شريط السكه الحديد
وكل عام وانتم بخير